અમેરિકા જવું થયું મોંઘું! ટ્રમ્પનો નવો નિયમ, જાણો હવે કેટલો ખર્ચ થશે

ભારતીયો માટે અમેરિકા જવું હવે વધુ મોંઘું થશે. રાષ્ટ્રપતિ ડોનાલ્ડ ટ્રમ્પે ‘વન બિગ બ્યુટીફુલ બિલ એક્ટ’ હેઠળ નવું $250 (આશરે 21,000)નું ‘વીઝા ઇન્ટીગ્રિટી ફી’ લાગુ કર્યું છે, જે 2025થી અમલમાં આવશે. આ ફી B-1/B-2 (ટૂરિસ્ટ/બિઝનેસ), F અને M (સ્ટુડન્ટ), H-1B (વર્ક), અને J (એક્સચેન્જ પ્રોગ્રામ) વીઝા પર લાગશે. ફક્ત ડિપ્લોમેટિક વીઝા (A અને G કેટેગરી)ને આમાંથી છૂટ મળશે.

નવા નિયમની વિગતો

આ નવું ફી વીઝા એપ્લિકેશન ફી ઉપરાંત લેવામાં આવશે અને તે દર વર્ષે ફુગાવા (CPI)ના આધારે વધી શકે છે. અમેરિકાના ડિપાર્ટમેન્ટ ઓફ હોમલેન્ડ સિક્યોરિટી (DHS) પાસે આ ફીમાં ફેરફારનો અધિકાર છે. આ નિયમનો હેતુ ઇમિગ્રેશન નિયમોનું પાલન સુનિશ્ચિત કરવાનો અને વીઝા ઓવરસ્ટે રોકવાનો છે. જોકે, આનાથી ભારતીય સ્ટુડન્ટ્સ, ટૂરિસ્ટ્સ અને પ્રોફેશનલ્સ પર આર્થિક બોજ વધશે.

નવી ફીથી શું બદલાશે?

I-94 ફી: $24 (આગમન/પ્રસ્થાન રેકોર્ડ માટે)

ESTA ફી: $13 (વીઝા વેવર પ્રોગ્રામ માટે)

EVUS ફી: $30 (ચોક્કસ ચીની નાગરિકો માટે)

આ ફી બિન-રિફંડેબલ છે, પરંતુ વીઝા ઇન્ટીગ્રિટી ફી રિફંડેબલ હોઈ શકે છે, જો શરતો પૂરી થાય, જેમ કે વીઝાની મુદત પૂરી થતાં પાંચ દિવસમાં અમેરિકા છોડવું અથવા I-94 મુદત પૂર્વે કાયમી નિવાસ મેળવવો.

ભારતીયો પર અસર

આ નવા નિયમથી ભારતીય સ્ટુડન્ટ્સ, ટૂરિસ્ટ્સ અને IT પ્રોફેશનલ્સને મોટો આર્થિક ફટકો પડશે. ખાસ કરીને H-1B વીઝા ધારકો, જેમાંથી 70% ભારતીયો છે, અને F/M વીઝા પર અભ્યાસ કરતા સ્ટુડન્ટ્સને વધુ ખર્ચ કરવો પડશે. આ ઉપરાંત, રિફંડ પ્રક્રિયા જટિલ હોવાથી, ઘણા લોકો આ ફી પરત મેળવી નહીં શકે.

શું છે રિફંડની શરતો?

વીઝાની મુદત પૂરી થતાં પાંચ દિવસમાં અમેરિકા છોડવું.

વીઝા સ્ટેટસ બદલવું નહીં અથવા એક્સટેન્શન ન લેવું.

I-94 મુદત પહેલાં કાયમી નિવાસ મેળવવો.

રિફંડ માટે અરજી કરવી પડશે અને દસ્તાવેજો રજૂ કરવા પડશે, જે ઓટોમેટિક નથી.

આ પણ વાંચો-લિન્ડા યાકારિનોએ Xના CEO પદેથી આપ્યું રાજીનામું, એલોન મસ્કની કંપનીમાં નવો અધ્યાય