કિસાન ક્રેડિટ કાર્ડ શું છે, કેટલી લોન ઉપલબ્ધ છે અને લાભ કેવી રીતે મેળવવો? જાણો તમામ વિગતો

કિસાન ક્રેડિટ કાર્ડ અથવા KCC ખેડૂતોમાં સૌથી વધુ પોપ્યુલર યોજનાઓ પૈકીની એક છે. KCC યોજના વર્ષ 1998 માં ખેડૂતો માટે લોન પ્રોસેસને સરળ બનાવવાના ઉદ્દેશ્ય સાથે રજૂ કરવામાં આવી હતી. જેમાં ખેડૂતોને કૃષિ હેતુ માટે લોન આપવામાં આવે છે. આ યોજનામાં, ખેડૂતોને 4%ના ખૂબ જ પોસાય તેવા વ્યાજ દરે લોન આપવામાં આવે છે. આ યોજનામાં અરજદારની લઘુત્તમ વય 18 વર્ષ છે અને તેની કોઈ મહત્તમ વય મર્યાદા નથી. આ યોજના હેઠળ મહત્તમ 3 લાખ રૂપિયા સુધીની લોન લઈ શકાય છે. લોનની મહત્તમ મુદત 5 વર્ષ છે. કિસાન ક્રેડિટ કાર્ડની વેલિડિટી પણ 5 વર્ષની છે.

અગાઉ KCC લોનમાં રુપિયા 1.60 લાખથી વધુની લોન માટે ગેરંટી જરૂરી હતી. હવે તાજેતરમાં RBI એ ગેરંટી ફ્રી લોનની મર્યાદા વધારીને 2 લાખ રૂપિયા કરી છે. એટલે કે તમને કોઈપણ ગેરંટી વગર 2 લાખ રૂપિયા સુધીની લોન મળશે.

KCC લોન માટે કેવી રીતે અરજી કરવી?

સ્ટેપ 1. તમે જે બેન્કમાંથી કિસાન ક્રેડિટ કાર્ડ યોજના માટે અરજી કરવા માંગો છો તેની વેબસાઇટ પર જાઓ.

સ્ટેપ 3. હવે અરજી પર ક્લિક કરવાથી વેબસાઇટ તમને એપ્લિકેશન પેજ પર લઈ જશે.

સ્ટેપ 4. જરૂરી વિગતો સાથે ફોર્મ ભરો અને સબમિટ પર ક્લિક કરો.

સ્ટેપ 5. હવે તમને એપ્લિકેશન સંદર્ભ નંબર મળશે. જો તમે સ્કીમ માટે પાત્ર છો, તો બેન્ક 3 થી 4 કામકાજના દિવસોમાં તમારો સંપર્ક કરશે.

આ ડોક્યુમેન્ટ જરૂરી

1. અરજીપત્રક

2. પાસપોર્ટ સાઇઝના બે ફોટોગ્રાફ્સ

3.આઈડી પ્રૂફ જેમ કે- ડ્રાઈવિંગ લાયસન્સ/આધાર કાર્ડ/મતદાર આઈડી કાર્ડ/પાસપોર્ટ

4. સરનામાનો પુરાવો જેમ કે- ડ્રાઇવિંગ લાઇસન્સ, આધાર કાર્ડ

5. મહેસૂલ સત્તાવાળાઓ દ્વારા યોગ્ય રીતે પ્રમાણિત જમીનનો પુરાવો

6. પાકની પેટર્ન (ઉગાડવામાં આવેલ પાક)

7. 2 લાખથી વધુની લોન માટે સુરક્ષા ડોક્યુમેન્ટ

આ પણ વાંચો - Year Ender 2024: આખું વર્ષ ચૂંટણીના નામે રહ્યું, લોકસભામાં NDAનો દબદબો, વિધાનસભામાં ડ્રો