રેલવેની નવી RailOne એપ લોન્ચ: એક જ જગ્યાએ રિઝર્વ, અનરિઝર્વ અને પ્લેટફોર્મ ટિકિટ સાથે અનેક સુવિધાઓ!

RailOne app: શું તમે રેલવેની તમામ સેવાઓ એક જ એપમાં મેળવવા માંગો છો? ભારતીય રેલવેની નવી RailOne મોબાઇલ એપ હવે લોન્ચ થઈ ગઇ છે, જે રેલ યાત્રીઓ માટે વન-સ્ટોપ સોલ્યુશન છે. આ એપમાં તમે રિઝર્વ ટિકિટ, અનરિઝર્વ ટિકિટ, પ્લેટફોર્મ ટિકિટ બુક કરી શકો છો અને સાથે ઘણી બધી અદ્ભુત સુવિધાઓનો લાભ લઈ શકો છો. આ એપ IRCTC Rail Connect અને UTS એપની જગ્યા લે છે, એટલું જ નહીં, તેમાં એવી ઘણી ફીચર્સ છે જે આ બંને એપમાં ઉપલબ્ધ નથી.

RailOne એપનું લોન્ચિંગ

દિલ્હીમાં રેલવે સૂચના પ્રણાલી કેન્દ્ર (CRIS)ના 40મા સ્થાપના દિવસે, રેલવે મંત્રી અશ્વિની વૈષ્ણવ દ્વારા RailOne એપનું ઉદ્ઘાટન કરવામાં આવ્યું. આ એપ રેલ યાત્રીઓની સુવિધા માટે ડિઝાઇન કરવામાં આવ્યું છે, જે એક જ પ્લેટફોર્મ પર રેલવેની તમામ સેવાઓ પૂરી પાડે છે.

RailOne એપની ખાસ સુવિધાઓ

ટ્રેન સર્ચ: કોઈપણ ટ્રેનની માહિતી શોધો.

PNR સ્ટેટસ: તમારી ટિકિટનું PNR સ્ટેટસ ચેક કરો.

કોચ પોઝિશન: ટ્રેનના કોચની પોઝિશન જાણો.

લાઇવ ટ્રેકિંગ: ટ્રેનનું લાઇવ લોકેશન ટ્રેક કરો.

ફૂડ ઓર્ડર: ટ્રેનમાં તમારી સીટ પર ખાદ્યપદાર્થોનો ઓર્ડર આપો.

ફીડબેક: તમારા યાત્રાના અનુભવનો ફીડબેક આપો.

રિફંડ: ટિકિટનું રિફંડ ફાઇલ કરો.

રેલ મદદ: સમસ્યાઓની ફરિયાદ કે મદદ માટે સંપર્ક કરો.

આ એપની સૌથી મોટી ખાસિયત એ છે કે તે IRCTC Rail Connect અને UTS એપની તમામ સુવિધાઓને એક જ જગ્યાએ સમાવે છે અને તેનાથી પણ વધુ ફીચર્સ પ્રોવાઇડ કરે છે.

RailOne એપ ક્યાંથી ડાઉનલોડ કરવી?

RailOne એપ એન્ડ્રોઇડ અને iOS બંને પ્લેટફોર્મના એપ સ્ટોર પર ઉપલબ્ધ છે. તમે તેને ડાઉનલોડ કરીને તમારા IRCTC અથવા UTS એકાઉન્ટની ID અને પાસવર્ડ વડે રજિસ્ટર કરી શકો છો. આ એપનું ઇન્ટરફેસ આકર્ષક, નવું અને યૂઝર-ફ્રેન્ડલી છે. હાલમાં આ એપ હિન્દી અને અંગ્રેજી બે ભાષાઓમાં ઉપલબ્ધ છે. જો તમે રેલ યાત્રા કરો છો, તો RailOne એપ તમારા માટે એક આદર્શ પસંદગી છે.

આ પણ વાંચો- હીરો વિડા VX2 લૉન્ચ: 60 હજારથી ઓછી કિંમત, 142 કિમી રેન્જ સાથે સૌથી સસ્તું ઇલેક્ટ્રિક સ્કૂટર