3,000નો ફાસ્ટેગ એન્યુઅલ ટોલ પાસ: 200 ટ્રિપ પછી શું? જાણો નવી ટોલ ટેક્સ નીતિની સંપૂર્ણ વિગતો

FASTag Annual Toll Pass: ભારતના નેશનલ હાઈવે અને એક્સપ્રેસવે પર મુસાફરી કરવી હવે વધુ સરળ અને આર્થિક બનવા જઈ રહી છે. કેન્દ્ર સરકારના માર્ગ પરિવહન અને રાજમાર્ગ મંત્રાલયે નવી ટોલ નીતિ 2025 હેઠળ એન્યુઅલ ટોલ પાસ (ATP)ની જાહેરાત કરી હતી, જે 15 ઓગસ્ટ, 2025થી અમલમાં આવશે. આ પાસની કિંમત માત્ર રુપિયા 3,000 છે, જેની સાથે વાહનચાલકો એક વર્ષમાં 200 ટ્રિપ સુધી નેશનલ હાઈવે અને NHAI દ્વારા સંચાલિત એક્સપ્રેસવે પર ટોલ-ફ્રી મુસાફરી કરી શકશે. પરંતુ સૌથી મોટો સવાલ એ છે કે, જો 200 ટ્રિપ પૂર્ણ થઈ જાય તો શું થશે?

એન્યુઅલ ટોલ પાસ (ATP) શું છે?

એન્યુઅલ ટોલ પાસ એ એક ડિજિટલ પાસ છે, જે ફાસ્ટેગ સિસ્ટમ સાથે લિંક થયેલો હશે. આ પાસ ખાસ કરીને નોન-કોમર્શિયલ અને પ્રાઈવેટ વાહનો માટે રચાયેલ છે. આની મદદથી વાહનચાલકો નેશનલ હાઈવે અને NHAI દ્વારા સંચાલિત એક્સપ્રેસવે પર ટોલ પ્લાઝા પર રોકાયા વિના મુસાફરી કરી શકશે. આ પાસની માન્યતા એક વર્ષ અથવા 200 ટ્રિપ (જે પહેલું પૂર્ણ થાય) સુધીની હશે. એટલે કે, જો તમે રોજ નેશનલ હાઈવે પર મુસાફરી કરો છો, તો આ પાસ તમારા માટે ખૂબ જ ફાયદાકારક સાબિત થઈ શકે છે.

200 ટ્રિપ પછી શું થશે?

નવો ATP ખરીદવો: જો 200 ટ્રિપ પૂર્ણ થઈ જાય, તો વાહનચાલકે ફરીથી રુપિયા 3,000નો નવો એન્યુઅલ ટોલ પાસ ખરીદવો પડશે. આ પાસ પણ એક વર્ષ અથવા 200 ટ્રિપ માટે માન્ય રહેશે. NHAIએ સ્પષ્ટ કર્યું છે કે ATP ખરીદવાની કોઈ મર્યાદા નથી, એટલે કે વાહનચાલક ઈચ્છે તેટલા ATP ખરીદી શકે છે.

ફાસ્ટેગ દ્વારા ચુકવણી: જો વાહનચાલક નવો ATPન ખરીદવા માંગે, તો તે પોતાના ફાસ્ટેગ એકાઉન્ટ દ્વારા ટોલ ટેક્સની ચુકવણી કરી શકે છે. આ કિસ્સામાં, ટોલની રકમ સામાન્ય દર પ્રમાણે ફાસ્ટેગ એકાઉન્ટમાંથી આપોઆપ કપાઈ જશે.

આ નવી નીતિનો હેતુ વાહનચાલકોને ફેક્સિબ્લિટી આપવાનો છે, જેથી તેઓ પોતાની જરૂરિયાત પ્રમાણે ATP અથવા ફાસ્ટેગનો ઉપયોગ કરી શકે.

200 ટ્રિપથી ઓછું થાય તો શું?

જો કોઈ વાહનચાલક એક વર્ષમાં 200 ટ્રિપ પૂર્ણ ન કરે, તો બાકી રહેલી ટ્રિપની રકમ રિફંડ થશે નહીં. એટલે કે, ATPની માન્યતા એક વર્ષ પૂર્ણ થતાં સમાપ્ત થઈ જશે, અને બચેલી ટ્રિપની રકમ લેપ્સ થઈ જશે. આથી, આ પાસ તે લોકો માટે વધુ ફાયદાકારક છે, જેઓ નિયમિત રીતે નેશનલ હાઈવે પર મુસાફરી કરે છે. ઉદાહરણ તરીકે, જો તમે દિલ્હી-ચંદીગઢ (NH-44)ની મુસાફરી કરો છો, જ્યાં એક તરફની યાત્રામાં લગભગ રુપિયા 325નો ટોલ ખર્ચ થાય છે, તો ATP સાથે તમે 50 એક-તરફી યાત્રાઓ માત્ર રુપિયા 3,000માં કરી શકો છો, જે ખૂબ જ આર્થિક છે.

