સામાન્ય જનતાને સરકારની દિવાળી ભેટ...આવતીકાલથી સસ્તા લોટ, ચોખા, દાળનું શરૂ થશે વેચાણ, જુઓ ભાવ

તહેવારોની સિઝનમાં ખાદ્ય ચીજવસ્તુઓના ઉંચા ભાવથી સામાન્ય માણસને ભારે મુશ્કેલી પડી રહી છે. આવી સ્થિતિમાં કેન્દ્ર સરકારે સામાન્ય લોકોને મોંઘવારીમાંથી રાહત આપતા મોટી જાહેરાત કરી છે. સરકારે જાહેરાત કરી છે કે દિવાળી પહેલા સામાન્ય લોકોને લોટ, ચોખા અને દાળ સસ્તા ભાવે ઉપલબ્ધ કરાવવામાં આવશે. સરકારના જણાવ્યા અનુસાર, ભારત બ્રાન્ડ યોજનાનો બીજો તબક્કો બુધવાર, 23 ઓક્ટોબરથી શરૂ થઈ રહ્યો છે. તમને જણાવી દઈએ કે વડાપ્રધાન નરેન્દ્ર મોદીના નેતૃત્વવાળી સરકારે ગયા વર્ષે આ યોજના શરૂ કરી હતી.

વેચાણ સૌપ્રથમ દિલ્હી, મહારાષ્ટ્ર, રાજસ્થાન અને ગુજરાતમાં થશે શરૂ

સરકારે નક્કી કર્યા લોટ, ચોખા અને દાળના ભાવ

અહેવાલ મુજબ, NCCF સિવાય, નાફેડ અને કેન્દ્રીય ભંડાર દ્વારા પણ સસ્તો લોટ, ચોખા અને દાળનું વેચાણ કરવામાં આવશે. આ સાથે સરકાર આ ખાદ્ય ચીજોના વેચાણ માટે ઈ-કોમર્સ પ્લેટફોર્મ અને રિટેલર્સ સાથે પણ વાતચીત કરી રહી છે. રિપોર્ટ્સ કહે છે કે ભારત બ્રાન્ડના બીજા તબક્કામાં સરકારે 10 કિલો લોટના પેકેટ માટે 300 રૂપિયા, 10 કિલો ચોખાના પેકેટ માટે 340 રૂપિયા, 1 કિલો ચણાની દાળ માટે 70 રૂપિયા, 1 કિલો મગની દાળ માટે 93 રૂપિયાની જાહેરાત કરી છે એક કિલો મસૂર દાળની કિંમત 89 રૂપિયા નક્કી કરવામાં આવી છે.

આ પણ વાંચો-INS Aridman: ભારતીય નૌકાદળની વધી તાકાત, ભારતે લોન્ચ કરી પોતાની ચોથી ન્યુક્લિયર સબમરીન, જાણો તેની ખાસિયત