Gold Return: સરકારી ગોલ્ડ સ્કીમે રોકાણકારોને કર્યા માલામાલ, 1 લાખનું રોકાણ બની ગયું 3.33 લાખ

Gold Return : જો તમે 5 વર્ષ પહેલાં સરકારની સોવરેન ગોલ્ડ બોન્ડ સ્કીમમાં પૈસા રોક્યા હતા, તો સમજો કે તમારી લૉટરી લાગી ગઈ છે. રિઝર્વ બેંક ઓફ ઇન્ડિયાએ તાજેતરમાં SGB 2020-21 Series XII ના પ્રી-મેચ્યોર રિડેમ્પશન માટે 15,355 પ્રતિ ગ્રામની કિંમત નક્કી કરી દીધી છે.

આ બોન્ડ 9 માર્ચ 2021 ના રોજ લોન્ચ કરવામાં આવ્યો હતો. જે રોકાણકારોએ તે સમયે આ સ્કીમમાં 1 લાખ રોક્યા હતા, તેમના પૈસા આજે વધીને 3.33 લાખ થઈ ગયા છે. એટલે કે માત્ર 5 વર્ષમાં રોકાણકારોને 232% થી વધુનું બમ્પર રિટર્ન મળ્યું છે.

1 લાખનું રોકાણ 3.33 લાખ કેવી રીતે બન્યું? સમજો ગણતરી

માર્ચ 2021 માં જ્યારે આ સિરીઝ બહાર પડી હતી, ત્યારે ઓનલાઈન ખરીદી કરનારાઓને પ્રતિ ગ્રામ 50 નું વિશેષ ડિસ્કાઉન્ટ મળ્યું હતું. ચાલો બંને રીતે ખરીદી કરનારાઓનો હિસાબ સમજીએ,,

ઇશ્યૂ પ્રાઇસ (ખરીદ કિંમત): 4,612 પ્રતિ ગ્રામ

રિડેમ્પશન પ્રાઇસ (આજની કિંમત): 15,355 પ્રતિ ગ્રામ

પ્રતિ ગ્રામ ચોખ્ખો નફો: 10,743

કુલ રિટર્ન: 232.94% (3.33 ગણો નફો)

ગણતરી: તે સમયે 1 લાખમાં તમને આશરે 21.68 ગ્રામ સોનું મળ્યું હતું. 9 સપ્ટેમ્બર 2026 ના 15,355 પ્રતિ ગ્રામના ભાવ મુજબ, તમારી તે જ હોલ્ડિંગની કિંમત હવે 3.33 લાખ થઈ ગઈ છે.

ઓફલાઈન ખરીદી કરનારાઓ માટે

ઇશ્યૂ પ્રાઇસ: 4,662 પ્રતિ ગ્રામ

ગણતરી: ઓફલાઈન ખરીદાયેલા 1 લાખના બોન્ડની વેલ્યૂ આજે વધીને 3.29 લાખ થઈ ચૂકી છે.

2.5% ફિક્સ્ડ વ્યાજનો ડબલ ફાયદો

ઉપર જણાવેલ 3.33 લાખનો આંકડો તો માત્ર સોનાના ભાવ વધવાને કારણે મળેલું રિટર્ન છે. આ સ્કીમનો સૌથી મોટો ફાયદો એ છે કે સરકાર તમારા મૂળ રોકાણ પર દર વર્ષે 2.5%નું ફિક્સ્ડ વ્યાજ આપે છે. આ વ્યાજ દર 6 મહિને સીધું તમારા બેંક ખાતામાં જમા થાય છે. એટલે કે, રોકાણકારોને 5 વર્ષ સુધી 232% નો નફો તો મળ્યો જ, પણ સાથે દર 6 મહિને વ્યાજની કમાણી પણ અલગથી થઈ.

15,355 નો ભાવ કેવી રીતે નક્કી થયો?

RBIના નિયમો અનુસાર, રિડેમ્પશન પ્રાઇસ નક્કી કરવા માટે રિડેમ્પશનની તારીખથી બરાબર પહેલાંના 3 વર્કિંગ દિવસો (4, 7 અને 8 સપ્ટેમ્બર 2026) દરમિયાન ઇન્ડિયા બુલિયન એન્ડ જ્વેલર્સ એસોસિએશન દ્વારા જાહેર કરાયેલા 999 શુદ્ધતા સોનાના ક્લોઝિંગ પ્રાઇસની સરેરાશ કાઢવામાં આવી છે. તેના આધારે જ આ રકમ નક્કી થઈ છે.

શું તમે પણ તમારા પૈસા ઉપાડી શકો છો?

સામાન્ય રીતે સોવરેન ગોલ્ડ બોન્ડનો કુલ સમયગાળો 8 વર્ષનો હોય છે. પરંતુ, 5 વર્ષ પૂરા થયા પછી RBI રોકાણકારોને પ્રી-મેચ્યોર એક્ઝિટની સુવિધા આપે છે. 9 માર્ચ 2021 ના રોજ જારી કરાયેલ આ Series XII માટે RBI એ 9 સપ્ટેમ્બર 2026 ની રિડેમ્પશન તારીખ નક્કી કરી છે.

ખાસ નોંધ

આ 15,355નો ભાવ માત્ર SGB 2020-21 Series XII માટે જ લાગુ પડે છે. જો તમારી પાસે અન્ય કોઈ સિરીઝના બોન્ડ છે, તો તેની ઇશ્યૂ તારીખ અને સિરીઝ ચેક કર્યા પછી જ તમારો ક્લેમ કરવો.

ડિસ્ક્લેમર: આ માહિતી માત્ર જાણકારીના હેતુથી આપવામાં આવી છે. અહીં જણાવવું જરૂરી છે કે શેરબજારમાં રોકાણ એ બજારના જોખમોને આધીન છે. રોકાણકારોએ કોઈપણ જગ્યાએ નાણાં રોકતા પહેલા હંમેશા નિષ્ણાતની સલાહ લેવી જોઈએ. મનીકંટ્રોલ દ્વારા ક્યારેય પણ કોઈને રોકાણ કરવાની સલાહ આપવામાં આવતી નથી.

આ પણ વાંચો-IPO News: શેરબજારમાં એકસાથે 6 મેનબોર્ડ IPO ખુલ્યા, જાણો કોનું GMP છે સૌથી હાઈ અને ક્યાં છે કમાણીની તક!