ATPના ફાયદા

સમયની બચત: ટોલ પ્લાઝા પર રોકાવાની જરૂર નથી, કારણ કે ATP ફાસ્ટેગ સાથે લિંક હશે, અને ચુકવણી ઓટોમેટિક થશે.

આર્થિક લાભ: રુપિયા 3,000ના એકમુશ્ત ચુકવણીથી 200 ટ્રિપ સુધી ટોલ-ફ્રી મુસાફરીનો લાભ મળશે, જે નિયમિત ટોલ ચુકવણીની તુલનામાં 50% સુધીની બચત કરાવી શકે છે.

સરળ પ્રક્રિયા: ATP ખરીદવા માટે NHAIની વેબસાઈટ, રાજમાર્ગ યાત્રા એપ અથવા ટોલ પ્લાઝા ઓફિસનો ઉપયોગ કરી શકાય છે. તેના માટે વાહનનું રજિસ્ટ્રેશન નંબર અને રજિસ્ટર્ડ મોબાઈલ નંબરની જરૂર પડશે.

ફેક્સિબ્લિટી: ATP ખરીદવું ફરજિયાત નથી. વાહનચાલકો પોતાની સુવિધા મુજબ ફાસ્ટેગનો ઉપયોગ ચાલુ રાખી શકે છે.

ATP કેવી રીતે ખરીદવું?

NHAIની ઓફિશિયલ વેબસાઈટ, રાજમાર્ગ યાત્રા એપ અથવા નજીકના ટોલ પ્લાઝા ઓફિસ પર જાઓ.

તમારા વાહનનો રજિસ્ટ્રેશન નંબર અને રજિસ્ટર્ડ મોબાઈલ નંબર દાખલ કરો.

સંબંધિત ટોલ પ્લાઝા પસંદ કરો.

UPI, ડેબિટ/ક્રેડિટ કાર્ડ અથવા નેટ બેન્કિંગ દ્વારા રુપિયા 3,000ની ચુકવણી કરો.

ચુકવણીના 24 કલાક બાદ તમારો ATP એક્ટિવેટ થઈ જશે અને ફાસ્ટેગ એકાઉન્ટ સાથે લિંક થઈ જશે.

શું બધા હાઈવે પર ATP લાગુ પડશે?

NHAIના જણાવ્યા અનુસાર, ATP ફક્ત નેશનલ હાઈવે અને NHAI દ્વારા સંચાલિત એક્સપ્રેસવે પર જ લાગુ પડશે. કેટલાક રાજ્યના હાઈવે અને ખાનગી એક્સપ્રેસવે પર આ પાસ માન્ય નહીં હોય. આથી, મુસાફરી પહેલાં ચોક્કસ રૂટ પર ATPની માન્યતા ચકાસી લેવી જરૂરી છે.

નવી એન્યુઅલ ટોલ પાસ યોજના 2025 નિયમિત હાઈવે મુસાફરો માટે એક ક્રાંતિકારી પગલું છે. રુપિયા 3,000ના એકમુશ્ત ચુકવણીથી 200 ટ્રિપ સુધી ટોલ-ફ્રી મુસાફરીનો લાભ લઈ શકાય છે, જે સમય અને નાણાં બંનેની બચત કરે છે. જો 200 ટ્રિપ પૂર્ણ થઈ જાય, તો વાહનચાલકો નવો ATP ખરીદી શકે છે અથવા ફાસ્ટેગનો ઉપયોગ કરી શકે છે. આ યોજના ખાસ કરીને નિયમિત મુસાફરો, જેમ કે વેપારીઓ, વિદ્યાર્થીઓ અને નોકરીયાત લોકો માટે ખૂબ જ ફાયદાકારક છે. વધુ માહિતી માટે NHAIની ઓફિશિયલ વેબસાઈટ અથવા રાજમાર્ગ યાત્રા એપની મુલાકાત લો.

આ પણ વાંચો- IPO Alert : Crizacના IPOએ ધૂમ મચાવી, 60 ગણો થયો સબ્સ્ક્રાઇબ, શું તમે ચૂકી ગયા?