Income tax: શું તમે ભાડા પર ઘર આપીને કરો છો સારી એવી કમાણી? તો તમારા માટે આવ્યા છે ખુબ સારા સમાચાર

સામાન્ય બજેટમાં, કેન્દ્રની નરેન્દ્ર મોદી સરકારે મધ્યમ વર્ગ માટે ઘણી મોટી જાહેરાતો કરી છે. નવી ટેક્સ વ્યવસ્થા હેઠળ, ટેક્સપેયર્સને 12 લાખ રૂપિયા સુધીની આવક પર ટેક્સમાંથી મુક્તિ આપવામાં આવી છે. તે જ સમયે, ITR અપડેટ કરવાની અવધિ પણ લંબાવવામાં આવી છે. આ ઉપરાંત, સરકારે ભાડાની મિલકતમાંથી થતી આવક પર કર કપાતની મર્યાદા પણ વધારી દીધી છે. આનાથી તે લોકોને ફાયદો થશે જેઓ પોતાના ઘર ભાડે આપીને પૈસા કમાઈ રહ્યા છે.

શું થઈ ગઈ છે મર્યાદા?

ભાડાપટ્ટે લીધેલી મિલકતમાંથી થતી આવક પર મર્યાદા કપાતની મર્યાદા હાલના વાર્ષિક રુપિયા 2.4 લાખથી વધારીને રુપિયા 6 લાખ કરવામાં આવી છે. નાણાં પ્રધાન નિર્મલા સીતારમણે નાણાકીય વર્ષ 2025-26 માટે બજેટ રજૂ કરતી વખતે ભાડા પર TDS (સોર્સ પર કર કપાત)ની વાર્ષિક મર્યાદામાં વધારો કરવાની જાહેરાત કરી હતી. તેણીએ કહ્યું, હું કપાતના દર અને મર્યાદા ઘટાડીને TDS ને તર્કસંગત બનાવવાનો પ્રસ્તાવ મૂકું છું. આ સાથે, વધુ સ્પષ્ટતા અને એકરૂપતા માટે ટેક્સ કપાતની મર્યાદા રકમ પણ વધારવામાં આવશે.

તેમણે કહ્યું કે ભાડા પર ટીડીએસ માટે વાર્ષિક રુપિયા 2.40 લાખની મર્યાદા વધારીને રુપિયા 6 લાખ કરવામાં આવી રહી છે. આનાથી TDS માટે જવાબદાર ટ્રાન્જેક્શનની સંખ્યામાં ઘટાડો થશે, જેનાથી નાના ચુકવણી મેળવતા ટેક્સપેયર્સને ફાયદો થશે.

આવકવેરા કાયદાની કલમ 194-I મુજબ, જો કોઈ રહેવાસીની ભાડાની આવક નાણાકીય વર્ષમાં રુપિયા 2.4 લાખથી વધુ હોય, તો તેને ભાડા તરીકે કોઈપણ રકમ ચૂકવતી વખતે લાગુ દરે આવકવેરો કાપવો જરૂરી છે. જોકે, 2025-26ના બજેટમાં, ભાડાના રૂપમાં આવક માટે આ ટેક્સ કપાત લિમિટ વધારીને 50,000 રૂપિયા પ્રતિ માસ કરવાનો પ્રસ્તાવ મૂકવામાં આવ્યો છે. આ જોગવાઈ ફક્ત પર્સનલ ટેક્સપેયર્સ અથવા HUF ને જ લાગુ પડશે.

શું કહે છે નિષ્ણાતો?

ડેલોઇટ ઇન્ડિયાના નિષ્ણાત આરતી રાવતે કહ્યું - આનો અર્થ એ થશે કે જો જમીન કે મશીનરી વગેરે થોડા મહિના માટે ભાડે લેવામાં આવે અને ભાડું 50,000 રૂપિયાથી વધુ હોય, તો TDS કપાત જરૂરી રહેશે. CREDAI-MCHIના પ્રમુખ ડોમિનિક રોમેલે જણાવ્યું હતું કે ભાડા પર વાર્ષિક TDS મર્યાદા 6 લાખ રૂપિયા સુધી વધારવાથી નાના ટેક્સપેયર્સ અને મકાનમાલિકોને ઘણો ફાયદો થશે અને પાલનનો બોજ પણ ઓછો થશે.

આ પણ વાંચો - સંરક્ષણ મંત્રાલયે પિનાકા રોકેટ સિસ્ટમ માટે આ મોટી ડીલ પર કર્યા હસ્તાક્ષર, સેનાને બનાવાશે વધુ મજબૂત, જાણો વિગતો