1 ઓક્ટોબરથી સ્પીડ પોસ્ટનો વધશે ખર્ચ! નવી સુવિધાઓ સાથે પોસ્ટ વિભાગનો મોટો નિર્ણય

Speed Post: ભારતના પોસ્ટ વિભાગે (Department of Posts) સ્પીડ પોસ્ટ સેવાના ચાર્જમાં મોટો ફેરફાર કર્યો છે, જે 1 અક્ટોબર 2025થી લાગુ થશે. કેટલીક જગ્યાએ ચાર્જમાં ઘટાડો કરવામાં આવ્યો છે, જ્યારે મોટા ભાગના સ્થળો માટે ચાર્જમાં વધારો થશે. આ સાથે, પોસ્ટ વિભાગે ગ્રાહકોની સુવિધા માટે OTP આધારિત ડિલિવરી, રિયલ ટાઈમ ટ્રેકિંગ અને ઓનલાઈન બુકિંગ જેવી નવી સેવાઓ પણ શરૂ કરી છે.

નવી સુવિધાઓ શું છે?

OTP આધારિત ડિલિવરી: ડિલિવરી સ્ટાફ સાથે શેર કરેલ OTP (One-Time Password) ચકાસાયા બાદ જ પાર્સલ આપવામાં આવશે. આ સેવા માટે પ્રતિ આઈટમ 5 રૂપિયા અને GST ચૂકવવો પડશે.

ઓનલાઈન બુકિંગ અને પેમેન્ટ: હવે ગ્રાહકો ઓનલાઈન બુકિંગ અને ચુકવણીની સુવિધાનો લાભ લઈ શકશે.

રિયલ ટાઈમ ટ્રેકિંગ: ગ્રાહકોને તેમના પાર્સલની રિયલ ટાઈમ ડિલિવરીની માહિતી મળશે.

SMS નોટિફિકેશન: ડિલિવરીની અપડેટ્સ SMS દ્વારા મોકલવામાં આવશે.

રજિસ્ટ્રેશનની સુવિધા: નવા યુઝર્સ માટે રજિસ્ટ્રેશનની સરળ પ્રક્રિયા શરૂ થશે.

ચાર્જમાં ફેરફારનું કારણ

સંચાર મંત્રાલયના જણાવ્યા અનુસાર, સ્પીડ પોસ્ટના ચાર્જમાં આખરી ફેરફાર ઓક્ટોબર 2012માં કરવામાં આવ્યો હતો. વધતા ઓપરેશનલ ખર્ચ, સેવાઓમાં સુધારો અને નવીનતામાં રોકાણને પહોંચી વળવા માટે આ નિર્ણય લેવામાં આવ્યો છે. પોસ્ટ વિભાગનો ઉદ્દેશ્ય દેશની સૌથી વિશ્વસનીય અને પસંદગીની ડિલિવરી સેવા બનવાનો છે.

કોને મળશે ડિસ્કાઉન્ટ?

વિદ્યાર્થીઓ: સ્પીડ પોસ્ટના ચાર્જ પર 10% ડિસ્કાઉન્ટ મળશે.

થોક ગ્રાહકો: નવા થોક ગ્રાહકોને 5%નું ખાસ ડિસ્કાઉન્ટ આપવામાં આવશે.

રજિસ્ટર્ડ પોસ્ટનું શું થયું?

પોસ્ટ વિભાગે રજિસ્ટર્ડ પોસ્ટ સેવાને બંધ કરી દીધી છે અને તેને સ્પીડ પોસ્ટમાં સામેલ કરી દેવામાં આવી છે. આ નિર્ણય ગ્રાહકોને વધુ સારી અને ઝડપી સેવા આપવા માટે લેવામાં આવ્યો છે. આ નવા ફેરફારો ગ્રાહકોને વધુ સુરક્ષિત, ઝડપી અને વિશ્વસનીય ડિલિવરી સેવા પૂરી પાડશે.

આ પણ વાંચો-Arattai એપ: સ્વદેશી વોટ્સએપની નવી લહેર, સોશિયલ મીડિયા પર કેમ મચી રહ્યો છે હલ્લો?