Nepal: એસ.જયશંકર બે દિવસીય કાઠમંડુ મુલાકાતે, ભારત-નેપાળ સંયુક્ત આયોગની કરશે સહ-અધ્યક્ષતા

Nepal: ભારતના વિદેશ મંત્રી એસ. જયશંકર નેપાળની બે દિવસીય મુલાકાત માટે આજે કાઠમંડુ પહોંચ્યા છે. તેઓ નેપાળના વિદેશ મંત્રી એનપી સઈદ સાથે ભારત-નેપાળ સંયુક્ત આયોગની સાતમી બેઠકની સહ-અધ્યક્ષતા કરશે. આ દરમિયાન તેઓ બંને દેશો વચ્ચે દ્વિપક્ષીય ભાગીદારીની સમીક્ષા કરશે.

#WATCH | External Affairs Minister Dr S. Jaishankar arrives in Nepal's Kathmandu to co-chair the 7th meeting of the India-Nepal Joint Commission pic.twitter.com/xu12B84ARw

— ANI (@ANI) January 4, 2024

આ વર્ષે જયશંકરની આ પ્રથમ વિદેશ યાત્રા છે. નેપાળની મુલાકાત પર જયશંકરે કહ્યું કે તેઓ આ બે દિવસોમાં યોજાનાર કાર્યક્રમોને લઈને ખૂબ જ ઉત્સુક છે. નેપાળ પહોંચતા જ વિદેશ મંત્રી એનપી સઈદે એરપોર્ટ પર તેમનું સ્વાગત કર્યું.

નેપાળ પહોંચ્યા બાદ જયશંકરે સોશિયલ મીડિયા પ્લેટફોર્મ પર ટ્વિટ કર્યું આગામી બે દિવસમાં યોજાનાર કાર્યક્રમોની રાહ જોઈ રહ્યા છીએ.

નેપાળના વિદેશ પ્રધાન એનપી સઈદ તેમના સમકક્ષ જયશંકર અને તેમના સાથેના પ્રતિનિધિઓ માટે રાત્રિભોજનનું આયોજન કરશે. સ્થાનિક મીડિયા સાથે વાત કરતા નેપાળના વિદેશ મંત્રીએ કહ્યું, 'અમે બે કરાર પર હસ્તાક્ષર કરવા જઈ રહ્યા છીએ અને ત્રણ ક્રોસ બોર્ડર ટ્રાન્સમિશન લાઈનોનું ઉદ્ઘાટન કરીશું.'

અનેક મુદ્દાઓ પર ચર્ચા થશે

નેપાળના વિદેશ મંત્રાલય દ્વારા જારી કરવામાં આવેલી પ્રેસ રિલીઝ મુજબ, બંને નેતાઓ નેપાળ-ભારત સંયુક્ત આયોગમાં પોતપોતાના પ્રતિનિધિમંડળનું નેતૃત્વ કરશે. વિદેશ મંત્રાલયના પ્રવક્તા અમૃત બહાદુર રાયે જણાવ્યું કે આ બેઠક દરમિયાન ઊર્જા, વેપાર, માળખાગત વિકાસ, વધતી વેપાર ખાધ પર નેપાળની ચિંતા સહિતના અનેક મુદ્દાઓ પર ચર્ચા થશે.

તમને જણાવી દઈએ કે ભારત-નેપાળ સંયુક્ત આયોગની સ્થાપના 1987માં કરવામાં આવી હતી. તે બંને પક્ષોને દ્વિપક્ષીય ભાગીદારીના તમામ પાસાઓની સમીક્ષા કરવા માટે એક પ્લેટફોર્મ પૂરું પાડે છે. નેપાળના વિદેશ મંત્રાલયે કહ્યું કે જયશંકર રાષ્ટ્રપતિ રામચંદ્ર પૌડેલ અને વડાપ્રધાન પુષ્પ કમલ દહલ 'પ્રચંડ' સાથે સૌજન્ય મુલાકાત કરશે.

આ પણ વાંચો - COVID Update: દેશમાં ઝડપથી વધી રહ્યાં છે કોરોનાના કેસ, એક દિવસમાં નવા 760 દર્દી નોંધાયા, 2ના મોત