ઝારખંડમાં ચોંકાવનારો કિસ્સો: 7 વર્ષના બાળકને HIV, બ્લડ બેન્ક પર ગંભીર આરોપ

ઝારખંડના પશ્ચિમ સિંઘભૂમ જિલ્લાના ચાઈબાસામાં એક ચોંકાવનારો કિસ્સો સામે આવ્યો છે, જેમાં 7 વર્ષનું એક બાળક HIV પોઝિટિવ જાહેર થયું છે. આ ઘટના બાદ બાળકના પરિવારજનોએ સ્થાનિક બ્લડ બેન્ક પર દૂષિત રક્ત ચઢાવવાનો ગંભીર આરોપ લગાવ્યો છે. આ મામલે તપાસ માટે રાંચીથી એક ખાસ ટીમ ચાઈબાસા પહોંચી છે, જે બ્લડ બેન્કની ભૂમિકાને લઈને તપાસ કરી રહી છે.

બાળકને થેલેસેમિયા, 25 યુનિટ રક્ત ચઢાવાયું

આ બાળક થેલેસેમિયાનો દર્દી છે અને તેને નિયમિત રક્ત ચઢાવવાની જરૂર પડે છે. પરિવારના જણાવ્યા અનુસાર, બાળકને ચાઈબાસાની બ્લડ બેન્કમાંથી અત્યાર સુધીમાં લગભગ 25 યુનિટ રક્ત ચઢાવવામાં આવ્યું છે. બાળકના HIV પોઝિટિવ હોવાની પુષ્ટિ એક અઠવાડિયા પહેલાં થઈ હતી, જે બાદ પરિવારે બ્લડ બેન્ક પર આરોપ લગાવ્યો કે દૂષિત રક્તને કારણે બાળકને HIV થયો હશે.

તપાસ માટે રાંચીથી ટીમ રવાના

સ્થાનિક સમિતિનું પણ ગઠન

આ મામલે સ્થાનિક સ્તરે પણ તપાસ માટે એક સમિતિ રચવામાં આવી છે, જેનું નેતૃત્વ જિલ્લા પ્રજનન અને બાળ આરોગ્ય (DRCH) અધિકારી ડૉ. મીનૂ કરી રહ્યા છે. આ ત્રણ સભ્યોની સમિતિ બ્લડ બેન્કની કામગીરી અને રક્તદાતાઓના સેમ્પલની તપાસ કરશે. ડૉ. માઝીએ જણાવ્યું કે બાળકને રક્ત આપનારા દાતાઓના સેમ્પલની ચકાસણી કરવામાં આવશે, જેથી એ સ્પષ્ટ થઈ શકે કે બાળકને HIV બ્લડ બેન્કના રક્તથી થયો છે કે નહીં.

HIVના અન્ય કારણો પર પણ નજર

ડૉ. માઝીએ વધુમાં જણાવ્યું કે HIV ફેલાવવાના અન્ય કારણો પણ હોઈ શકે છે, જેમ કે દૂષિત સોયનો ઉપયોગ અથવા અન્ય માધ્યમો. તેઓએ કહ્યું, “અત્યારે એ નિષ્કર્ષ પર આવવું ઉતાવળું થશે કે બાળકને HIV બ્લડ બેન્કના રક્તથી જ થયો છે.” તપાસ પૂર્ણ થયા બાદ જ આ મામલે સ્પષ્ટતા આવશે.

આ ઘટનાએ બ્લડ બેન્કની કામગીરી અને રક્તદાનની સુરક્ષા પર સવાલો ઉભા કર્યા છે. તપાસ રિપોર્ટ આવ્યા બાદ બ્લડ બેન્કની ભૂમિકા અને જવાબદારી સ્પષ્ટ થશે. આ સમગ્ર મામલો આરોગ્ય વિભાગ અને સ્થાનિક વહીવટ માટે ગંભીર ચિંતાનો વિષય બન્યો છે.

આ ઘટના બાદ લોકોમાં પણ બ્લડ બેન્કની સુરક્ષા અને રક્તદાનની પ્રક્રિયા પર ધ્યાન આપવાની માંગ ઉઠી છે, જેથી ભવિષ્યમાં આવી ઘટનાઓ ટાળી શકાય.

આ પણ વાંચો-યુદ્ધની આગમાં પર્યાવરણનો નાશ: રશિયા-યુક્રેન સંઘર્ષથી 237 મિલિયન ટન કાર્બન ઉત્સર્જન