CEO માર્ક ઝુકરબર્ગના નિવેદન બદલ મેટાએ માંગી માફી, કહ્યું- અજાણતા થઈ ભૂલ

મેટાએ સીઈઓ માર્ક ઝુકરબર્ગના નિવેદન બદલ માફી માંગી છે. ઝુકરબર્ગે ગયા વર્ષે લોકસભા ચૂંટણી વિશે ખોટી માહિતી એક ખાનગી ચેનલ ધ જો રોગન એક્સપિરિયન્સ સાથે પોડકાસ્ટમાં શેર કરી હતી. આ અંગે, સંસદીય સમિતિએ મેટાને સમન્સ પાઠવવાનો નિર્ણય લીધો હતો. કેન્દ્રીય મંત્રી અશ્વિની વૈષ્ણવે પણ સોશિયલ મીડિયા પર આ અંગે પોસ્ટ કરી હતી. મેટાએ માર્ક ઝુકરબર્ગના નિવેદન માટે માફી માંગી છે અને તેને 'અજાણતાં થયેલી ભૂલ' ગણાવી છે.

મેટાની માફી

As the world’s largest democracy, India conducted the 2024 elections with over 640 million voters. People of India reaffirmed their trust in NDA led by PM @narendramodi Ji’s leadership. Mr. Zuckerberg’s claim that most incumbent governments, including India in 2024 elections,…

— Ashwini Vaishnaw (@AshwiniVaishnaw) January 13, 2025

શું છે આખો મામલો?

જો રોગન એક્સપિરિયન્સ પોડકાસ્ટ પર બોલતા, માર્ક ઝુકરબર્ગે કહ્યું કે વર્તમાન મોદી સરકાર કોવિડ-૧૯ દરમિયાન તેના નબળા સંચાલનને કારણે ૨૦૨૪ની લોકસભા ચૂંટણી હારી ગઈ. આ નિવેદન પર કેન્દ્રીય મંત્રી અશ્વિની વૈષ્ણવની પ્રતિક્રિયા બાદ, સંસદીય સમિતિએ મેટાને સમન્સ પાઠવવાનો નિર્ણય લીધો હતો. અશ્વિની વૈષ્ણવે સોશિયલ મીડિયા પ્લેટફોર્મ X અને Facebook બંને પર માર્ક ઝુકરબર્ગને ટેગ કર્યા. આ પોડકાસ્ટમાં, ઝુકરબર્ગે ભારત તેમજ વિશ્વના અન્ય દેશોમાં ચૂંટણીમાં હારનું મુખ્ય કારણ કોરોના સમયગાળા દરમિયાન મેનેજમેન્ટનો ઉલ્લેખ કર્યો હતો.

કેન્દ્રીય મંત્રી અશ્વિની વૈષ્ણવે પોતાના ટ્વીટમાં જણાવ્યું હતું કે કોવિડ દરમિયાન સરકારે ૮૦ કરોડ લોકોને મફત રાશન અને ૨.૨ અબજ મફત રસી આપી હતી, જે વિશ્વ માટે એક ઉદાહરણ છે. આ જ કારણ છે કે કોવિડ જેવી મહામારી પછી પણ, ભારત વિશ્વની સૌથી ઝડપથી વિકસતી અર્થવ્યવસ્થા છે, જેના કારણે પીએમ મોદીએ સતત ત્રીજી વખત ચૂંટણી જીતી છે.

આ પણ વાંચો-ડોક્ટરનો દાવો - 3 દિવસમાં ફેફસાંની ઉંમર 4 વર્ષ કરી રિવર્સ, જાણો ઉંમરની અસર કેવી રીતે ઘટાડી શકાય