Amazon Pay FD: હવે ઘરે બેઠા મેળવો 8% સુધીનું વ્યાજ, અમેઝોને ફરી શરૂ કરી શાનદાર સ્કીમ, જાણો વિગતો

Amazon Pay FD: જ્યારે પણ પૈસાની બચત કે રોકાણ કરવાની વાત આવે છે, ત્યારે ભારતીય લોકોનો સૌથી પહેલો ભરોસો ફિક્સ ડિપોઝિટ પર જ હોય છે. તેનું મુખ્ય કારણ એ છે કે તેમાં પૈસા ડૂબવાનું જોખમ નહિવત હોય છે અને વળતર પણ નક્કી હોય છે. સામાન્ય રીતે આપણે FD કરાવવા માટે બેંકો કે પોસ્ટ ઓફિસમાં જઈએ છીએ, પરંતુ હવે ટેકનોલોજીના જમાનામાં ઈ-કોમર્સ કંપની અમેઝોન પણ આ મેદાનમાં ઉતરી છે.

જી હા, દિગ્ગજ કંપની અમેઝોન હવે પોતાના ગ્રાહકોને FD કરવાની સુવિધા આપી રહી છે. જો તમે પણ સારા વ્યાજ દરની શોધમાં હોવ, તો અમેઝોન પેનો આ વિકલ્પ તમારા માટે ઉપયોગી સાબિત થઈ શકે છે. અહીં તમને બેંકોની જેમ જ આકર્ષક વળતર મળી રહ્યું છે.

અમેઝોન પે FD: ફરી શરૂ થઈ સુવિધા

તમારી જાણકારી માટે જણાવી દઈએ કે અમેઝોન દ્વારા FD સુવિધા શરૂ કરવામાં આવી હોય તેવું આ પહેલીવાર નથી. આ પહેલા વર્ષ 2021માં પણ કંપનીએ આ સર્વિસ શરૂ કરી હતી, પરંતુ કોઈ કારણસર તેને બંધ કરી દેવામાં આવી હતી. હવે ફરી એકવાર અમેઝોને નવી ઉર્જા સાથે આ સુવિધા લોન્ચ કરી છે. આ માટે અમેઝોને કેટલીક સ્મોલ ફાઇનાન્સ બેંકો અને NBFCs સાથે ભાગીદારી કરી છે, જેથી ગ્રાહકોને સુરક્ષિત અને સારું વળતર મળી શકે.

રોકાણકારો માટે સૌથી મહત્વની વાત વ્યાજ દર હોય છે. Amazon Pay FDમાં તમને અલગ-અલગ સમયગાળા માટે અલગ-અલગ વ્યાજ મળી રહ્યું છે. જેમાં મહત્તમ વ્યાજ દર 8% સુધીનો છે. વ્યાજ દરોનું ગણિત નીચે મુજબ છે:

1 વર્ષની FD માટે: 7.25% વ્યાજ

2 વર્ષની FD માટે: 7.5% વ્યાજ

5 વર્ષની FD માટે: 8% વ્યાજ

આમ, જો તમે લાંબા ગાળા માટે એટલે કે 5 વર્ષ માટે પૈસા રોકો છો, તો તમને સૌથી વધુ ફાયદો મળી શકે છે.

ઘરે બેઠા આ રીતે કરો Amazonમાં FD

અમેઝોનમાં FD કરવાનું સૌથી મોટું જમા પાસું એ છે કે તમારે બેંકના ધક્કા ખાવાની કે લાંબી લાઈનમાં ઉભા રહેવાની જરૂર નથી. તમે ઘરે બેઠા તમારા મોબાઈલથી જ મિનિટોમાં FD ઓપન કરી શકો છો. તેની પ્રોસેસ એકદમ સરળ છે:

* સૌથી પહેલા તમારા મોબાઈલમાં Amazon App ઓપન કરો.

* ત્યારબાદ મેનૂમાંથી Amazon Pay ના ઓપ્શન પર ક્લિક કરો.

* અહીં તમને ઘણા વિકલ્પો દેખાશે, તેમાંથી Fixed Deposit (FD) અથવા ઇન્વેસ્ટમેન્ટનો વિકલ્પ પસંદ કરો.

* હવે તમારે તમારી અંગત વિગતો (KYC) અને કેટલા રૂપિયાની FD કરવી છે તે માહિતી ભરવાની રહેશે.

* વિગતો ભર્યા બાદ પેમેન્ટ કરતાની સાથે જ તમારી FD બની જશે.

આમ, તમે ખૂબ જ સરળતાથી ડિજિટલ રીતે રોકાણ શરૂ કરી શકો છો અને તમારા પૈસા પર સારું વળતર મેળવી શકો છો.

આ પણ વાંચો-Gen Z Investors: યંગ ઈન્ડિયામાં SIP અને ડિજિટલ રોકાણનો ક્રેઝ, જાણો કેવી રીતે Gen Z બનાવી રહ્યા છે તેમનો ફ્યુચર પ્લાન