1 મે થી દરેક રાજ્યમાં માત્ર એક જ ક્ષેત્રીય ગ્રામીણ બેન્ક હશે, નાણા મંત્રાલયે 15 આરઆરબીના મર્જરને મંજૂરી આપી, જાણો વિગતો

આગામી 1 મે થી દેશના દરેક રાજ્યમાં માત્ર એક જ ક્ષેત્રીય ગ્રામીણ બેન્ક (આરઆરબી) કાર્યરત હશે. નાણા મંત્રાલયે વધુ સારી કાર્યક્ષમતા અને ખર્ચમાં ઘટાડો લાવવા માટે 11 રાજ્યોમાં 15 ક્ષેત્રીય ગ્રામીણ બેન્કોના મર્જર માટે નોટિફિકેશન જાહેર કર્યું છે. પીટીઆઈના અહેવાલ મુજબ, આ મર્જર બાદ દેશમાં ક્ષેત્રીય ગ્રામીણ બેન્કોની સંખ્યા હાલના 43 થી ઘટીને 28 થઈ જશે.

આ રાજ્યોમાં થશે બેન્કોનું મર્જર

ગેઝેટેડ નોટિફિકેશન અનુસાર, 11 રાજ્યો - આંધ્ર પ્રદેશ, ઉત્તર પ્રદેશ, પશ્ચિમ બંગાળ, બિહાર, ગુજરાત, જમ્મુ અને કાશ્મીર, કર્ણાટક, મધ્ય પ્રદેશ, મહારાષ્ટ્ર, ઓડિશા અને રાજસ્થાનમાં ક્ષેત્રીય ગ્રામીણ બેન્કોનું એક એકમમાં મર્જર કરવામાં આવશે. આનો ઉદ્દેશ્ય 'એક રાજ્ય-એક આરઆરબી'નું લક્ષ્ય હાંસલ કરવાનું છે. 5 એપ્રિલ, 2026ના રાજપત્ર નોટિફિકેશન મુજબ, આ મર્જરની અમલ તારીખ 1 મે નક્કી કરવામાં આવી છે.

જાહેર હિતમાં મર્જર

ઉત્તર પ્રદેશમાં થશે આ ફેરફાર

નોટિફિકેશન મુજબ, ઉત્તર પ્રદેશમાં 3 આરઆરબીનું મર્જર કરીને એક નવી ક્ષેત્રીય ગ્રામીણ બેન્ક રચવામાં આવી છે. હાલમાં બેન્ક ઓફ બરોડા દ્વારા પ્રાયોજિત બરોડા યુ.પી. બેન્ક, બેન્ક ઓફ ઈન્ડિયા દ્વારા પ્રાયોજિત આર્યાવર્ત બેન્ક અને પંજાબ નેશનલ બેન્ક દ્વારા પ્રાયોજિત પ્રથમા યુ.પી. ગ્રામીણ બેન્કને એકબીજામાં ભેળવીને 'ઉત્તર પ્રદેશ ગ્રામીણ બેન્ક' નામ આપવામાં આવ્યું છે. આ નવી બેન્કનું પ્રાયોજક બેન્ક ઓફ બરોડા હશે અને તેનું મુખ્ય મથક લખનઉમાં હશે. આ મર્જરથી ગ્રામીણ બેન્કોની કામગીરીમાં સુધારો અને ખર્ચમાં ઘટાડો થવાની આશા છે, જે ગ્રામીણ વિસ્તારોના વિકાસ માટે લાભદાયી સાબિત થશે.

આ પણ વાંચો- ચીન 104, બાંગ્લાદેશ 37, પાકિસ્તાન 29... ભારત સામે આ તે કેવો ખતરો, હવે આગળ શું થશે?