Apple ઇવેન્ટ 2023 Today: આજે જોવા મળશે iPhone 15ની પહેલી ઝલક, iPhone 14 Pro કરતાં હશે $100 મોંઘો

Apple ઇવેન્ટ 2023 Today: રાહ પૂરી થઈ, ક્યુપરટિનો આધારિત ટેક કંપની Apple આજે iPhone 15 સિરીઝના સ્માર્ટફોન iPhone 15, iPhone 15 Plus, iPhone 15Pro, iPhone 15 Pro Max, Watch Series 9, સેકન્ડ જનરેશન વૉચ અલ્ટ્રા અને AirPods તેમજ USB Type C પોર્ટ લૉન્ચ કરશે. છેલ્લા કેટલાક દિવસોથી 12મી સપ્ટેમ્બરે યોજાનારી વન્ડરલસ્ટ ઈવેન્ટને લઈને ચર્ચા ચાલી રહી છે. ભારતમાં દરેક વ્યક્તિ રાત્રે 10:30 વાગ્યાથી Appleની વેબસાઇટ, Apple TV એપ અને YouTube પર આ ઇવેન્ટ જોઈ શકશે. જો તમે પણ Apple ઈવેન્ટને મિસ કરવા માંગતા નથી, તો તમે તેને Appleના Safari બ્રાઉઝર પર Mac, iPhone, iPad અને Chrome જેવા બ્રાઉઝર પર લાઈવ જોઈ શકો છો.

આ વર્ષે iPhone 15 સિરીઝમાં કેટલાક ખાસ ફેરફારો થવાના છે. નવા એક્શન બટન અને યુએસબી ટાઈપ સીના સમાચાર પણ સામે આવી રહ્યા છે. આઇફોન 15 પ્રો મોડલ કેટલાક વધારાના ફિચર્સ સાથે આવશે જેમ કે ટાઇટેનિયમ ફ્રેમ, કસ્ટમાઇઝ એક્શન બટન્સ, A17 બાયોનિક ચિપ અને Wi-Fi 6E માટે સપોર્ટ. iPhone 14 Proની જગ્યાએ iPhone 15 Pro અને iPhone 15 Plusમાં Titaniumનો ઉપયોગ કરવામાં આવ્યો છે, જેના કારણે આ ફોનનું વજન 10 ટકા લાઇટ થઈ ગયું છે. એવા પણ સમાચાર છે કે iPhone 15 અને iPhone 15 Plusમાં 48MPનો મુખ્ય કેમેરા પણ હશે.

કિંમતોથી લઇ કલર વેરિઅન્ટ્સ

iPhone 15 અને iPhone 15 Plus આ વર્ષે ઘણા નવા કલર વેરિઅન્ટમાં જોવા મળશે. મિડનાઇટ બ્લેક, સ્ટારલાઇટ વ્હાઇટ, આછો લીલો, પીળો, વાદળી અને નારંગી કોરલ પિંક. આ સિવાય iPhone 15 Pro અને iPhone 15 Pro Max મોડલ ડાર્ક બ્લુ, સિલ્વર ગ્રે, સ્પેસ બ્લેક અને ટાઇટેનિયમ જેવા કલર વિકલ્પોમાં આવશે. આવી સ્થિતિમાં એવા સમાચાર પણ છે કે આ નવી સીરીઝના ફોન પહેલા કરતા વધુ મોંઘા થશે. iPhone 15 Pro iPhone 14 Pro કરતાં $100 મોંઘો હશે. અમેરિકામાં તેની શરૂઆતની કિંમત $1,099 એટલે કે 81200 રૂપિયા હશે. 15 પ્રો મેક્સની કિંમતમાં $200નો વધારો થશે, અમેરિકામાં તેની કિંમત $1,299 એટલે કે 95,800 રૂપિયા થશે. જ્યારે બેઝ મોડલની કિંમત ગયા વર્ષની જેમ જ રાખવામાં આવી હતી. iPhone 15ની શરૂઆતની કિંમત $799 એટલે કે રૂપિયા 59,000 હશે અને iPhone 15 Plusને $899 એટલે કે રૂપિયા 66,400માં ખરીદી શકાય છે.

આ પણ વાંચો - Pm Modi Birthday: PM મોદીના જન્મદિવસ પર કેન્દ્ર સરકાર આપશે મોટી ભેટ, દેશભરમાં ચલાવશે આયુષ્માન ભવ અભિયાન