Budget 2024-25: બજેટ 2024 પછી તમારી ટેક હોમ સેલરી વધવાની શક્યતા, જાણો શા માટે?

Budget 2024-25:  સામાન્ય બજેટ 2024માં આવકવેરાના સ્લેબમાં ફેરફારની શક્યતા છે. આ સાથે, કરદાતાઓ વધુ ટેક-હોમ પગાર મેળવી શકશે. સામાન્ય રીતે બજેટ નાણાકીય વર્ષની શરૂઆત પહેલા રજૂ કરવામાં આવે છે. આ ટેક્સપેયર્સ અને કંપનીઓને ટેક્સ આયોજનમાં મદદ કરે છે. પરંતુ, આ વખતે ચૂંટણીનું વર્ષ હોવાથી બજેટ નાણાકીય વર્ષ 2024-25ના મધ્યમાં રજૂ કરવામાં આવશે. આવી સ્થિતિમાં, સવાલ એ ઊભો થાય છે કે આવકવેરાના સ્લેબમાં ફેરફાર 1 એપ્રિલ, 2024થી લાગુ થશે કે અન્ય કોઈ તારીખથી? શું ફેરફારો પછી કર્મચારીઓને ફરીથી ટેક્સ સિસ્ટમ પસંદ કરવાની તક મળશે?

નિષ્ણાંતોના મતે આ મહિને રજૂ થનારા બજેટમાં કરાયેલા સુધારા 1 એપ્રિલ, 2024થી અમલમાં આવશે, સિવાય કે બજેટ દસ્તાવેજમાં અન્ય કોઈ અસરકારક તારીખનો ઉલ્લેખ કરવામાં આવ્યો નથી. તેનો અર્થ એ છે કે, જો બજેટમાં બીજું કંઈ કહેવામાં આવ્યું નથી, તો નવા ટેક્સ નિયમો 1 એપ્રિલ, 2024થી અમલમાં આવશે.

જો બજેટમાં નવી ટેક્સ સિસ્ટમમાં કોઈ નવી ટેક્સ રાહત આપવામાં આવે તો કર્મચારીઓને તેનો તાત્કાલિક લાભ મળી શકે છે. નવી કર પ્રણાલી હેઠળ આવતા પગારદાર વ્યક્તિઓ તેમના માસિક કર (TDS)માં તાત્કાલિક ઘટાડો અને ઘરે લઈ જવાના પગારમાં વધારો જોશે.

શું ફરીથી ટેક્સ સિસ્ટમ પસંદ કરવાનો ઓપ્શન હશે?

જો 1 એપ્રિલ, 2024થી આવકવેરાના સ્લેબ અને દરોમાં ફેરફાર કરવામાં આવશે, તો જાહેર કરાયેલા ફેરફારો કરદાતાઓની ટેક્સ ગણતરીઓને પણ અસર કરશે. એ પણ શક્ય છે કે એપ્રિલ 2024માં પસંદ કરાયેલી ટેક્સ વ્યવસ્થા કરતાં અલગ ટેક્સ સિસ્ટમ વધુ અનુકૂળ બની શકે.

કઈ પરિસ્થિતિમાં તમને આપોઆપ લાભ મળશે?

જો કે, આવકવેરા રિટર્ન ફાઇલ કરતી વખતે કર્મચારીઓ દ્વારા પસંદ કરવામાં આવેલ ટેક્સ પ્રણાલી ચોક્કસ નાણાકીય વર્ષ માટે એમ્પ્લોયરને જણાવવામાં આવેલ કર રિજીમથી અલગ હોઈ શકે છે. જો જુલાઇ 2024 ના બજેટમાં નવી કર વ્યવસ્થા હેઠળ વ્યક્તિગત કરવેરામાં કોઈ અનુકૂળ ફેરફારો થાય છે. તેથી, એમ્પ્લોયરને એવા કર્મચારીઓના સંબંધમાં નવી કર વ્યવસ્થા સાથે સંકળાયેલા ફેરફારોને લાગુ કરવામાં કોઈ પડકારનો સામનો કરવો પડશે નહીં કે જેમણે કાં તો નવી કર વ્યવસ્થા પસંદ કરી છે અથવા તો કોઈ જાહેરાત કરી નથી. (તે કિસ્સાઓમાં, નવી કર વ્યવસ્થા ડિફોલ્ટ રિજીમ હશે).

સરળ શબ્દોમાં કહીએ તો, જો તમે પહેલાથી જ નવી કર વ્યવસ્થા પસંદ કરી લીધી હોય અથવા કોઈપણ કર વ્યવસ્થા પસંદ કરી ન હોય, તો તમને નવા નિયમોનો લાભ આપમેળે જ મળશે.

જો કે, જે કર્મચારીઓએ નાણાકીય વર્ષ 2024-25ની શરૂઆતમાં (જુલાઈ 2024ના બજેટ પહેલા) જૂની ટેક્સ વ્યવસ્થા પસંદ કરી છે તેમના માટે આ એક પડકાર હશે. પરંતુ, જુલાઇ 2024 ના બજેટમાં અનુકૂળ સુધારાને કારણે નવી કર વ્યવસ્થા પર સ્વિચ કરવા માંગે છે.

'જૂની'માંથી 'નવી સિસ્ટમ' પર સ્વિચ કરવાની પરમિશન

0જો કે, પંજિયાર કહે છે કે, કર્મચારીને વર્ષના મધ્યમાં તેની ટેક્સ સિસ્ટમ બદલવાની મંજૂરી છે કે કેમ તે અંગે સ્પષ્ટતાનો અભાવ છે. પરંતુ, એમ્પ્લોયર તેના કર્મચારીઓને આવો ઓપ્શન આપી શકે છે. જો કે, ટેક્સપેયર્સ કે જેમણે ખાસ કરીને જૂની કર વ્યવસ્થાનો વિકલ્પ પસંદ કર્યો હતો તેઓને આવકવેરા રિટર્ન ફાઇલ કરતી વખતે 'જૂની રિજીમ'માંથી 'નવી રિજીમ' પર સ્વિચ કરવાની છૂટ છે અને તેઓ કાપવામાં આવેલા વધારાના TDSના રિફંડનો દાવો કરી શકે છે.

આ પણ વાંચો-એપ્રિલથી જૂન વચ્ચે મકાનોનું વેચાણ ઘટ્યું, જાણો 8 મોટા શહેરોની હાલત, અમદાવાદમાં કુલ કેટલા વેચાયા?

મતલબ કે જો તમે પહેલાથી જ જૂની ટેક્સ સિસ્ટમ પસંદ કરી છે અને પછી તમને લાગે છે કે નવી સિસ્ટમ વધુ ફાયદાકારક છે. તેથી, આવકવેરા રિટર્ન ફાઇલ કરતી વખતે તમે નવા રિજીમ પર સ્વિચ કરી શકો છો. આમ કરવાથી તમને કાપવામાં આવેલા વધારાના ટેક્સનું રિફંડ પણ મળશે.