Tata Group Stocks: Tata Trustsના નવા પ્રસ્તાવ બાદ શેરોમાં વેચવાલી, Tata Chemicalsમાં ભારે ઘટાડો

ટાટા ગ્રુપની અનેક કંપનીઓના શેરમાં 29 સપ્ટેમ્બરે ઘટાડો જોવા મળ્યો હતો. તેનું મુખ્ય કારણ ટાટા ટ્રસ્ટનો નવો પ્રસ્તાવ છે. આ પ્રસ્તાવ ટાટા સન્સ સાથે સંબંધિત છે અને તેનો ઉદ્દેશ્ય ટાટા સન્સના શેરબજારમાં પ્રસ્તાવિત લિસ્ટિંગને ટાળવાનો હોવાનું જણાવાયું છે.

ખાસ કરીને એવી કંપનીઓના શેરમાં ઘટાડો જોવા મળ્યો છે, જેમને ટાટા સન્સના લિસ્ટિંગથી ફાયદો થવાની શક્યતા માનવામાં આવી રહી હતી. તેમાં ટાટા કેમિકલ્સ, ટાટા મોટર્સ પીવ અને ટાટા ઈન્વેસ્ટમેન્ટ કોર્પોરેશનનો સમાવેશ થાય છે.

કારોબાર દરમિયાન ટાટા કેમિકલ્સ, ટાટા મોટર્સ પીવી અને ટાટા ઈન્વેસ્ટમેન્ટ કોર્પોરેશનના શેર એક સમયે આશરે 3થી 4 ટકા સુધી ઘટ્યા હતા. જોકે બાદમાં ઘટાડો થોડો ઓછો થયો હતો.

બપોરે 12 વાગ્યે:

Tata Chemicalsનો શેર 2.35% ઘટીને ₹626.35 પર હતો.

Tata Motors PVનો શેર 0.50% ઘટીને ₹280.30 પર હતો.

Tata Investment Corporationનો શેર 2.19% ઘટીને ₹630.30 પર ટ્રેડ થઈ રહ્યો હતો.

ટાટા ટ્રસ્ટએ 28 સપ્ટેમ્બરે રજૂ કર્યો પ્રસ્તાવ

ટાટા ટ્રસ્ટએ 28 સપ્ટેમ્બરની સાંજે નવો પ્રસ્તાવ રજૂ કર્યો હતો. તેમાં ટાટા ઈલેક્ટ્રોનિક્સ અને ટાટા કંસલ્ટિંગ એન્જીનિયર્સને ટાટા સન્સમાં મર્જ કરવાનો પ્રસ્તાવ સામેલ છે. આ સમગ્ર મામલો ટાટા સન્સના પ્રસ્તાવિત લિસ્ટિંગ સાથે જોડાયેલો છે. ટાટા સન્સ, ટાટા ગ્રુપની હોલ્ડિંગ કંપની છે અને હાલમાં તેને કોર ઈન્વેસ્ટમેન્ટ કંપની (CIC)નો દરજ્જો મળેલો છે. RBIના નિયમો અનુસાર, આ સ્થિતિને કારણે ટાટા સન્સને શેરબજારમાં લિસ્ટ થવાની જરૂરિયાત ઊભી થઈ હતી.

ટાટા ટ્રસ્ટ ટાટા સન્સનું લિસ્ટિંગ નથી ઇચ્છતા

ટાટા ટ્રસ્ટ, ટાટા સન્સને શેરબજારમાં લિસ્ટ કરાવવા માગતા નથી. આ માટે તેણે RBI પાસે NBFC લાઇસન્સ સરેન્ડર કરવાની મંજૂરી માંગી હતી, પરંતુ RBIએ કંપનીનો આ પ્રસ્તાવ નકારી દીધો હતો.

હવે ટાટા ટ્રસ્ટ, ટાટા સન્સનો એનબીએફસી અને કોર ઈન્વેસ્ટમેન્ટ કંપનીનો દરજ્જો જ ખતમ કરવા માગે છે. આ માટે ટ્રસ્ટએ ટાટા સન્સના ઓપરેટિંગ અને એસેટ પ્રોફાઇલમાં ફેરફાર કરવાનો પ્રસ્તાવ રજૂ કર્યો છે.

ટાટા સન્સમાં અન્ય બિઝનેસનું પણ થઈ શકે છે મર્જર

ટાટા ઈલેક્ટ્રોનિક્સ અને ટાટા કંસ્લટિંગ એન્જીનિયરિંગ ટાટા સન્સની 100% સબ્સિડિયરીઝ છે. આ બંને કંપનીઓનું ટાટા સન્સમાં મર્જર કરવામાં આવે તો ટાટા સન્સને બહારના શેરહોલ્ડર્સને નવા શેર ઇશ્યૂ કરવાની જરૂર નહીં પડે.

Tata Trustsની યોજના Tata Sonsમાં કેટલાક અન્ય ઓપરેટિંગ બિઝનેસને પણ મર્જ કરવાની હોવાનું જણાવાયું છે.

હવે RBIના નિર્ણય પર રહેશે નજર

ટાટા ટ્રસ્ટએ પોતાના પ્રસ્તાવમાં જણાવ્યું છે કે ટાટા સન્સને લઈને રજૂ કરવામાં આવેલી યોજના ટાટા ગ્રુપ અને તેના શેરહોલ્ડર્સ બંનેના હિતમાં છે. જોકે, IiASના હેતલ દલાલે CNBC-TV18 સાથેની વાતચીતમાં જણાવ્યું હતું કે ટાટા ટ્રસ્ટની આ યોજનાનું ભવિષ્ય RBIના નિર્ણય પર નિર્ભર રહેશે. આ પ્રસ્તાવનો અમલ ત્યારે જ થઈ શકશે, જ્યારે Tata Trustsના તમામ સભ્યોનું સમર્થન તેને મળશે.

વેણુ શ્રીનિવાસનના વલણ પર પણ નજર

દલાલે વધુમાં જણાવ્યું કે હવે એ જોવાનું રહેશે કે ટાટા સન્સના બોર્ડ મેમ્બર વેણુ શ્રીનિવાસન આ પ્રસ્તાવને સમર્થન આપે છે કે નહીં. શ્રીનિવાસન ટાટા સન્સના શેરબજારમાં પ્રસ્તાવિત લિસ્ટિંગના સમર્થનમાં રહ્યા છે. આ દરમિયાન ટાટા ટ્રસ્ટના નવા પ્રસ્તાવની અસર ટાટા ગ્રુપની કેટલીક લિસ્ટેડ કંપનીઓના શેરમાં જોવા મળી રહી છે. ખાસ કરીને ટાટા કેમિકલ્સ અને ટાટા ઈન્વેસ્ટમેન્ટ કોર્પોરેશનમાં નોંધપાત્ર ઘટાડો જોવા મળ્યો છે.