કેન્દ્રીય કર્મચારીઓ RSSના કાર્યક્રમોમાં લઈ શકશે ભાગ, 58 વર્ષ બાદ હટાવ્યો પ્રતિબંધ

કેન્દ્ર સરકારે રાષ્ટ્રીય સ્વયંસેવક સંઘ (RSS)ની પ્રવૃત્તિઓમાં ભાગ લેતા સરકારી કર્મચારીઓ પરનો પ્રતિબંધ હટાવી લીધો છે. ભારતીય જનતા પાર્ટી (BJP)ના આઈટી વિભાગના વડા અમિત માલવિયાએ પણ આદેશનો સ્ક્રીનશોટ શેર કર્યો અને કહ્યું કે 58 વર્ષ પહેલા આપવામાં આવેલ ગેરબંધારણીય નિર્દેશ નરેન્દ્ર મોદીની આગેવાનીવાળી સરકાર દ્વારા પાછો ખેંચી લેવામાં આવ્યો છે.

કોંગ્રેસના જનરલ સેક્રેટરી (સંચાર) જયરામ રમેશે 9 જુલાઈના રોજ કર્મચારી, જાહેર ફરિયાદ અને પેન્શન મંત્રાલય દ્વારા જાહેર કરાયેલ ઓફિસ મેમોરેન્ડમ પણ શેર કર્યું હતું, જે RSS પ્રવૃત્તિઓમાં સરકારી કર્મચારીઓની સંડોવણી સાથે સંબંધિત છે. આ આદેશમાં કહેવામાં આવ્યું છે કે, 'ઉપરોક્ત સૂચનાઓની સમીક્ષા કરવામાં આવી છે અને નિર્ણય લેવામાં આવ્યો છે કે 30 નવેમ્બર 1966, 25 જુલાઈ 1970 અને 28 ઓક્ટોબર 1980ના સંબંધિત ઓફિસ મેમોરેન્ડમમાંથી રાષ્ટ્રીય સ્વયંસેવક સંઘનો ઉલ્લેખ દૂર કરવામાં આવે.'

આદેશની તસવીર સાથેની એક પોસ્ટમાં રમેશે કહ્યું, 'સરદાર પટેલે ફેબ્રુઆરી 1948માં ગાંધીજીની હત્યા બાદ આરએસએસ પર પ્રતિબંધ મૂક્યો હતો. ત્યારબાદ સારા આચરણની ખાતરી પર પ્રતિબંધ હટાવી દેવામાં આવ્યો હતો. આ પછી પણ RSSએ ક્યારેય નાગપુરમાં તિરંગો ફરકાવ્યો નથી.' તેમણે પોસ્ટમાં કહ્યું, '1966માં RSSની પ્રવૃત્તિઓમાં ભાગ લેવા પર સરકારી કર્મચારીઓ પર પ્રતિબંધ લગાવવામાં આવ્યો હતો અને તે યોગ્ય નિર્ણય પણ હતો. આ 1966 માં પ્રતિબંધ લાદવા માટે જાહેર કરાયેલ સત્તાવાર આદેશ છે.

જયરામ રમેશે કહ્યું, '4 જૂન, 2024 પછી, સ્વયંભૂ બિનજૈવિક વડા પ્રધાન અને આરએસએસ વચ્ચેના સંબંધોમાં ખટાશ આવી ગઈ છે. 9 જુલાઈ, 2024 ના રોજ, 58 વર્ષ જૂનો પ્રતિબંધ ઉઠાવી લેવામાં આવ્યો, જે અટલ બિહારી વાજપેયીના વડાપ્રધાન તરીકેના કાર્યકાળ દરમિયાન પણ લાગુ હતો, રમેશે કહ્યું, 'હું માનું છું કે નોકરશાહી હવે શોર્ટ્સમાં પણ આવી શકે છે.'

આ પણ વાંચો - આ 4 બેન્કો આપી રહી છે ખાસ FD, તમે 30 સપ્ટેમ્બર સુધી રોકાણ કરી શકો છો, મળશે 8% વ્યાજ