મસ્કના સમર્થનમાં ટ્રમ્પે ખરીદી ટેસ્લા કાર, જાતે ચલાવી અને કર્યા ખૂબ વખાણ, જાણો ટેસ્લાના સ્ટોકની હાલની સ્થિતિ

અમેરિકાના રાષ્ટ્રપતિ ડોનાલ્ડ ટ્રમ્પ છેલ્લા કેટલાક મહિનાઓથી સતત હેડલાઇન્સમાં છે. હવે તેનો એક ફોટો સોશિયલ મીડિયા પર વાયરલ થઈ રહ્યો છે. આ ફોટામાં ટ્રમ્પ અને મસ્ક ટેસ્લા કાર સાથે જોવા મળે છે. ખરેખર એલોન મસ્કે એક નવી ટેસ્લા કાર ખરીદી છે. ટ્રમ્પે ટેસ્લાના માલિક એલોન મસ્કની મદદથી આ કાર પસંદ કરી છે. મસ્ક હવે ટ્રમ્પના ડિપાર્ટમેન્ટ ઓફ ગવર્નમેન્ટ એફિશિયન્સી (DOGE)નું નેતૃત્વ કરે છે. મસ્કે ટ્રમ્પ માટે ટેસ્લા કારની આખી સીરીઝ તૈયાર કરી હતી. કાર પસંદ કરવામાં પણ તેમને મદદ કરી.

જાતે ચલાવીને ટેસ્ટ કરી સ્પિડ

ટ્રમ્પે મસ્ક દ્વારા બતાવેલા બધા ટેસ્લા મોડેલ્સની પ્રશંસા કરી અને પોતાના માટે લાલ મોડેલ X પસંદ કર્યું. તેમણે કહ્યું કે તે ખૂબ જ સુંદર છે. મસ્કે ટ્રમ્પને સાયબરટ્રક પણ બતાવી. મસ્કે કહ્યું કે તે બુલેટપ્રૂફ ડિઝાઇન સાથે આવે છે. જ્યારે ટ્રમ્પ ટેસ્લાની ગતિનું ટેસ્ટિંગ કરી રહ્યા હતા, ત્યારે મસ્ક તેમની સાથે પેસેન્જર સીટ પર બેઠા હતા. મસ્કે મજાકમાં કહ્યું 'આ જોઈને સિક્રેટ સર્વિસને હાર્ટ એટેક આવશે.'

ટેસ્લાના સ્ટોકમાં ભારે ઘટાડો

ટેસ્લાના શેર ઘટી રહ્યા છે ત્યારે ટ્રમ્પે ટેસ્લા કાર ખરીદી છે. આ રીતે, તેમણે એલોન મસ્કને ટેકો આપ્યો છે. છેલ્લા ત્રણ મહિનામાં ટેસ્લાના શેર લગભગ 50 ટકા ઘટ્યા છે. સોમવારે જ ટેસ્લાના શેર 15 ટકા ઘટ્યા હતા. ટેસ્લાનો અત્યારે ખરાબ સમય ચાલી રહ્યો છે. છેલ્લા કેટલાક મહિનામાં ટેસ્લાના વેચાણમાં ભારે ઘટાડો થયો છે. યુરોપમાં ટેસ્લાના વેચાણમાં 45 ટકાનો ઘટાડો થયો છે. જર્મનીમાં ટેસ્લાના વેચાણમાં 76 ટકાનો ઘટાડો થયો છે. ચીનમાં ટેસ્લાના વેચાણમાં પણ 11.5 ટકાનો ઘટાડો થયો. ટેસ્લાના શેરમાં ઘટાડાને કારણે, એલોન મસ્કની નેટવર્થમાં પણ નોંધપાત્ર ઘટાડો થયો છે.

આ પણ વાંચો- ભારત આવી રહ્યું છે એલોન મસ્કનું Starlink ઇન્ટરનેટ, SpaceXએ Airtel સાથે મિલાવ્યા હાથ