Vande Bharat train: વડોદરાથી જામનગર-હાપા વચ્ચે વંદેભારત ટ્રેન શરૂ થશે, PM મોદી કરશે લોકાર્પણ

Vande Bharat train: વડોદરાથી જામનગર-હાપા વચ્ચે વંદેભારત ટ્રેન ટૂંક સમયમાં શરૂ થશે. જેનું લોકાર્પણ વડાપ્રધાન નરેન્દ્ર મોદીના હસ્તે કરવામાં આવશે. હકીકતમાં ટીમ વડોદરા દ્વારા આયોજિત વિચાર ગોષ્ઠી કાર્યક્રમમાં શહેરના સાંસદ રંજનબેન ભટ્ટે આ મુદ્દે મોટી જાહેરાત કરી હતી.

ભાજપના સાંસદ રંજન ભટ્ટે જણાવ્યું હતું કે રેલ્વે મંત્રાલય નવી વંદે ભારત ટ્રેનની ઔપચારિક જાહેરાત કરવા તૈયાર છે જે વડોદરાને જામનગરના હાપાથી જોડશે.

રંજનબેને જણાવ્યું હતું કે, “લોકોએ ઈચ્છા વ્યક્ત કરી છે કે વડોદરાને વંદે ભારત ટ્રેનો મળે જે શહેરમાંથી નીકળે… મેં વિનંતી કરી હતી કે વડોદરાને જામનગરમાં હાપા અને કોટાને જોડતી બે વંદે ભારત ટ્રેનો હોવી જોઈએ. મને એ કહેતા ઘણો આનંદ થાય છે કે વંદે ભારત ઉદ્ઘાટનના આગામી તબક્કામાં, વડોદરા હાપાને જોડતી તેની પ્રથમ વંદે ભારત ટ્રેન મેળવવા માટે તૈયાર છે."

આપને જણાવી દઇએ કે વડોદરા-કોટા અને વડોદરા-હાપા રૂટ પર બે વંદે ભારત ટ્રેન તેમજ માત્ર રજાના દિવસોમાં દોડતી વડોદરા-હરિદ્વાર ટ્રેનને પુન: શરૂ કરવાની માંગણી છેલ્લા ઘણા દિવસોથી કરવામાં આવી રહી હતી.

આ પણ વાંચો - Reliance Jio: Netflix સબસ્ક્રિપ્શનનો મફતમાં આનંદ માણવા માંગો છો, Reliance Jioના આ પ્રીપેડ અને પોસ્ટપેડ પ્લાન કામમાં આવશે

સાથે વડોદરા રેલ્વે સ્ટેશનથી શરૂ થતા કોઈપણ શહેર માટે સીધી વંદે ભારત ટ્રેન સેવા નથી. કેન્દ્ર સરકારમાં એવું સૂચન કરવામાં આવ્યું હતુ કે વડોદરા-કોટા અને વડોદરા-હાપા રૂટ પર બે વંદે ભારત ટ્રેનો શરૂ કરવામાં આવે. જેના કારણે વડોદરા ઉપરાંત આસપાસના જિલ્લાના મુસાફરોને પણ રાહત મળી શકે છે. જ્યારે વડોદરા-હરિદ્વાર ટ્રેન રજાના દિવસોમાં જ દોડાવવામાં આવે છે. આથી આ ટ્રેન ફરી શરૂ કરવાની માંગ કરવામાં આવી છે. કારણ કે, હરિદ્વાર સહિત ચાર ધામોમાં યાત્રાળુઓની સંખ્યામાં વધારો થયો છે.