ભારતનું રમકડાં ઉદ્યોગ અમેરિકન ટેરિફનો લાભ લેવા તૈયાર, મળશે મોટો ફાયદો

અમેરિકાએ ચીન પર 54 ટકા, વિયતનામ પર 46 ટકા, બાંગ્લાદેશ પર 37 ટકા, ઇન્ડોનેશિયા પર 32 ટકા અને થાઇલેન્ડ પર 36 ટકાના ઉચ્ચ ટેરિફ લાદ્યા છે, જ્યારે ભારત પર માત્ર 26 ટકા વધારાનું આયાત શુલ્ક લાગુ કરવામાં આવ્યું છે. આનાથી ભારતીય રમકડાં નિકાસકારોને સ્પર્ધાત્મક ફાયદો મળી રહ્યો છે. પ્લે ગ્રો ટોયઝ ઇન્ડિયાના સીઈઓ મનુ ગુપ્તાએ જણાવ્યું કે, "આ ભારતીય નિકાસકારો માટે એક મોટી તક છે. અમેરિકામાં હવે ભારતીય રમકડાં પર અન્ય દેશોની સરખામણીએ ઓછું શુલ્ક લાગશે, જેનો અમને ફાયદો થશે." તેમણે ઉમેર્યું કે ઘણી મોટી રમકડાં કંપનીઓ ભારતમાં પોતાના ઉત્પાદન પ્લાન્ટ સ્થાપવાની શક્યતાઓ શોધી રહી છે.

નિકાસમાં વૃદ્ધિની આશા

ઉદ્યોગના આંકડા દર્શાવે છે કે ભારતની રમકડાંની નિકાસ છેલ્લા ત્રણ વર્ષમાં સ્થિર રહી છે અને હવે તેમાં વધારો થવાની સંભાવના છે. મનુ ગુપ્તાએ કહ્યું કે અમેરિકા સાથેનો વેપાર સમજૂતી આ પ્રક્રિયાને વેગ આપશે. સનલોર્ડ સમૂહના પ્રમોટર અમિતાભ ખરબંદાએ પણ આ અંગે સહમતિ દર્શાવતા જણાવ્યું કે સરકારની રાષ્ટ્રીય રમકડાં કાર્ય યોજનાની બજેટ જાહેરાતથી આ ક્ષેત્રને વધુ ટેકો મળશે.

ઉત્પાદન ક્ષમતા વધારવાની જરૂર

આ પણ વાંચો- અમદાવાદમાં ભારતની પ્રથમ ગિયર્ડ ઇલેક્ટ્રિક બાઇક શરૂ, ગ્રીન એનર્જીને મળશે પ્રોત્સાહન