Home Loan Eligibility: 70,000 પગાર હોય તો કેટલી મળે Home Loan? જાણો 20 વર્ષ માટે EMI અને વ્યાજનું આખું ગણિત

Home Loan Eligibility: પોતાનું ઘર હોવું એ દરેક વ્યક્તિનું સપનું હોય છે. જો તમારી માસિક આવક એટલે કે સેલેરી 70,000 છે અને તમે ઘર ખરીદવાનું વિચારી રહ્યા છો, તો મનમાં સૌથી પહેલો સવાલ એ જ આવે કે બેંક મને વધારેમાં વધારે કેટલી લોન આપશે?

કોઈપણ બેંક તમને કેટલી લોન આપશે તેનો આધાર તમારી આવક, હાલના ખર્ચાઓ, વ્યાજ દર અને તમે કેટલા વર્ષ માટે લોન લો છો તેના પર રહેલો છે. જો તમે 20 વર્ષ માટે લોન લેવા માંગતા હો, તો તમારી EMI કેટલી આવશે અને બેંક કેટલા રૂપિયા મંજૂર કરશે, ચાલો આ ગણિતને એકદમ સરળ ભાષામાં સમજીએ.

સૌથી સસ્તી હોમ લોન કઈ રીતે મળે?

જ્યારે પણ આપણે હોમ લોનની વાત કરીએ છીએ ત્યારે સૌથી મહત્વની બાબત વ્યાજ દર હોય છે. બેંક જે શરૂઆતી વ્યાજ દરે લોન આપે છે તે સૌથી સસ્તી માનવામાં આવે છે. ઉદાહરણ તરીકે, અત્યારના સમયમાં બેંક ઓફ ઈન્ડિયા (Bank of India) અને બેંક ઓફ મહારાષ્ટ્ર (Bank of Maharashtra) જેવી બેંકો 7.10 ટકાના શરૂઆતી વ્યાજ દરે હોમ લોન ઓફર કરી રહી છે.

70,000 પગાર પર ગણતરી: કેટલી લોન અને કેટલી EMI?

હવે મુખ્ય વાત પર આવીએ. જો તમારી મંથલી સેલેરી 70,000 છે અને તમારા માથે બીજી કોઈ જૂની લોન કે EMI ચાલુ નથી, તો તમને લોન મળવામાં ઘણી સરળતા રહે છે. બેંક ઓફ ઈન્ડિયાના હોમ લોન એલિજિબિલિટી કેલ્ક્યુલેટર મુજબની ગણતરી નીચે મુજબ છે:

* પગાર: 70,000 પ્રતિ માસ

* વ્યાજ દર: 7.10% (અંદાજિત)

* લોનનો સમયગાળો: 20 વર્ષ

આ સ્થિતિમાં બેંક તમને મહત્તમ 50,40,000 એક અંદાજે 50 લાખ સુધીની હોમ લોન આપી શકે છે.

તમારા ખિસ્સા પર કેટલો બોજ પડશે?

જો તમે 50.40 લાખની લોન 20 વર્ષ માટે લો છો, તો તમારી માસિક EMI 39,378 બનશે. અહીં વ્યાજનું ગણિત સમજવા જેવું છે. 20 વર્ષના અંતે તમે બેંકને મુદ્દલ રકમ ઉપરાંત 44,10,760તો ફક્ત વ્યાજ તરીકે ચૂકવશો. એટલે કે, લોન પૂરી થશે ત્યારે તમે બેંકને કુલ 94,50,760 ચૂકવ્યા હશે.

જો મુદત ઘટાડીએ તો શું થાય?

જો તમે આ જ પગાર પર 20 વર્ષને બદલે 15 વર્ષ માટે લોન લેવાનું વિચારો છો, તો લોનની રકમ થોડી ઘટી જશે. 15 વર્ષની મુદત માટે બેંક તમને મહત્તમ 46,43,818 સુધીની લોન આપી શકે છે. મુદત ઓછી હોવાથી તમારી EMI થોડી વધી શકે છે, પરંતુ કુલ વ્યાજમાં મોટો ફાયદો થઈ શકે છે. આમ, હોમ લોન લેતા પહેલા તમારી આવક અને જાવકનો પૂરો હિસાબ કરીને જ લોનની મુદત પસંદ કરવી હિતાવહ છે.

આ પણ વાંચો - ગજબ! કોલકાતાના EV રાઈડર્સ હોર્ન વગાડવામાં નંબર 1, તો બ્રેક મારવામાં આ શહેર સૌથી આગળ, જાણો રસપ્રદ રિપોર્ટ