Market trend : બજારમાં ઉતાર-ચઢાવ વચ્ચે આ 2 શેર્સ કરાવી શકે છે મોટી કમાણી, નિષ્ણાતોએ આપી સલાહ

Market trend : અમેરિકા અને ઈરાન વચ્ચેની વાતચીતને લઈને ચાલી રહેલા સસ્પેન્સના કારણે શેરબજારમાં અત્યારે થોડી સાવચેતી જોવા મળી રહી છે. સપ્તાહના પ્રથમ દિવસે બજારમાં ભારે ઉતાર-ચઢાવ રહ્યો હતો. જોકે, સેન્સેક્સ અને નિફ્ટી સામાન્ય વધારા સાથે બંધ થવામાં સફળ રહ્યા હતા. નિફ્ટી 11 પોઈન્ટ વધીને 24,365 અને સેન્સેક્સ 27 પોઈન્ટના ઉછાળા સાથે 78,520 પર બંધ રહ્યો હતો. બીજી તરફ બેંક નિફ્ટી પણ 56,582 ના સ્તરે પહોંચ્યો હતો.

માર્કેટનો ટ્રેન્ડ કેવો રહેશે?

ટેકનિકલ એનાલિસ્ટ માનસ જાયસ્વાલના જણાવ્યા અનુસાર, નિફ્ટી અત્યારે 24,400 ના લેવલને પાર કરવામાં થોડી મુશ્કેલી અનુભવી રહ્યો છે. પરંતુ આનો અર્થ એ નથી કે માર્કેટ નબળું છે. બજારનો ઓવરઓલ ટ્રેન્ડ અત્યારે પણ પોઝિટિવ છે. જ્યાં સુધી નિફ્ટી 23,800 ના લેવલની ઉપર છે, ત્યાં સુધી ગભરાવાની જરૂર નથી. આવનારા દિવસોમાં નિફ્ટી 24,900 ના લેવલને ટેસ્ટ કરવા માટે આગળ વધી શકે છે. રોકાણકારો માટે અત્યારે દરેક ઘટાડે ખરીદી કરવાની એટલે કે 'બાય ઓન ડીપ્સ'ની સ્ટ્રેટેજી શ્રેષ્ઠ રહેશે.

બેંક નિફ્ટી વિશે વાત કરતા તેમણે જણાવ્યું કે, જો તે 57,000 ની સપાટી તોડશે તો 58,500 સુધી જઈ શકે છે. હાલમાં 55,500 નું લેવલ બેંક નિફ્ટી માટે મજબૂત સપોર્ટ તરીકે કામ કરી રહ્યું છે.

બજારની આ સ્થિતિમાં માનસ જાયસ્વાલે કમાણી માટે બે શેરોમાં ખરીદી કરવાની સલાહ આપી છે.

Uno Minda (ઉનો મિન્ડા): આ સ્ટોકમાં સતત તેજી જોવા મળી રહી છે. ગઈકાલે આ શેરે તેના મહત્વના મુવિંગ એવરેજ ઉપર બ્રેકઆઉટ આપ્યું છે. રોકાણકારો 1099 ના સ્ટોપલોસ સાથે આ શેરમાં ખરીદી કરી શકે છે. આ સ્ટોકમાં 1175 સુધીના ટાર્ગેટ જોવા મળી શકે છે.

Tube Investments (ટ્યુબ ઇન્વેસ્ટમેન્ટ): લાંબા સમયના કન્સોલિડેશન પછી આ શેરમાં ફ્રેશ બ્રેકઆઉટ જોવા મળ્યું છે. આ શેરમાં 2824 ના સ્ટોપલોસ સાથે ખરીદી કરવાની સલાહ છે. ટૂંકા ગાળામાં તે 3000 ના ટાર્ગેટ સુધી પહોંચી શકે છે.

આ પણ વાંચો-Stocks to Watch: નિફ્ટીની એક્સપાયરી પર આ સ્ટોક્સમાં જોવા મળશે તેજી, વેદાંતા અને JSW સ્ટીલ પર રહેશે ખાસ નજર

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.