Bank of India loan interest rate: રિઝર્વ બેંક ઓફ ઈન્ડિયા દ્વારા રેપો રેટ વધારવાની જાહેરાત થતા જ બેંકોએ ગ્રાહકોને ઝટકો આપવાનું શરૂ કરી દીધું છે. સરકારી બેંક, બેંક ઓફ ઈન્ડિયાએ સૌથી પહેલા પોતાની લોન મોંઘી કરવાની જાહેરાત કરી દીધી છે. 7 ઓક્ટોબરના રોજ કેન્દ્રીય બેંકે પોતાની મોનેટરી પોલિસીમાં રેપો રેટમાં 25 બેસિસ પોઈન્ટનો વધારો કર્યો હતો.
બેંક ઓફ ઈન્ડિયાએ લોન મોંઘી કરી: RBIના રેપો રેટ વધારા બાદ તરત જ લીધો નિર્ણય, જાણો કોની EMI વધશે?
રિઝર્વ બેંકે રેપો રેટમાં 25 બેસિસ પોઈન્ટનો વધારો કરતા જ બેંક ઓફ ઈન્ડિયાએ પોતાની લોન મોંઘી કરી છે. હોમ લોન અને કાર લોનની EMI પર શું અસર થશે? વાંચો લેટેસ્ટ ન્યૂઝ.
અપડેટેડ 06:41:52 PM Oct 07, 2026 પર
RBI દ્વારા રેપો રેટ 5.25 ટકાથી વધારીને 5.5 ટકા કરવામાં આવ્યો છે. નોંધનીય છે કે વર્ષ 2023 બાદ પહેલીવાર રેપો રેટમાં આટલો વધારો કરવામાં આવ્યો છે.
બેંક ઓફ ઈન્ડિયાએ વધાર્યા વ્યાજ દરો
RBI દ્વારા રેપો રેટ 5.25 ટકાથી વધારીને 5.5 ટકા કરવામાં આવ્યો છે. નોંધનીય છે કે વર્ષ 2023 બાદ પહેલીવાર રેપો રેટમાં આટલો વધારો કરવામાં આવ્યો છે. આરબીઆઈના આ નિર્ણયના દિવસે જ બેંક ઓફ ઈન્ડિયાએ પોતાના રેપો આધારિત લેન્ડિંગ રેટમાં 25 બેસિસ પોઈન્ટ (0.25 ટકા) નો વધારો કરી દીધો છે. આ નવા વ્યાજ દરો 7 ઓક્ટોબરથી જ અમલમાં આવી ગયા છે.
તહેવારો પહેલા હોમ લોન અને કાર લોન થશે મોંઘી
બેંકના આ નિર્ણયનો સીધો અર્થ એ છે કે, જે લોકોની લોન RBLR સાથે જોડાયેલી છે, તેમની હોમ લોન, કાર લોન અને અન્ય લોન હવે મોંઘી થઈ જશે. તહેવારોની સિઝન પહેલા ગ્રાહકો માટે આ એક મોટો ફટકો માનવામાં આવી રહ્યો છે.
આ વ્યાજ દર વધારાની અસર જુના અને નવા બંને ગ્રાહકો પર પડશે. જે ગ્રાહકો પહેલેથી જ હોમ લોન લઈ ચૂક્યા છે તેમની EMI વધી જશે. જ્યારે કોઈ નવો ગ્રાહક લોન લેવા જશે, તો તેને હવે પહેલા કરતા વધુ વ્યાજ ચૂકવવું પડશે.
અન્ય બેંકો પણ ટૂંક સમયમાં લઈ શકે છે નિર્ણય
આજકાલ બેંકોએ પોતાની લોનના વ્યાજ દરો નક્કી કરવા માટે તેને કોઈ બાહ્ય બેન્ચમાર્ક (જેમ કે રેપો રેટ) સાથે લિંક કરવા પડે છે. બેંક ઓફ ઈન્ડિયા સરકારી બેંક છે અને તેણે શરૂઆત કરી દીધી છે. હવે એવું માનવામાં આવી રહ્યું છે કે ટૂંક સમયમાં જ અન્ય સરકારી અને ખાનગી બેંકો પણ પોતાની લોનના વ્યાજ દરોમાં વધારો કરવાની જાહેરાત કરી શકે છે.
RBI એ મોંઘવારી ઘટાડવા માટે લીધું પગલું
આરબીઆઈએ મોંઘવારીને કાબૂમાં લેવા માટે જ રેપો રેટ વધારવાનો આકરો નિર્ણય લીધો છે. RBI ની મોનેટરી પોલિસી કમિટીના તમામ 6 સભ્યોએ રેપો રેટ વધારવાના પ્રસ્તાવને મંજૂરી આપી હતી. તમને જણાવી દઈએ કે ઓગસ્ટ મહિનામાં રિટેલ મોંઘવારી દર 4.82 ટકા પર પહોંચી ગયો હતો.
વૈશ્વિક સ્તરે પણ મોંઘવારીનો માર
છેલ્લા ઘણા મહિનાઓથી દેશમાં મોંઘવારી સતત વધી રહી છે. જેનું સૌથી મોટું કારણ કાચા તેલની આસમાને પહોંચેલી કિંમતો છે. માત્ર ભારત જ નહીં, અમેરિકા સહિત આખી દુનિયામાં મોંઘવારી માથું ઊંચકી રહી છે. સપ્ટેમ્બર મહિનામાં જ અમેરિકન સેન્ટ્રલ બેંક 'ફેડરલ રિઝર્વ' એ પણ મોંઘવારી કંટ્રોલ કરવા માટે પોતાના વ્યાજ દરોમાં 25 બેસિસ પોઈન્ટનો વધારો કર્યો હતો.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
