‘ચીને 20 વર્ષમાં જે કર્યું, ભારત 5 વર્ષમાં કરી શકે છે', AI અને રિસર્ચ વિશે કોણે કહી મોટી વાત?

ચીની કંપની ડીપસીકનું એઆઈ મોડેલ આખી દુનિયામાં ચર્ચાનો વિષય બની ગયું છે. સૌથી મોટી વાત એ છે કે આ કંપનીએ તેને ફક્ત 6 મિલિયન ડોલરમાં વિકસાવ્યું છે, જ્યારે અમેરિકન કંપનીઓ OpenAI અને ગુગલને તેમના એઆઈ ચેટબોટ્સ બનાવવા માટે ડીપસીકની તુલનામાં 10 ગણાથી વધુ ખર્ચ કરવો પડ્યો હતો. હવે આ સીરીઝમાં ભારતનું નામ પણ સામેલ થઈ ગયું છે. આ પ્રશ્ન ઉભો થઈ રહ્યો છે કે ભારત ટેકનોલોજી ક્ષેત્ર, ખાસ કરીને આર્ટિફિશિયલ ઇન્ટેલિજન્સ (AI)માં ગ્રોથ માટે શું કરી રહ્યું છે? બ્રોકરેજ સર્વિસ પ્લેટફોર્મ ઝેરોધાના સ્થાપક અને સીઈઓ નીતિન કામથે પણ આ બાબતમાં ઝંપલાવ્યું છે. તેમણે સોશિયલ મીડિયા પ્લેટફોર્મ X પર પ્રશ્ન ઉઠાવ્યો છે કે જ્યારે ચીન ટેકનોલોજીની દુનિયામાં ઝડપથી વિકાસ કરી રહ્યું છે તો ભારત પણ આવું કેમ ન કરી શકે? ભારત AI ટેકનોલોજીમાં કેમ આગળ નથી?

In the 1960s-1970s, India and China had roughly the same per capita GDP. They started their reforms in the 1980s, and by 1990, they had overtaken our per capita GDP. Say what you will about the differences in our worldviews and economic models, but their scientific and… pic.twitter.com/SSddVpEoOB

— Nithin Kamath (@Nithin0dha) January 29, 2025

ડીપસીક એક ચીની સ્ટાર્ટઅપ છે જેણે AI-આધારિત ચેટબોટ બનાવ્યું છે. તે OpenAI ના ChatGPT અને Googleના Gemini જેવું જ છે. ડીપસીક iOS એપ સ્ટોરમાં ટોચ પર પહોંચી ગયું છે. ઓપન-સોર્સ AI ક્ષેત્રમાં તેણે મેટા અને OpenAIને પાછળ છોડી દીધા છે. ડીપસીકે આ મોડેલ ફક્ત 6 મિલિયન ડોલરના ખર્ચે ડેવલપ કરવામાં આવ્યું છે.

આ પણ વાંચો -અઠવાડિયામાં માત્ર 4 દિવસ કામ... 3 દિવસ આરામ, 200 કંપનીઓએ અચાનક લીધો નિર્ણય!