સિંધુ જળ સંધિ રદ્દ કરવાનો ભારતનો નિર્ણયથી નાપાક હજુ ડરમાં, આપી ગીધડ ધમકી

Indus Water Treaty: 22 એપ્રિલના રોજ કશ્મીરના પહેલગામમાં થયેલા આતંકી હુમલા બાદ ભારતે સિંધુ જળ સંધિ સ્થગિત કરવાનો નિર્ણય લીધો હતો. આ સંધિ ભારત અને પાકિસ્તાન વચ્ચે નદીઓના પાણીના વહેંચણીનું નિયમન કરે છે. ભારતના આ પગલાથી પાકિસ્તાનમાં ખળભળાટ મચી ગયો છે. પાકિસ્તાને આ મુદ્દાને સંયુક્ત રાષ્ટ્ર સુધી લઈ જઈને ભારત પર આંતરરાષ્ટ્રીય કાયદાના ઉલ્લંઘનનો આરોપ લગાવ્યો છે.

સંયુક્ત રાષ્ટ્રમાં પાકિસ્તાનનો વિરોધ

ન્યૂયોર્કમાં સંયુક્ત રાષ્ટ્રના હેડક્વાર્ટર ખાતે પાકિસ્તાનના સ્થાયી મિશન અને મુસ્લિમ-અમેરિકન લીડરશિપ ગઠબંધન દ્વારા એક કાર્યક્રમનું આયોજન કરવામાં આવ્યું હતું. આ કાર્યક્રમનો વિષય હતો 'સિંધુ જળ સંધિ અને પાકિસ્તાનનું જળ સંકટ: પડકારો અને આગળનો માર્ગ'. આ દરમિયાન પાકિસ્તાનના વક્તાઓએ ભારતના નિર્ણયને આંતરરાષ્ટ્રીય કાયદાનું ગંભીર ઉલ્લંઘન ગણાવ્યું. પાકિસ્તાનના ઉપ સ્થાયી પ્રતિનિધિ રાજદૂત ઉસ્માન જાદૂને ભારતને ધમકી આપતાં કહ્યું કે, સંધિને નબળી પાડવાથી ગંભીર માનવીય પરિણામો ભોગવવા પડશે. તેમણે દાવો કર્યો કે ડેટા શેરિંગ ન કરવાથી ખાદ્ય અસુરક્ષા અને વિસ્થાપન વધશે, જેની અસર મહિલાઓ, બાળકો અને ગરીબો પર પડશે.

પાણીને હથિયાર બનાવવાનો આરોપ

પાકિસ્તાનનું આંતરરાષ્ટ્રીય મંચ પર વલણ

ભારતે પહેલગામ હુમલા બાદ પાકિસ્તાન જતું પાણી રોકવાની વાત કરી હતી, જેના જવાબમાં પાકિસ્તાને કડક વલણ અપનાવ્યું. પાકિસ્તાને દાવો કર્યો છે કે પાણી રોકવું એ લાખો લોકોના જીવનને જોખમમાં મૂકવા બરાબર છે અને તેને યુદ્ધની ઘોષણા ગણવામાં આવશે. આ મહિનાની શરૂઆતમાં ચીનમાં યોજાયેલા SCO સમિટમાં પાકિસ્તાનના વડાપ્રધાન શહબાઝ શરીફે આ મુદ્દો ઉઠાવ્યો હતો, જ્યાં ભારતના વડાપ્રધાન નરેન્દ્ર મોદી પણ હાજર હતા. પાકિસ્તાનનું કહેવું છે કે સિંધુ સંધિની શરતો અનુસાર કોઈ એક પક્ષ આ સંધિને એકતરફી રીતે રદ કે સ્થગિત ન કરી શકે.

ભારતનું અડગ વલણ

ભારતે પોતાના નિર્ણય પર અડગ રહેવાનું વલણ દર્શાવ્યું છે. ભારતનું કહેવું છે કે આતંકી હુમલાઓના જવાબમાં આ પગલું ઉઠાવવું જરૂરી હતું. આ વિવાદથી બંને દેશો વચ્ચે તણાવ વધવાની શક્યતા છે, જે પ્રાદેશિક સ્થિરતા માટે ચિંતાનો વિષય બની શકે છે.

આ પણ વાંચો-Bullet train station: બુલેટ ટ્રેન સ્ટેશન કેવું દેખાશે? ડિઝાઇન થઈ જાહેર, તસવીર જુઓ અને વિગતો જાણો