Colgate Share Price: FMCG શેરોમાં જબરદસ્ત તેજી, JP Morgan ના રિપોર્ટ બાદ કોલગેટના શેરમાં 3% નો મોટો ઉછાળો

Colgate Share Price: શેરબજારમાં સતત બીજા દિવસે બુલ્સનો ઉત્સાહ અને દબદબો જોવા મળી રહ્યો છે. ગ્લોબલ માર્કેટમાં અમેરિકા અને ઈરાન વચ્ચેના તણાવ છતાં, નિફ્ટી 250 થી વધુ પોઈન્ટ ઉછળીને 23,400 ની આસપાસ મજબૂતીથી કારોબાર કરી રહ્યો છે. બેન્ક નિફ્ટીમાં પણ સામાન્ય તેજી છે, જોકે મિડકેપ અને સ્મોલકેપ ઇન્ડેક્સમાં થોડું દબાણ જોવા મળી રહ્યું છે. આજના ટ્રેડિંગ સેશનમાં FMCG શેરોમાં જબરદસ્ત આકર્ષણ જોવા મળ્યું છે. FMCG સેક્ટર ઇન્ડેક્સ લગભગ 1.5 ટકાના ઉછાળા સાથે ટ્રેડ થઈ રહ્યો છે. મજબૂત બ્રોકરેજ રિપોર્ટના સપોર્ટથી HUL, કોલગેટ અને ગોદરેજ કન્ઝ્યુમર જેવા શેરો 2 ટકા જેટલા ઉછળ્યા છે.

કોલગેટના શેરમાં શાનદાર એક્શન

વિદેશી બ્રોકરેજ ફર્મ JP Morgan ના પોઝિટિવ રિપોર્ટ બાદ કોલગેટ-પામોલિવ ઇન્ડિયાના શેરમાં મોટી તેજી આવી છે. આ શેર આજે વાયદા બજારના ટોપ ગેનર્સની યાદીમાં સામેલ થઈ ગયો છે.

હાલમાં આ શેર 52 રૂપિયા એટલે કે 2.57 ટકાના વધારા સાથે 2,076 રૂપિયાની આસપાસ ટ્રેડ કરી રહ્યો છે.આજે શેરનો ઇન્ટ્રાડે હાઇ 2,100 રૂપિયા અને લો 2,024.30 રૂપિયા રહ્યો હતો.શેરનો 52 વીક હાઇ 2,504 રૂપિયા અને 52 વીક લો 1,782 રૂપિયા છે. કંપનીનું માર્કેટ કેપિટલ 56,401 કરોડ રૂપિયા સુધી પહોંચી ગયું છે.

JP Morgan નું માનવું છે કે નાણાકીય વર્ષ 2027 માટે કંપનીનો આઉટલુક ખૂબ જ પોઝિટિવ છે. આગામી સમયમાં કંપનીના માર્જિન અને રેવન્યુમાં સંતુલિત ગ્રોથ જોવા મળી શકે છે. પ્રીમિયમાઇઝેશન કંપનીના ભવિષ્યના ગ્રોથ માટે સૌથી મહત્વનું પરિબળ સાબિત થશે. ઓરલ કેર સેગમેન્ટમાં માંગ મજબૂત રહેવાની પૂરી સંભાવના છે. શહેરી વિસ્તારોમાં માંગમાં સુધારો થઈ રહ્યો છે, જ્યારે ગ્રામીણ બજારોમાં માંગ સ્થિર છે. જોકે, બ્રાન્ડ પ્રમોશન પાછળ રોકાણ વધવાને કારણે કંપનીના EBITDA માર્જિન પર સામાન્ય દબાણ આવી શકે છે. આ તમામ બાબતોને ધ્યાનમાં રાખીને JP Morgan એ આ શેર પર 'ન્યૂટ્રલ' (Neutral) રેટિંગ જાળવી રાખીને 2,250 રૂપિયાનો ટાર્ગેટ આપ્યો છે.

કંપનીનું ત્રિમાસિક પ્રદર્શન (માર્ચ 2026 ના આંકડા)

કંપનીના લેટેસ્ટ નાણાકીય પરિણામો પર નજર કરીએ તો,,

નેટ સેલ્સ : માર્ચ 2026 ક્વાર્ટરમાં કંપનીનું નેટ સેલ્સ 1,595.35 કરોડ રૂપિયા રહ્યું છે, જે માર્ચ 2025 ના 1,462.51 કરોડ રૂપિયા કરતાં 9.08% વધુ છે.

ચોખ્ખો નફો : માર્ચ 2026 માં કંપનીનો નફો 353.32 કરોડ રૂપિયા નોંધાયો છે, જે ગયા વર્ષના સમાન ક્વાર્ટરમાં 355.00 કરોડ રૂપિયા હતો (જેમાં 0.47% નો નજીવો ઘટાડો છે).

EBITDA: માર્ચ 2026 માં EBITDA 526.50 કરોડ રૂપિયા રહ્યો, જે માર્ચ 2025 ના 517.07 કરોડ રૂપિયા કરતા 1.82% વધારે છે.

EPS: શેર દીઠ કમાણી માર્ચ 2025 ના 13.05 રૂપિયાથી ઘટીને માર્ચ 2026 માં 12.99 રૂપિયા થઈ છે.

શેર પ્રાઈઝ હિસ્ટ્રી: રોકાણકારોને કેટલું રિટર્ન મળ્યું?

શેરની ઐતિહાસિક ચાલ પર નજર કરીએ તો, છેલ્લા 1 સપ્તાહમાં આ શેરમાં 2.62 ટકાનો વધારો જોવા મળ્યો છે. જોકે, શોર્ટ ટર્મમાં રોકાણકારોને નિરાશા મળી છે; 1 મહિનામાં 5.73 ટકા અને 3 મહિનામાં 5.79 ટકાનો ઘટાડો નોંધાયો છે. આ વર્ષે અત્યાર સુધીમાં શેર 0.19 ટકા ઘટ્યો છે. વાર્ષિક ધોરણે (1 વર્ષમાં) શેરમાં 15.43 ટકાનું નુકસાન જોવા મળ્યું છે. પરંતુ, લોંગ ટર્મ ઇન્વેસ્ટર્સ માટે આ શેર ફાયદાકારક સાબિત થયો છે અને 3 વર્ષમાં તેણે 29.77 ટકાનું સારું રિટર્ન આપ્યું છે.

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.

આ પણ વાંચો-મ્યુચ્યુઅલ ફંડ રોકાણકારો સાવચેત: મે મહિનામાં ઇક્વિટી રોકાણ 40% ઘટ્યું, પણ SIP પર ભરોસો અકબંધ