13 ઓગસ્ટથી YouTubeમાં મોટો ફેરફાર: AI પકડશે બાળકોની ખોટી ઉંમર, પુખ્ત કન્ટેન્ટ પર રોક

YouTube new feature 2025: YouTube 13 ઓગસ્ટ, 2025થી એક નવું AI-આધારિત ટૂલ રોલઆઉટ કરવા જઈ રહ્યું છે, જે બાળકો અને ટીનએજર્સ દ્વારા ખોટી ઉંમર દર્શાવવાની ચાલાકીને પકડી લેશે. આ નવી સિસ્ટમનો હેતુ નાની ઉંમરના યૂઝર્સને પુખ્ત વયના કન્ટેન્ટ (adult content)થી દૂર રાખવાનો છે. ગૂગલના આ વિડીયો સ્ટ્રીમિંગ પ્લેટફોર્મે ઓનલાઈન સેફ્ટીને વધુ મજબૂત કરવા માટે આ પગલું ભર્યું છે, જેની ચર્ચા હાલ ટેક વર્લ્ડમાં ગરમ છે.

શું છે YouTubeનું નવું AI ટૂલ?

આ નવું ટૂલ આર્ટિફિશિયલ ઈન્ટેલિજન્સ (AI)નો ઉપયોગ કરીને યૂઝર્સની ઉંમરનો અંદાજ લગાવશે. ખાસ કરીને ટીનએજર્સ અને બાળકો કે જેઓ ખોટી ઉંમર દર્શાવીને YouTube પર અકાઉન્ટ બનાવે છે, તેમના માટે આ ટૂલ ગેમ-ચેન્જર સાબિત થશે. AI યૂઝરની સર્ચ હિસ્ટ્રી અને વિડીયો વોચિંગ પેટર્નનું વિશ્લેષણ કરીને ઉંમરનો અંદાજ લગાવશે. જો યૂઝરની ઉંમર 18 વર્ષથી ઓછી હોવાનું જણાશે, તો તેના અકાઉન્ટ પર આપોઆપ રિસ્ટ્રિક્શન્સ લાગુ થઈ જશે, જેથી પુખ્ત કન્ટેન્ટ એક્સેસ ન થઈ શકે.

13 ઓગસ્ટથી શરૂઆત, પહેલા અમેરિકામાં ટેસ્ટિંગ

‘Take a Break’ નોટિફિકેશન ફીચર

આ ટૂલની સાથે YouTube ટીનએજર્સ માટે ‘Take a Break’ નોટિફિકેશન સિસ્ટમ પણ લાવી રહ્યું છે. આ ફીચર બાળકોને લાંબા સમય સુધી YouTubeનો ઉપયોગ કરવાથી રોકવા માટે બ્રેક લેવાની યાદ અપાવશે. આનાથી બાળકોમાં સ્ક્રીન ટાઈમની આદતને નિયંત્રિત કરવામાં મદદ મળશે, જે આજના ડિજિટલ યુગમાં એક મોટી ચિંતાનો વિષય છે.

શા માટે આવી જરૂર પડી?

વિશ્વભરની સરકારો ટેક કંપનીઓ પર ઓનલાઈન સેફ્ટી પોલિસીને વધુ કડક કરવા માટે દબાણ કરી રહી છે. ખાસ કરીને નાબાલિગોને અયોગ્ય કન્ટેન્ટથી બચાવવા માટે યુકે, ઓસ્ટ્રેલિયા અને યુરોપિયન યુનિયનમાં કડક નિયમો ઘડવામાં આવ્યા છે. YouTubeનું આ નવું AI ટૂલ આ નિયમોનું પાલન કરવા અને બાળકોની સુરક્ષાને પ્રાથમિકતા આપવા માટે ડિઝાઈન કરવામાં આવ્યું છે.

યૂઝર્સ પર શું થશે અસર?

જો AIને લાગશે કે યૂઝરની ઉંમર 18થી ઓછી છે, તો તેમના અકાઉન્ટ પર પુખ્ત કન્ટેન્ટ રિસ્ટ્રિક્ટ થઈ જશે. આ ફીચરથી માતા-પિતાને તેમના બાળકોની ઓનલાઈન એક્ટિવિટી પર નજર રાખવામાં સરળતા રહેશે. સાથે પુખ્ત કન્ટેન્ટ બનાવનારા ક્રિએટર્સની રીચ નાની ઉંમરના યૂઝર્સ સુધી મર્યાદિત થઈ શકે છે.

આ પણ વાંચો- નવા સપ્તાહ માટે SBI સિક્યોરિટીઝની ટોપ 2 સ્ટોક પસંદગી, 2 શેર વેચવાની સલાહ