IAF Plane Crash: તેલંગાણામાં ભારતીય વાયુસેનાનું તાલીમાર્થી વિમાન દુર્ઘટનાગ્રસ્ત, 2 પાયલોટના મોત

IAF Plane Crash: તેલંગાણાથી એક દુઃખદ સમાચાર આવી રહ્યા છે. સોમવારે સવારે તેલંગાણામાં ભારતીય વાયુસેના (IAF)નું એક તાલીમાર્થી વિમાન ક્રેશ થયું હતું. આ ભયાનક દુર્ઘટનામાં બે પાયલોટના મોત થયા છે. મેડક જિલ્લાના તુપારણના રવેલી ગામમાં વિમાન ક્રેશ થયું હતું. વાયુસેનાના એક અધિકારીએ જણાવ્યું કે વિમાન દુર્ઘટનાને કારણે બે પાયલટના મોત થયા છે. ભારતીય વાયુસેનાના બંને પાઇલોટ્સ માર્યા ગયા જ્યારે તેમના Pilatus PC 7 Mk-II ટ્રેનર એરક્રાફ્ટ તેલંગાણાના ડિંડીગુલમાં એરફોર્સ એકેડેમી ખાતે રાત્રે 8:55 વાગ્યે ક્રેશ થયું. પાયલટોમાં એક તાલીમાર્થી અને એક કેડેટનો સમાવેશ થાય છે. આ વિમાને ડુંડીગલ એરફોર્સ એકેડેમીથી નિયમિત તાલીમ સૉર્ટી પર ઉડાન ભરી હતી.

IAFએ અકસ્માતનું કારણ જાણવા માટે કોર્ટ ઓફ ઈન્ક્વાયરીનો પણ આદેશ આપ્યો છે. આ દરમિયાન હજુ સુધી કોઈ નાગરિક કે જાનમાલને નુકસાનના સમાચાર નથી. કેન્દ્રીય રક્ષા મંત્રી રાજનાથ સિંહે પાયલટોના મોત પર શોક વ્યક્ત કર્યો છે. સિંહે ટ્વિટર પર એક પોસ્ટમાં જણાવ્યું હતું કે, "હૈદરાબાદ નજીક આ દુર્ઘટનાથી દુઃખી છું. તે ખૂબ જ દુ:ખદ છે કે બે પાયલટોએ પોતાનો જીવ ગુમાવ્યો છે. આ દુઃખદ સમયે મારા વિચારો શોકગ્રસ્ત પરિવારો સાથે છે."

બારામતી પોલીસ સ્ટેશનના ઈન્સ્પેક્ટર પ્રભાકર મોરેએ પીટીઆઈને જણાવ્યું કે, "રેડબર્ડ ઈન્સ્ટિટ્યૂટ (રેડબર્ડ ફ્લાઈટ ટ્રેનિંગ એકેડમી)નું એક ટ્રેનિંગ એરક્રાફ્ટ સાંજે 5 વાગ્યાની આસપાસ બારામતી તાલુકાના કટફલ ગામ પાસે ક્રેશ થયું હતું. આ ઘટનામાં ઘાયલ પાયલોટ અને અન્ય એક વ્યક્તિને હોસ્પિટલમાં દાખલ કરવામાં આવ્યા છે. લેવામાં આવી હતી."

Two pilots killed in an accident involving a Pilatus trainer aircraft of the IAF near Hyderabad, say officials

— Press Trust of India (@PTI_News) December 4, 2023

આ સિવાય જૂન મહિનામાં કર્ણાટકના ચામરાજનગર જિલ્લાના ભોગાપુરા ગામમાં ભારતીય વાયુસેનાનું કિરણ ટ્રેનર વિમાન એક ખુલ્લા મેદાનમાં ક્રેશ થયું હતું. જેટમાં સવાર બે પાઇલોટ્સ પેરાશૂટનો ઉપયોગ કરીને સફળતાપૂર્વક બહાર નીકળી ગયા હતા અને તેઓ સુરક્ષિત રીતે ઉતર્યા હોવાનું જાણવા મળે છે.

Anguished by this accident near Hyderabad. It is deeply saddening that two pilots have lost their lives. In this tragic hour, my thoughts are with the bereaved families. https://t.co/K9RljlGu0i — Rajnath Singh (@rajnathsingh) December 4, 2023

IAFએ કહ્યું હતું કે અકસ્માતનું કારણ નક્કી કરવા માટે કોર્ટ ઓફ ઈન્ક્વાયરીનો આદેશ આપવામાં આવ્યો છે. મે મહિનામાં, રાજસ્થાનના હનુમાનગઢ નજીક ભારતીય વાયુસેનાના મિગ-21 ફાઇટર પ્લેનને નિયમિત ટ્રેનિંગ ફ્લાઇટ દરમિયાન અથડાતાં ઓછામાં ઓછા ત્રણ લોકો માર્યા ગયા હતા.

આ પણ વાંચો - Diabetes symptoms: આ ડાયાબિટીસનું સૌથી કોમન લક્ષણ, દેખાય કે તરત જ ડૉક્ટરનો કરો સંપર્ક