LOKESH KUMAR NETHERLANDS TEAM: ફૂડ ડિલિવરી બોયની 48 કલાકમાં બદલાઈ કિસ્મત, સીધો World Cupની ટીમ સાથે જોડાયો

LOKESH KUMAR NETHERLANDS TEAM: જ્યારે નસીબ વ્યક્તિની તરફેણમાં હોય છે, ત્યારે તે એકદમ તળિયેથી ઊંચાઈ સુધી પહોંચે છે. ચેન્નાઈમાં ફૂડ ડિલિવરી બોય તરીકે કામ કરતા એક વ્યક્તિ સાથે આવું જ કંઈક થયું હતુ. આ વ્યક્તિના નસીબે એવો વળાંક લીધો કે તે સીધો જ આંતરરાષ્ટ્રીય ક્રિકેટ ટીમના સપોર્ટ સ્ટાફમાં સામેલ થઈ ગયો હતો. આ 29 વર્ષના લોકેશ કુમારની આ વાત છે, જે 48 કલાકની અંદર ફૂડ ડિલિવરી બોયમાંથી આંતરરાષ્ટ્રીય ટીમ સાથે જોડાઈ ગયો હતો.

લોકેશ વર્લ્ડ કપ 2023 માટે નેધરલેન્ડની ટીમ સાથે જોડાયો છે. તે ટીમ સાથે નેટ બોલર તરીકે તાલીમ આપશે અને નેધરલેન્ડના બેટ્સમેનોને અલૂરમાં શરૂ થતા પ્રી-વર્લ્ડ કપમાં સ્પિન બોલિંગનો સામનો કેવી રીતે કરવો તે શીખવશે.

લોકેશે આ વિશે ટાઈમ્સ ઓફ ઈન્ડિયાને જણાવ્યું, “આ મારી કારકિર્દીની સૌથી કિંમતી ક્ષણોમાંની એક છે. હું હજુ સુધી TNCA થર્ડ ડિવિઝન લીગમાં પણ રમ્યો નથી. લોકેશ એક દિવસ પહેલા એટલે કે બુધવારે જ નેધરલેન્ડ ટીમના કેમ્પમાં જોડાયો હતો. તેણે કહ્યું કે હું 4 વર્ષથી પાંચમા ડિવિઝનમાં રમ્યો છું અને વર્તમાન સિઝન માટે ચોથા ડિવિઝનના સંગઠન ઈન્ડિયન ઓઈલ (RO) S&RC માટે નોંધણી કરાવી છે. નેધરલેન્ડ ટીમ દ્વારા નેટ બોલર તરીકે પસંદ થયા બાદ મને લાગે છે કે આખરે મારી પ્રતિભાને ઓળખવામાં આવી છે.

આ પણ વાંચો - Heart Attack In Gujarat: નાની ઉંમરમાં કેમ વધી રહ્યાં છે હાર્ટ એટેકના કિસ્સા, બચવા માટે માટે શું કરવું જોઇએ?

તેણે કહ્યું કે ફૂડ ડિલિવરી બોય તરીકે કામ કરવાથી આડકતરી રીતે તેને ક્રિકેટર તરીકે વિકસાવવામાં મદદ મળી હતી. લોકેશના કહેવા પ્રમાણે, કોલેજના દિવસો પછી મારું ધ્યાન ક્રિકેટ પર હતું. હું 4 વર્ષ સુધી ક્રિકેટ રમ્યો. પછી 2018માં નોકરી કરવાનું નક્કી કર્યું. હું છેલ્લા ચાર વર્ષથી સ્વિગી સાથે છું. મારી પાસે આવકનો બીજો કોઈ સ્ત્રોત નથી. આ કામ એવું છે કે હું જ્યારે ઈચ્છું ત્યારે રજા લઈ શકું છું.