Share Market Fall: આ 3 કારણોસર શેર બજારમાં કડાકો, સેન્સેક્સ-નિફ્ટી લાલ નિશાનમાં, IT અને મેટલ શેરોએ વધાર્યું દબાણ

Share Market Fall : ભારતીય શેર બજારમાં આજે શરૂઆતી કારોબારમાં જ ભારે વેચવાલીનું દબાણ જોવા મળ્યું છે. એશિયન બજારોમાંથી મળેલા નબળા સંકેતો અને નિફ્ટીની વીકલી એક્સપાયરીના દિવસે સેન્સેક્સ  અને નિફ્ટી 50 બંને ઈન્ડેક્સ લાલ નિશાનમાં ખૂલ્યા હતા. મુખ્યત્વે આઈટી સેક્ટરે બજારને નીચે લાવવામાં મોટો ભાગ ભજવ્યો છે અને આ ઘટાડામાં તેને મેટલ સેક્ટરનો પણ પૂરો સાથ મળ્યો છે.

ટ્રેડિંગની શરૂઆતમાં જ સેન્સેક્સ 200 પોઈન્ટથી વધુ ગગડી ગયો હતો, જ્યારે નિફ્ટી પણ 24,100 ની નીચે સરકી ગયો હતો. જોકે, બ્રોડર માર્કેટમાં મિડકેપ અને સ્મોલકેપ શેરો બજારને થોડું સંભાળવાનો પ્રયાસ કરી રહ્યા છે, જેથી નિફ્ટી મિડકેપ 100 અને સ્મોલકેપ 100 માં સાધારણ વધારો જોવા મળ્યો છે. સવારે 09:31 વાગ્યાના આંકડા પર નજર કરીએ તો, સેન્સેક્સ 29.25 પોઈન્ટ (0.04%) ના સામાન્ય ઘટાડા સાથે 77,064.82 પર અને નિફ્ટી 7.20 પોઈન્ટ (0.03%) ના ઘટાડા સાથે 24,095.70 ના સ્તર પર ટ્રેડ થઈ રહ્યો હતો. ઈન્ટ્રા-ડેમાં સેન્સેક્સ 215.41 પોઈન્ટ તૂટીને 76,878.66 અને નિફ્ટી 62.85 પોઈન્ટ ઘટીને 24,040.05 ના નીચલા સ્તર સુધી પહોંચી ગયો હતો.

બજારમાં ઘટાડા પાછળના 3 મુખ્ય કારણો

IT અને મેટલ સેક્ટરનું ભારે દબાણ

એશિયન અને ગ્લોબલ બજારોની નબળાઈ

ઘરેલુ બજાર પર વિદેશી બજારોના નેગેટિવ સેન્ટિમેન્ટની ભારે અસર પડી રહી છે. અમેરિકન માર્કેટમાં નેસ્ડેક 1 ટકાથી વધુ તૂટ્યો હતો અને S&P 500 પણ ઘટાડા સાથે બંધ થયો હતો. એશિયન બજારોની સ્થિતિ વધુ ખરાબ છે, સાઉથ કોરિયાનો કોસ્પી ઈન્ડેક્સ 5 ટકાથી વધુ કડડભૂસ થયો છે. જ્યારે હોંગકોંગનો હેંગ સેંગ અને જાપાનનો નિક્કેઈ 225 1-1 ટકાથી વધુ ઘટ્યા છે. આ સિવાય તાઈવાન, થાઈલેન્ડ અને ચીનના બજારો પણ લાલ નિશાનમાં ટ્રેડ થઈ રહ્યા છે.

નિફ્ટીની વીકલી એક્સપાયરી

આજે નિફ્ટીના ઈન્ડેક્સ ડેરિવેટિવ કોન્ટ્રાક્ટ્સની સાપ્તાહિક એક્સપાયરીનો દિવસ છે. એક્સપાયરીના દિવસે બજારમાં હંમેશા વોલેટિલિટી રહે છે, જેની સીધી અસર આજના ટ્રેડિંગ સેશન પર વર્તાઈ રહી છે.

આ પણ વાંચો-Opening Bell: શેરબજારની નબળી શરૂઆત, સેન્સેક્સ 150 પોઈન્ટ તૂટ્યો, નિફ્ટી 24,100ની નીચે સરક્યો

ડિસ્ક્લેમર: આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.