મોંઘવારીનો મોટો ઝટકો: 1 મેથી કોમર્શિયલ ગેસ સિલિન્ડરના ભાવમાં તોતિંગ વધારો, જાણો હવે એક સિલિન્ડર માટે કેટલા રૂપિયા ચૂકવવા પડશે

Commercial Gas Cylinder Price Hike: દર મહિનાની પહેલી તારીખે ગેસની કિંમતોમાં ફેરફાર થતો હોય છે. આજે 1 મે ના રોજ સરકારી તેલ કંપનીઓએ ગેસના નવા ભાવ જાહેર કર્યા છે. આ વખતે ઘરેલુ ગેસ સિલિન્ડર (14.2 kg) વાપરતા લોકો માટે રાહતના સમાચાર છે કારણ કે તેના ભાવમાં કોઈ ફેરફાર કરવામાં આવ્યો નથી. દિલ્હીમાં તે 913ના જૂના ભાવે જ મળી રહ્યો છે. જોકે, બીજી તરફ કોમર્શિયલ ગેસ સિલિન્ડર (19 kg) વાપરતા લોકો માટે આજનો દિવસ મોંઘવારીનો મોટો ઝટકો લઈને આવ્યો છે.

કોમર્શિયલ ગેસ સિલિન્ડરના ભાવમાં સીધો 993નો વધારો

દિલ્હીમાં જે 19 કિલોનો કોમર્શિયલ સિલિન્ડર પહેલા 2078.50માં મળતો હતો, તેની કિંમત હવે વધીને 3071.50 થઈ ગઈ છે. એટલે કે ગ્રાહકોએ હવે એક સિલિન્ડર દીઠ 993 વધુ ચૂકવવા પડશે. આ વધારો વેપારીઓ અને રેસ્ટોરન્ટ માલિકો માટે ખૂબ જ મોટો ગણી શકાય.

જાણો તમારા શહેરમાં લેટેસ્ટ ભાવ (19 kg સિલિન્ડર):

(સોર્સ: ઇન્ડિયન ગેસ પોર્ટલ)

સામાન્ય માણસ પર કેવી રીતે પડશે અસર?

ઘણા લોકોને લાગતું હશે કે ઘરેલુ ગેસના ભાવ નથી વધ્યા તો આપણને શું ફરક પડશે? પરંતુ આ વધારો તમારી જેબ પર પરોક્ષ રીતે (Indirectly) મોટી અસર કરશે:

બહાર જમવું મોંઘું થશે: રેસ્ટોરન્ટ, ઢાબા અને સ્ટ્રીટ ફૂડની લારીઓ પર કોમર્શિયલ ગેસનો જ ઉપયોગ થાય છે. ગેસ મોંઘો થતા હોટલ માલિકો ખાવાની વાનગીઓના ભાવ વધારી શકે છે.

ટિફિન સર્વિસ: જે લોકો ઘરથી દૂર રહીને ટિફિન સર્વિસ પર નિર્ભર છે, તેમના માસિક બિલમાં પણ વધારો જોવા મળી શકે છે.

રોજગાર પર અસર: જો નાના વેપારીઓ આ વધારાનો બોજ સહન ન કરી શકે, તો તેઓ ખર્ચ ઘટાડવા માટે કર્મચારીઓની સંખ્યામાં ઘટાડો કરી શકે છે, જેની સીધી અસર રોજગારી પર પડી શકે છે.

ભલે સરકારે સામાન્ય ઘરોમાં વપરાતા રાંધણ ગેસના ભાવ સ્થિર રાખ્યા હોય, પરંતુ કોમર્શિયલ ગેસમાં થયેલો આ તોતિંગ વધારો મોંઘવારીમાં તેલ હોમવાનું કામ કરશે. હોટલ અને રેસ્ટોરન્ટના બિલો વધવાથી અંતે તો સામાન્ય જનતાએ જ વધુ કિંમત ચૂકવવી પડશે.

આ પણ વાંચો- Market outlook : ઘટા઼ડા સાથે બજાર બંધ, નિફ્ટી 24000ની નીચે સરક્યું, જાણો 4 મેના રોજ કેવી રહેશે માર્કેટની ચાલ