ગાયને 'રાષ્ટ્રમાતા' જાહેર કરવી જોઈએ, બનાસકાંઠાના સાંસદે સંસદમાં ઉઠાવી માંગ

ગુજરાતના એકમાત્ર કોંગ્રેસના સાંસદ ગેનીબેન ઠાકોરે ગાયને રાષ્ટ્રમાતા જાહેર કરવાની માંગ ઉઠાવી છે. તેમણે લોકસભામાં શંકરાચાર્ય અવિમુક્તેશ્વરાનંદ સરસ્વતીનો ઉલ્લેખ કરતા આ માંગણી કરી હતી. ગાયના દૂધ અને છાણનું મહત્વ જણાવતા સાંસદે કહ્યું કે તેમની સામે થતા અત્યાચારો બંધ થવો જોઈએ. કોંગ્રેસ સાંસદે લોકસભામાં આપેલું ભાષણ હવે વાયરલ થઈ રહ્યું છે.

દેશના સાધુ, સંતો, મહંતો અને શંકરાચાર્ય અવિમુક્તેશ્વરાનંદ સરસ્વતી મહારાજે પદયાત્રા કરી ગાયને રાષ્ટ્રમાતા જાહેર કરવાની માંગ કરી હતી. તેમની માંગ છે કે માતા ગાયને રાષ્ટ્ર માતાનો દરજ્જો આપવો જોઈએ અને ગાયોની હત્યા પર પ્રતિબંધ મૂકવો જોઈએ. તેમણે વધુમાં કહ્યું કે, 'ગાયનું દૂધ ખૂબ જ ફાયદાકારક છે. કુદરતી ખેતીમાં ગાયના છાણની જરૂર પડે છે. પશુઓની ખરીદી અને વીમા પર GST લાદવામાં આવ્યો છે, તેને દૂર કરવો જોઈએ.

परमाराध्य ज्योतिष्पीठाधीश्वर जगद्गुरु शङ्कराचार्य जी महाराज की प्रेरणा से गोभक्त आदरणीय गेनीबेन ठाकोर ने आज संसद् में गौमाता को राष्ट्रमाता घोषित करने की बात उठाई। शङ्कराचार्य जी की पद यात्रा का उल्लेख भी किया।#गौमाता_राष्ट्रमाता pic.twitter.com/0ZzoY7nZth

— 1008.Guru (@jyotirmathah) August 5, 2024

ગેનીબેન ઠાકોર ગુજરાતમાંથી કોંગ્રેસના એકમાત્ર લોકસભા સાંસદ છે. તે આ વર્ષે લોકસભા ચૂંટણીમાં બનાસકાંઠા બેઠક પરથી ભાજપને હરાવવામાં સફળ રહ્યા હતા. ગેનીબેન ઠાકોર અગાઉ પણ તેના કેટલાક નિર્ણયો માટે ગુજરાતમાં સમાચારોમાં રહ્યા છે.

આ પણ વાંચો-‘પેલેસ્ટાઈન પર રડતા હતા, બાંગ્લાદેશમાં હિન્દુઓના નરસંહાર પર મૌન છે', ગિરિરાજ સિંહે I.N.D.I.A એલાયન્સ પર સાધ્યું નિશાન