વડાપ્રધાન મોદી કિવમાં રાષ્ટ્રપતિ ઝેલેન્સકીને મળ્યા, રશિયા-યુક્રેન યુદ્ધમાં માર્યા ગયેલા બાળકોને આપી શ્રદ્ધાંજલિ

વડાપ્રધાન નરેન્દ્ર મોદીએ શુક્રવારે (23 ઓગસ્ટ) રાજધાની કિવમાં યુક્રેનના રાષ્ટ્રપતિ વોલોદિમિર ઝેલેન્સકી સાથે મુલાકાત કરી. પીએમ મોદીએ કિવમાં યુક્રેનના રાષ્ટ્રપતિને ગળે લગાવ્યા. બંને વચ્ચે દ્વિપક્ષીય વાતચીત ટૂંક સમયમાં શરૂ થશે. બંને નેતાઓએ યુક્રેન નેશનલ મ્યુઝિયમમાં યુદ્ધમાં માર્યા ગયેલા બાળકોને શ્રદ્ધાંજલિ આપી હતી. બેઠક બાદ વડાપ્રધાન મોદી અને ઝેલેન્સકીએ કિવમાં શહીદ પ્રદર્શનમાં બાળકોની સ્મૃતિને શ્રદ્ધાંજલિ આપી હતી. પીએમ મોદીએ તેમની સાથે સંઘર્ષના શાંતિપૂર્ણ ઉકેલ અંગે વાત કરી હતી. આ દરમિયાન પીએમ મોદી અને યુક્રેનના રાષ્ટ્રપતિ ઝેલેન્સકીએ કિવમાં 'માર્ટરોલોજિસ્ટ' પ્રદર્શનમાં હાજરી આપી હતી. વડાપ્રધાન મોદી તેમની એક દિવસીય યુક્રેનની મુલાકાતે શુક્રવારે પોલેન્ડથી કિવ સેન્ટ્રલ રેલવે સ્ટેશન પહોંચ્યા હતા.

1991માં સોવિયત યુનિયનથી આઝાદ થયા બાદ ભારતીય વડાપ્રધાન દ્વારા યુક્રેનની આ પ્રથમ મુલાકાત છે. કિવ પહોંચ્યા બાદ વડાપ્રધાન મોદીએ સૌપ્રથમ ફોમિન બોટનિકલ ગાર્ડનમાં ભારતીય સ્વાતંત્ર્ય સેનાની મહાત્મા ગાંધીની કાંસ્ય પ્રતિમાને શ્રદ્ધાંજલિ આપી હતી. વડાપ્રધાન મોદી યુક્રેનની એક દિવસીય મુલાકાતે છે. તે કિવમાં લગભગ સાત કલાક રોકાશે.

પીએમ મોદી ઝેલેન્સ્કી સાથે વન-ટુ-વન અને પછી પ્રતિનિધિમંડળ સ્તરની વાતચીત કરશે. જે રશિયા-યુક્રેન સંઘર્ષ માટે વાટાઘાટો દ્વારા ઉકેલ શોધવાના માર્ગો પર ધ્યાન કેન્દ્રિત કરશે. આ વાટાઘાટો એવા સમયે થઈ રહી છે જ્યારે યુક્રેને તાજેતરમાં રશિયન વિસ્તારમાં આક્રમક સૈન્ય કાર્યવાહી હાથ ધરી છે.

વડાપ્રધાને 'રેલ ફોર્સ વન' ટ્રેન દ્વારા પોલેન્ડથી કિવ સુધીની મુસાફરી કરી, જેમાં લગભગ 10 કલાકનો સમય લાગ્યો. મોદીની બે દેશોની મુલાકાતનો આ છેલ્લો તબક્કો છે. કિવની તેમની મુલાકાતના લગભગ છ અઠવાડિયા પહેલા, મોદીએ રશિયાની મુલાકાત લીધી હતી જેમાં તેમણે રાષ્ટ્રપતિ વ્લાદિમીર પુતિન સાથે યુદ્ધવિરામના મુદ્દા પર ઊંડાણપૂર્વક ચર્ચા કરી હતી.

#WATCH | PM Modi and Ukrainian President Volodymyr Zelenskyy honour the memory of children at the Martyrologist Exposition in Kyiv pic.twitter.com/oV8bbZ8bQh

— ANI (@ANI) August 23, 2024

પીએમ મોદીએ જૂનમાં ઈટાલીના અપુલિયામાં જી-7 સમિટ દરમિયાન ઝેલેન્સકી સાથે વાત કરી હતી. વાતચીત દરમિયાન પીએમ મોદીએ યુક્રેનના રાષ્ટ્રપતિને કહ્યું હતું કે ભારત યુક્રેન સંઘર્ષના શાંતિપૂર્ણ ઉકેલની તરફેણમાં શક્ય તેટલું બધું કરશે. તેમણે કહ્યું હતું કે 'વાટાઘાટો અને કૂટનીતિ' દ્વારા જ શાંતિ લાવી શકાય છે. બેઠકમાં યુક્રેનના રાષ્ટ્રપતિ ઝેલેન્સકીએ વડાપ્રધાન મોદીને કિવ આવવા આમંત્રણ આપ્યું હતું.

ભારતીયોએ ભવ્ય સ્વાગત કર્યું

વડાપ્રધાન મોદી યુદ્ધગ્રસ્ત દેશ યુક્રેનની એક દિવસીય મુલાકાતે શુક્રવારે (23 ઓગસ્ટ) સવારે રાજધાની કિવ પહોંચ્યા હતા. ભારતીય વડાપ્રધાનની યુક્રેનની આ પ્રથમ મુલાકાત છે. આ દરમિયાન તેઓ યુક્રેનના રાષ્ટ્રપતિ વોલોદિમિર ઝેલેન્સકી સાથે રશિયા-યુક્રેન સંઘર્ષના શાંતિપૂર્ણ ઉકેલ પર વાતચીત કરશે. કિવ પહોંચતા જ ભારતીય પ્રવાસીઓએ 'ભારત માતા કી જય'ના નારા સાથે વડાપ્રધાન મોદીનું ઉષ્માભર્યું સ્વાગત કર્યું.

કિવ પહોંચ્યા બાદ વડાપ્રધાન મોદીએ સોશિયલ મીડિયા પ્લેટફોર્મ X પર કેટલીક તસવીરો પણ શેર કરી હતી, જેમાં તેઓ ભારતીય સમુદાયના લોકોને શુભેચ્છા પાઠવતા અને વાતચીત કરતા જોવા મળે છે. વડાપ્રધાને 'રેલ ફોર્સ વન' ટ્રેન દ્વારા પોલેન્ડથી કિવ સુધીની મુસાફરી કરી, જેમાં લગભગ 10 કલાકનો સમય લાગ્યો. પીએમ મોદીની બે દેશોની મુલાકાતનો આ છેલ્લો તબક્કો છે. તેઓ આજે સાંજે ભારત આવવા રવાના થશે.