ટાયર કંપીન એમઆરએફએ એક જ દિવસમાં 5.96 લાખ રૂપિયા ઉછળ્યો

ટાયર બનાવતી કંપની એમઆરએફ (MRF)નો શેર ભારતમાં સૌથી મોંઘો છે, આજે તેમાં ભારે ઉછાળો જોવા મળ્યો. આ શેર સપ્તાહના છેલ્લા દિવસે વેપાર દરમિયાન 4 ટકાથી વધુ ઉછાળા સાથે 1,11,939.95 રૂપિયા પર પહોંચી ગયો હતો. આ તેનું 52 સપ્તાહનું ઉચ્ચતમ સ્તર છે. આખરે તે બીએસઈ પર 3.66 ટકા એટલે કે 3916.70 રૂપિયાના વધારા સાથે 1,10,839.80 રૂપિયા પર બંધ થયો. જોકે, દુનિયાનો સૌથી મોંઘો શેર જાણીતા ઈન્વેસ્ટર વોરેન બફેની કંપની બર્કશાયર હેથવેનો છે. ગુરુવારે તે 1.35 ટકા એટલે કે, 7,200 ડોલરની તેજી સાથે 5,41,000 ડોલર પર બંધ થયો. રૂપિયામાં ગણતરી કરીએ તો, આ વધારો લગભગ 5,96,488 રૂપિયા થાય છે. જ્યારે આ શેરનો હાલનો ભાવ રૂપિયામાં ગણીએ તો લગભગ 4,48,16,710 રૂપિયા થાય. જો કોઈની પાસે આ કંપનીનો એક શેર પણ છે, તો તે હાલમાં લગભગ સાડા ચાર કરોડ રૂપિયાનો માલિક છે.

વર્કશાયર હેથવેનો સ્ટોક છેલ્લા ઘણા વર્ષોથી દુનિયાના સૌથી મોંઘા સ્ટોક તરીકે જળવાઈ રહ્યો છે. આ કંપની પ્રોપર્ટી અને કેઝ્યુલિટી ઈન્શ્યોરન્સ અને રિઈન્શ્યોરન્સ, યુટિલિટીઝ અને એનર્જી, ફ્રેટ રેલ ટ્રાન્સપોર્ટેશન, ફાઈનાન્સ, મેન્યુફેક્ચરિંગ, રિટેલિંગ અને સર્વિસીઝ ઉપલબ્ધ કરાવે છે. તેની શરૂઆત 1939માં થઈ હતી અને બફેએ 1965માં બર્કશાયર હેથવે ખરીદી હતી. ત્યારે તેના શેરની કિંમત 20 ડોલરથી પણ ઓછી હતી. કંપની પોતાનું અસ્તિત્વ બચાવવા માટે સંઘર્ષ કરતી રહી હતી. પરંતુ બફેના સફળ નેતૃત્વમાં તેણે સફળતાની નવી કહાની લખી. આ દરમિયાન કંપનીના શેરમાં સતત તેજી જળવાયેલી રહી અને આજે તે દુનિયાનો સૌથી મોંઘો શેર છે.

બર્કશાયર હેથવે માર્કેટ વેલ્યુની દ્રષ્ટિએ દુનિયાની નવમી સૌથી મોંઘી કંપની છે. કંપનીની માર્કેટ કેપ 773.17 અબજ ડોલર છે. 92 વર્ષના બફે 2006થી બર્કશાયરના અબજો ડોલરના સ્ટોક દાન કરી ચૂક્યા છે. તે ગિવિંગ પ્લેજ નામના કેમ્પેનના પણ કો-ફાઉન્ડર છે. આ કેમ્પેન પરોપકારને પ્રોત્સાહિત કરે છે. બ્લૂમબર્ગ બિલિયોનેર ઈન્ડેક્સ મુજબ, બફે 119 અબજ ડોલરની નેટવર્થ સાથે દુનિયાની છઠ્ઠા નંબરની સૌથી ધનવાન વ્યક્તિ છે. આ વર્ષે તેમની નેટવર્થમાં 11.6 અબજ ડોલરનો વધારો થયો છે.

ફિચે યુએસના ઘટાડેલા રેટિંગ પર કેવી હતી વોરેન બફેની પ્રતિક્રિયા?

તાજેતરમાં ક્રેડિટ રેટિંગ એજન્સી ફિચે અમેરિકાનું રેટિંગ ડાઉનગ્રેડ કર્યું હતું. તે પછીથી દુનિયાભરના શેરબજારોમાં હાહાકાર મચી ગયો હતો. ભારતીય શેરબજારમાં પણ સતત બે દિવસ કકડભૂસ થઈ ગયું હતું. જોકે, સપ્તાહના છેલ્લા દિવસે તેમાં થોડો સુધારો જોવા મળ્યો. પરંતુ હજુ પણ શેરબજારમાં અસમંજસની સ્થિતિ તો છે જ. જોકે, દિગ્ગજ રોકાણકાર વોરેન બફે પર ફિંચના રેટિંગ્સની કોઈ અસર પડી નથી. તેમણે કહ્યું કે, ફિંચે યુએસનું રેટિંગ ડાઉનગ્રેડ કર્યું તેનાથી તેઓ જરા પણ ચિંતિત નથી. તેમણે કહ્યું કે, તેનાથી તેમની કંપની હાલ જે કરી રહી છે, તેમાં કોઈ ફરક પડવાનો નથી. ઉલ્લેખનીય છે કે, ગત મંગળવારે ફિંચે અમેરિકાનું રેટિંગ AA+થી ઘટાડીને AAA કરી દીધું હતું. તે પછીથી દુનિયાના શેરમાર્કેટ્સમાં અફરાતફરીનો માહોલ જોવા મળી રહ્યો છે.