મિનિમમ બેલેન્સ પરનો દંડ ખતમ! પૂર્વ નાણામંત્રી ચિદંબરમે આપી મોટી પ્રતિક્રિયા

ભારતના અનેક મોટા બેંકોએ સેવિંગ્સ એકાઉન્ટમાં 'મિનિમમ બેલેન્સ' જાળવવાની ફરજિયાત શરત હટાવવાનો નિર્ણય લીધો છે. આ નિર્ણયની પૂર્વ નાણામંત્રી પી. ચિદંબરમે ખુશી વ્યક્ત કરી છે. તેમણે કહ્યું કે, બેંકોએ મિનિમમ બેલેન્સ પર દંડ લગાવીને કરોડો રૂપિયાની કમાણી કરી હતી, પરંતુ હવે આ નિયમ હટાવવાનો નિર્ણય ગ્રાહકો માટે રાહતદાયક છે.

ગ્રાહકોની લાંબા સમયની ફરિયાદ પર નિર્ણય

ચિદંબરમે જણાવ્યું કે, છેલ્લાં કેટલાંક વર્ષોથી સેવિંગ્સ એકાઉન્ટ ધારકો મિનિમમ બેલેન્સના નિયમનો વિરોધ કરતા હતા અને તેમાંથી મુક્તિની માગણી કરતા હતા. આ માગણી વાજબી હતી, પરંતુ બેંકોએ તેના પર ધ્યાન આપ્યું નહોતું. જો કોઈ ગ્રાહક નિર્ધારિત ન્યૂનતમ રકમ જાળવી ન શકે તો તેના પર દંડ લાગતો હતો. આ નિયમથી કેટલીક બેંકોએ કરોડો રૂપિયાની આવક મેળવી હતી.

SBIથી લઈને અન્ય બેંકોનો નિર્ણય

In the last few years, savings account holders have complained to banks against the government-introduced rule of 'minimum balance' in the account, and pleaded for waiver of the rule

It was a reasonable request, but banks turned a deaf ear If a customer failed to maintain a… — P. Chidambaram (@PChidambaram_IN) July 7, 2025

ચિદંબરમે આ નિર્ણયને ગ્રાહકો અને બજારના દબાણનું પરિણામ ગણાવ્યું. તેમણે કહ્યું, "બેંકોએ હાર માની લીધી છે. ઓછામાં ઓછી પાંચ બેંકોએ મિનિમમ બેલેન્સની શરત હટાવી દીધી છે. જે કામ તર્ક ન કરી શક્યું, તે અર્થશાસ્ત્રે કરી બતાવ્યું!"

ગ્રાહકો માટે શું છે આનો અર્થ?

આ ફેરફારથી ગ્રાહકો પરનો નાણાકીય બોજ ઓછો થશે. આ ઉપરાંત, બેંકોની પ્રતિષ્ઠા અને બજારમાં સ્થિતિમાં પણ સુધારો થશે. આ નિર્ણય ગ્રાહકોની સુવિધા અને વફાદારી વધારવા માટે એક મહત્વપૂર્ણ પગલું છે.

આ પણ વાંચો- ટ્રમ્પની બ્રિક્સ દેશોને ધમકી: ભારત સહિત 11 દેશો પર 10% એક્સ્ટ્રા ટેરિફનો ખતરો