ગુજરાત મેટ્રોએ બમ્પર ભરતીની કરી જાહેરાત, કેવી રીતે કરવી અરજી, જાણો સંપૂર્ણ પ્રોસેસ

ગુજરાત મેટ્રો રેલ કોર્પોરેશન (GMRC)એ આસિસ્ટન્ટ કંપની સેક્રેટરીની જગ્યા માટે ભરતી બહાર પાડી છે. GMRCએ ભરતી સૂચના બહાર પાડી છે અને રસ ધરાવતા ઉમેદવારો પાસેથી ઓનલાઈન અરજીઓ મંગાવી છે. તો જો તમે અમદાવાદમાં રહો છો અને અહીં નોકરી શોધી રહ્યા છો, તો આ તમારા માટે એક શ્રેષ્ઠ તક છે. ગુજરાત મેટ્રો રેલ કોર્પોરેશન (GMRC)માં સહાયક કંપની સેક્રેટરીના પદ માટે શૈક્ષણિક લાયકાત, પગાર ધોરણ, વય મર્યાદા, અરજી પ્રક્રિયા અને અરજી કરવાની છેલ્લી તારીખ સહિતની મહત્વપૂર્ણ માહિતી અહીં આપીએ છીએ.

ગુજરાત મેટ્રો રેલ કોર્પોરેશન ભરતી માટે મહત્વપૂર્ણ માહિતી

- સંગઠનઃ- ગુજરાત મેટ્રો રેલ કોર્પોરેશન (GMRC)

- હોદ્દોઃ- સહાયક કંપની સેક્રેટરી

- વય મર્યાદાઃ- 28 વર્ષ

- અરજી મોડઃ- ઓનલાઈન

- અરજી કરવાની છેલ્લી તારીખઃ- 25-3-2025

- અરજી ક્યાં કરવીઃ- https://www.gujaratmetrorail.com/

શૈક્ષણિક લાયકાત શું હોવી જોઈએ

- કંપની સેક્રેટરી (CS) ની ડિગ્રી ઇન્સ્ટિટ્યૂટ ઓફ કંપની સેક્રેટરીઝ ઓફ ઇન્ડિયા (ICSI) માંથી મેળવવી આવશ્યક છે.

- સરકારી માન્યતા પ્રાપ્ત યુનિવર્સિટીમાંથી LLB/LLM ડિગ્રી હોવી આવશ્યક છે.

- ઉમેદવારને સંબંધિત ક્ષેત્રમાં 3 વર્ષનો અનુભવ હોવો જોઈએ.

- ગુજરાત મેટ્રો ભરતી માટે અરજી કરનાર ઉમેદવારની મહત્તમ ઉંમર 28 વર્ષ હોવી જોઈએ.

પગાર કેટલો હશે?

- પસંદ કરાયેલા ઉમેદવારોને અન્ય ભથ્થાઓ સાથે 35,000-1,10,000 રૂપિયાનો પગાર મળશે.

ગુજરાત મેટ્રો રેલ કોર્પોરેશન ભરતી માટે અરજી પ્રક્રિયા

- ગુજરાત મેટ્રોની સત્તાવાર વેબસાઇટ www.gujaratmetrorail.com ની મુલાકાત લો.

- અહીં કારકિર્દી વિકલ્પ પર ક્લિક કરો.

- વિવિધ જગ્યાઓની ભરતી સંબંધિત માહિતી ઉપલબ્ધ રહેશે.

- તમે જે પોસ્ટ માટે અરજી કરવા માંગો છો તેની બાજુમાં 'હમણાં અરજી કરો' પર ક્લિક કરો.

- બધી જરૂરી માહિતી યોગ્ય રીતે ભરો અને જરૂરી દસ્તાવેજો અપલોડ કરો.

- અરજી અંતિમ સબમિટ કર્યા પછી, તેનું પ્રિન્ટઆઉટ લો.

આ પણ વાંચો- Weather predication: આજે ગુજરાતના 23 જિલ્લાઓમાં પડશે ભારે ગરમી, આવ્યું IMDનું મોટું અપડેટ