ચીનમાં ચોંકાવનારો કિસ્સો: ખાણી-પીણીમાં મળ્યા માનવીય દાંત, લોકોમાં ખળભળાટ

ચીનમાં ખાણી-પીણીની આદતો અને વાનગીઓ હંમેશાં ચર્ચામાં રહે છે, પરંતુ તાજેતરમાં એક એવી ઘટના સામે આવી છે જે લોકોને વિચલિત કરી શકે છે. એક જ દિવસમાં ચીનના અલગ-અલગ શહેરોમાં ખાણીપીણીની વસ્તુઓમાં માનવીય અને નકલી દાંત મળવાના કિસ્સાઓએ ફૂડ સેફ્ટી અને હાઈજીન અંગે ગંભીર ચિંતાઓ ઉભી કરી છે.

જિલિન પ્રાંતનો પહેલો કિસ્સો

સાઉથ ચાઈના મોર્નિંગ પોસ્ટના અહેવાલ મુજબ, 13 ઓક્ટોબરે જિલિન પ્રાંતમાં એક મહિલાએ એક આઉટડોર સ્ટોલ પરથી તેના બાળક માટે સૉસેજ ખરીદ્યું હતું. સૉસેજ ખાતી વખતે તેને તેમાં ત્રણ માનવીય દાંત જેવી રચના જોવા મળી, જેનાથી તે ચોંકી ગઈ. શરૂઆતમાં સ્ટોલના વેપારીએ આ વાતને નકારી, પરંતુ સ્થાનિક બજાર નિયમન અધિકારીઓના હસ્તક્ષેપ બાદ તેણે માફી માંગી.

ગુઆંગડોંગમાં ડિમસમમાં દાંત

શંઘાઈમાં કેકમાં નકલી દાંત

બીજા દિવસે, 14 ઓક્ટોબરે શંઘાઈમાં પણ આવી જ એક ઘટના બની. એક ગ્રાહકને સ્થાનિક સેમ્સ ક્લબની શાખામાંથી ખરીદેલી વોલનટ કેકમાં નકલી માનવીય દાંત મળ્યો. સેમ્સ ક્લબ, જે ઉચ્ચ ગુણવત્તાવાળા ખાદ્ય ધોરણો માટે જાણીતું છે અને ચીનના 20થી વધુ શહેરોમાં 50થી વધુ આઉટલેટ ધરાવે છે, તેના સ્ટાફે આ ઘટના પર આશ્ચર્ય વ્યક્ત કર્યું. તેમણે જણાવ્યું કે તેમની ફેક્ટરીમાં બનતા ઉત્પાદનોમાં આવી ભૂલ થવી ન જોઈએ. બાદમાં સ્ટોરે ગ્રાહકને 1,000 યુઆન (આશરે 140 યુએસ ડોલર)નું વળતર આપવાની ઓફર કરી.

ફૂડ સેફ્ટી પર ઉઠતા સવાલો

આ ઘટનાઓએ ચીનમાં ફૂડ સેફ્ટી અને હાઈજીનના ધોરણો પર ગંભીર સવાલો ઉભા કર્યા છે. લોકોમાં ડરનો માહોલ છે અને ઘણા લોકો હવે બહારનું ખાવાનું ખાવામાં ખચકાટ અનુભવે છે. સ્થાનિક અધિકારીઓ આ બધા કિસ્સાઓની તપાસ કરી રહ્યા છે, અને લોકોને ખાતરી આપવામાં આવી રહી છે કે આવી ઘટનાઓ ફરી નહીં બને. આ ઘટનાઓએ ચીનના ખાદ્ય ઉદ્યોગમાં ગુણવત્તા નિયંત્રણની જરૂરિયાત પર ભાર મૂક્યો છે.

આ પણ વાંચો-Diwali shopping on credit card: આ દિવાળીએ 42% લોકોએ ક્રેડિટ કાર્ડથી 50,000થી વધુ કર્યો ખર્ચ, લેટેસ્ટ સર્વેમાં ખુલાસો