G20માં રાષ્ટ્રપતિ બાયડન અને PM મોદીની મુલાકાત, બ્રાઝિલમાં વિશ્વભરના નેતાઓ થયા એકઠા

વડાપ્રધાન નરેન્દ્ર મોદી બ્રાઝિલના પ્રવાસે છે. તેમણે રિયો ડી જાનેરોમાં જી-20 સમિટમાં હાજરી આપી હતી. અહીં પીએમ મોદીએ અમેરિકી રાષ્ટ્રપતિ જો બાયડન સાથે મુલાકાત કરી. બાયડન સાથેની તસવીર ટ્વિટ કરતી વખતે વડાપ્રધાને લખ્યું કે તમને મળીને હંમેશા આનંદ થાય છે. આ દરમિયાન પીએમ મોદીએ સંયુક્ત રાષ્ટ્રના મહાસચિવ એન્ટોનિયો ગુટેરેસ સહિત ઘણા દેશોના વડાઓ સાથે મુલાકાત કરી.

With @POTUS Joe Biden at the G20 Summit in Rio de Janeiro. Always a delight to meet him.@JoeBiden pic.twitter.com/Z1zGYIVEhm

— Narendra Modi (@narendramodi) November 18, 2024

વડાપ્રધાન તેમના ત્રણ દેશોના વિદેશ પ્રવાસના બીજા તબક્કામાં સમિટ માટે બ્રાઝિલ પહોંચ્યા છે. પીએમ મોદી 16-21 નવેમ્બર સુધી નાઈજીરિયા, બ્રાઝિલ અને ગયાનાની પાંચ દિવસીય મુલાકાતે છે. વડાપ્રધાન નરેન્દ્ર મોદી નાઈજીરિયાના પ્રવાસ બાદ સોમવારે બ્રાઝિલ પહોંચ્યા હતા. રિયો ડી જાનેરો પહોંચતા ભારતીય સમુદાય દ્વારા તેમનું સંસ્કૃત મંત્રોચ્ચાર સાથે ઉષ્માભર્યું સ્વાગત કરવામાં આવ્યું હતું. 2014 અને 2019માં બ્રિક્સ સમિટ બાદ પીએમ મોદીની બ્રાઝિલની આ ત્રીજી મુલાકાત છે. ગયા વર્ષે, ભારતે નવી દિલ્હીમાં G20 સમિટનું આયોજન કર્યું હતું

G20 શું છે?

G20 એક આંતરરાષ્ટ્રીય મંચ છે જેમાં 19 દેશો અને યુરોપિયન યુનિયન (EU) સભ્યોનો સમાવેશ થાય છે. તેનો હેતુ વૈશ્વિક અર્થતંત્ર, નાણાકીય સ્થિરતા, આબોહવા પરિવર્તન અને અન્ય મહત્વપૂર્ણ વૈશ્વિક મુદ્દાઓ પર ચર્ચા અને સહયોગ કરવાનો છે. G20 એ વિશ્વની મુખ્ય અર્થવ્યવસ્થાઓનો સમૂહ છે અને તે વૈશ્વિક નીતિ બનાવવામાં મહત્વની ભૂમિકા ભજવે છે.

G20ની રચના 1999 માં કરવામાં આવી હતી અને તેનો મુખ્ય ઉદ્દેશ્ય વૈશ્વિક નાણાકીય કટોકટીને નિયંત્રિત કરવાનો અને આર્થિક વૃદ્ધિને પ્રોત્સાહન આપવાનો હતો. આ કોન્ફરન્સ દર વર્ષે યોજવામાં આવે છે અને તેમાં સભ્ય દેશોના વડાઓ (વડાપ્રધાન, રાષ્ટ્રપતિઓ અથવા તેમના પ્રતિનિધિઓ) વૈશ્વિક મુદ્દાઓ પર ચર્ચા કરવા માટે ભેગા થાય છે. G20નો પ્રભાવ અને મહત્વ એટલા માટે પણ છે કારણ કે તેના સભ્ય દેશો વિશ્વના કુલ GDPમાં લગભગ 85% અને વૈશ્વિક વેપારમાં લગભગ 75% હિસ્સો ધરાવે છે.

સમાવેશ દેશો

-આર્જેન્ટિના

-ઓસ્ટ્રેલિયા

-બ્રાઝિલ

-કેનેડા

-ચીન

-ફ્રાન્સ

-જર્મની -ભારત

-ઇન્ડોનેશિયા

-ઇટલી

-જાપાન

-મેક્સિકો

-રશિયા

-સાઉદી

અરેબિયા -દક્ષિણ

આફ્રિકા -દક્ષિણ

કોરિયા

-તુર્કી

-યુકે (યુનાઇટેડ કિંગડમ)

-યુએસએ (યુનાઇટેડ સ્ટેટ્સ ઑફ અમેરિકા ) )

-આ ઉપરાંત યુરોપિયન યુનિયન (EU) પણ તેમાં સામેલ છે.

આ પણ વાંચો - ટાટા મોટર્સને પેસેન્જર વ્હીકલના વેચાણમાં સતત વૃદ્ધિની અપેક્ષા, મેનેજિંગ ડિરેક્ટરે આ આપ્યું કારણ