Budget 2026 fuels Textile Stocks: કેન્દ્રીય નાણામંત્રી નિર્મલા સીતારમણે આજે સતત નવમી વખત દેશનું બજેટ રજૂ કરીને ઈતિહાસ રચ્યો છે. નાણાકીય વર્ષ 2027 (FY27) ના આ બજેટમાં નાણામંત્રીએ ટેક્સટાઈલ સેક્ટર (કાપડ ઉદ્યોગ) માટે દિલ ખોલીને જાહેરાતો કરી છે. તેમના આ એલાનને કારણે શેરબજારમાં ટેક્સટાઈલ કંપનીઓના શેરોમાં જાણે રોકેટ જેવી તેજી જોવા મળી છે.
બજેટમાં આ એક જાહેરાતથી ટેક્સટાઈલ શેર્સ બન્યા રોકેટ! KPR Mill અને Arvind માં જોરદાર ઉછાળો
નાણામંત્રી નિર્મલા સીતારમણે બજેટ 2026 માં ટેક્સટાઈલ સેક્ટર માટે મોટા એલાન કર્યા છે. મેગા ટેક્સટાઈલ પાર્કની જાહેરાત બાદ KPR Mill અને Arvind જેવા શેરોમાં 3.5% સુધીનો ઉછાળો આવ્યો છે. જાણો વિગતવાર.
અપડેટેડ 12:08:06 PM Feb 01, 2026 પર
નાણામંત્રીએ ચેલેન્જ મોડ દ્વારા મેગા ટેક્સટાઈલ પાર્ક બનાવવાની જાહેરાત કરી છે. આ પાર્કનો મુખ્ય ઉદ્દેશ્ય એક મોટું અને 'ઇન્ટિગ્રેટેડ મેન્યુફેક્ચરિંગ ઇકોસિસ્ટમ' ઊભું કરવાનો છે, જેથી વેલ્યુ ચેનમાં હરીફાઈ સુધારી શકાય.
કયા શેરોમાં આવી તેજી?
બજેટ ભાષણ દરમિયાન ટેક્સટાઈલ સેક્ટર માટે થયેલી જાહેરાતોની અસર તરત જ શેરબજાર પર જોવા મળી હતી.
KPR Mill: આ કંપનીના શેરમાં 3.5% નો જોરદાર ઉછાળો આવ્યો.
Vardhman Textiles: આ શેર પણ 2.2% જેટલો વધ્યો.
અન્ય શેર્સ: આ ઉપરાંત વેલસ્પન લિવિંગ (Welspun Living), પેજ ઇન્ડસ્ટ્રીઝ (Page Industries) અને અરવિંદ (Arvind) જેવા જાણીતા શેરોમાં પણ 1 થી 3% સુધીની તેજી જોવા મળી છે.
નાણામંત્રીએ પટારામાંથી શું કાઢ્યું?
નાણામંત્રીએ કાપડ ઉદ્યોગને આધુનિક બનાવવા અને તેનો વિસ્તાર કરવા માટે કેટલીક મહત્વની યોજનાઓ જાહેર કરી છે:
મેગા ટેક્સટાઈલ પાર્ક: નાણામંત્રીએ 'ચેલેન્જ મોડ' (Challenge Mode) દ્વારા મેગા ટેક્સટાઈલ પાર્ક બનાવવાની જાહેરાત કરી છે. આ પાર્કનો મુખ્ય ઉદ્દેશ્ય એક મોટું અને 'ઇન્ટિગ્રેટેડ મેન્યુફેક્ચરિંગ ઇકોસિસ્ટમ' ઊભું કરવાનો છે, જેથી વેલ્યુ ચેનમાં હરીફાઈ સુધારી શકાય.
ટેકનિકલ ટેક્સટાઈલ પર ફોકસ: સરકારનું ખાસ ધ્યાન હવે 'ટેકનિકલ ટેક્સટાઈલ' પર રહેશે, જે નવા જમાનાની માંગ છે.
લેબર અને સ્કિલિંગ માટે યોજના: ટેક્સટાઈલ સેક્ટર એ સૌથી વધુ રોજગારી આપતું (Labor-intensive) ક્ષેત્ર છે. તેથી નાણામંત્રીએ 'ટેક્સટાઈલ લેબર ઈન્સેન્ટિવ સ્કીમ' ની જાહેરાત કરી છે.
હેન્ડલૂમ અને હેન્ડીક્રાફ્ટ: આ ઉપરાંત 'નેશનલ હેન્ડલૂમ અને હેન્ડીક્રાફ્ટ પ્રોગ્રામ' અને ટેક્સટાઈલ સ્કિલિંગ સિસ્ટમને મજબૂત કરવા માટે પણ નવી યોજના લાવવામાં આવશે.
આ તમામ જાહેરાતોને કારણે રોકાણકારોમાં ઉત્સાહ છે અને તેની સીધી અસર ટેક્સટાઈલ કંપનીઓના શેરો પર જોવા મળી રહી છે.
ડિસ્ક્લેમર: આ ઑફર જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
