સરકારે 4 અંકનો હેલ્પલાઈન નંબર કર્યો જાહેર, સાયબર ક્રાઈમના ગુનેગારોની હવે ખેર નહીં

સાયબર ફ્રોડની વધતી ઘટનાઓને રોકવા માટે સરકારે એક નવો નેશનલ હેલ્પલાઈન નંબર જાહેર કર્યો છે. ગૃહ મંત્રાલયે રાષ્ટ્રીય હેલ્પલાઈન નંબર 155260 બદલીને 1930 કરી દીધો છે. ટેલિકોમ્યુનિકેશન વિભાગે આ નવા હેલ્પલાઇન નંબર વિશેની માહિતી તેના સત્તાવાર X હેન્ડલ દ્વારા શેર કરી છે. આ હેલ્પલાઈન નંબર ખાસ કરીને એવા લોકોને મદદ કરશે જેઓ કોઈપણ પ્રકારની નાણાકીય છેતરપિંડીનો ભોગ બન્યા છે. આ સિવાય તમે નેશનલ સાયબર ક્રાઈમ પોર્ટલ પર પણ આ અંગે ફરિયાદ કરી શકો છો.

ગૃહ મંત્રાલય (MHA) અને ભારતીય સાયબર ક્રાઈમ કો-ઓર્ડિનેશન સેન્ટર (I4C) દ્વારા શરૂ કરવામાં આવેલી આ પહેલ ભારતીય નાગરિકો માટે સુરક્ષિત ડિજિટલ પેમેન્ટ સિસ્ટમ્સ પ્રદાન કરવાની પ્રતિબદ્ધતાનું ઉદાહરણ આપે છે. સાયબર ફ્રોડનો ભોગ બનેલા લોકો આ 4 અંકના હેલ્પલાઈન નંબર પર ગમે ત્યારે કોલ કરી શકે છે. આ હેલ્પલાઈન નંબર સંબંધિત રાજ્ય પોલીસ દ્વારા ઓપરેટ કરવામાં આવે છે.