Fake Gst: સરકારે GSTમાં નકલી ઇનપુટ ટેક્સ ક્રેડિટ સામે ઝુંબેશ કરી શરૂ, બીજા તબક્કામાં લગભગ 1.25 લાખ યુનિટ્સ તપાસ હેઠળ

Fake Gst: GSTમાં નકલી ઈનપુટ ટેક્સ ક્રેડિટ (ITC)ને લઈને સરકાર ઘણી કડક બની ગઈ છે. આ અંતર્ગત 1.25 લાખ યુનિટ્સ તપાસ હેઠળ છે. આ યુનિટ્સમાં સરકારી એજન્સીઓનો પણ સમાવેશ થાય છે. એક વરિષ્ઠ સરકારી અધિકારીએ જણાવ્યું કે સેન્ટ્રલ બોર્ડ ઓફ ઇનડાયરેક્ટ ટેક્સ એન્ડ કસ્ટમ્સ (CBIC) એ આ મામલે એક અભિયાન શરૂ કર્યું છે. આ અભિયાનમાં એવા યુનિટ્સ વિશે જાણવા મળ્યું છે, જેમને નકલી યુનિટ્સ પાસેથી સપ્લાય મળી હતી.

અધિકારીએ મનીકંટ્રોલને જણાવ્યું હતું કે, “બોગસ ઇનપુટ ટેક્સ ક્રેડિટ સામેની ઝુંબેશ અત્યારે 14 ઓગસ્ટ સુધી ચાલુ રહેશે. CBICના આના વિરુદ્ધ બે મહિનાના અભિયાનમાં જાણવા મળ્યું હતું કે કેટલીક બનાવટી કંપનીઓ અન્ય કંપનીઓને નકલી બિલ સપ્લાય કરે છે. જો કેટલીક કંપનીઓ બોગસ યુનિટ્સમાંથી પુરવઠો મેળવે છે, તો તેનો અર્થ એ છે કે સપ્લાય ખરેખર થયો નથી. આ પ્રક્રિયામાં સામેલ 1.25 લાખ કંપનીઓની ઓળખ કરવામાં આવી છે અને તેમની તપાસ ચાલી રહી છે.

અગાઉ સીબીઆઈસીએ 14 મેથી 14 જુલાઈ સુધી ડ્રાઈવ હાથ ધરી હતી, જેમાં કુલ 60,000 યુનિટ્સની તપાસ કરવામાં આવી હતી. જેમાંથી 20,800 યુનિટ નકલી હોવાનું જણાયું હતું. “ટેસ્ટિંગના પ્રથમ તબક્કામાં 60,000 યુનિટ્સ આવરી લેવામાં આવ્યા હતા. સ્ક્રૂટિનીના બીજા તબક્કામાં 1,25,000 લાખ કંપનીઓને આવરી લેવામાં આવી છે. આમાંની કેટલીક કંપનીઓ નકલી હોઈ શકે છે. જો કે, ઘણી કંપનીઓ બોગસ નથી. આવા યુનિટ્સમાં સરકારી એજન્સીઓ અને જાણીતી કંપનીઓનો પણ સમાવેશ થાય છે.

ડેટા એનાલિટિક્સ નકલી કંપનીઓની ઓળખ કરશે

સરકાર શેલ કંપનીઓને ઓળખવા માટે ડેટા એનાલિટિક્સનો ઉપયોગ કરી રહી છે. ઇનપુટ ટેક્સ ક્રેડિટ હેઠળ, GST કરદાતાઓ માલ અથવા સેવાઓ પર ચૂકવવામાં આવેલા ટેક્સના સંદર્ભમાં ક્રેડિટનો દાવો કરી શકે છે. નકલી ઈનવોઈસ એટલે કે માલસામાન કે સેવાઓનો પુરવઠો ન હોય ત્યારે પણ ઈન્વોઈસ જારી કરવામાં આવે છે. આ ઇન્વૉઇસનો ઉપયોગ ઇનપુટ ટેક્સ ક્રેડિટ મેળવવા માટે થાય છે અને તેનાથી સરકારને નુકસાન થાય છે.

આ પણ વાંચો- MPL Layoffs: મોબાઇલ પ્રીમિયર લીગએ કરી 350 કર્મચારીઓની છટણી, ઓનલાઈન ગેમિંગ પર 28% GST પછી લીધાં પગલાં