US-Bangladesh Secret Trade Deal: ભારત અને અમેરિકા વચ્ચે તાજેતરમાં થયેલી વ્યાપાર સમજૂતી (Trade Deal)ની શાહી હજુ સુકાઈ નથી ત્યાં પડોશી દેશ બાંગ્લાદેશમાં એક નવા રાજકીય અને આર્થિક ડ્રામાના એંધાણ મળી રહ્યા છે. મીડિયા રિપોર્ટ્સ મુજબ, અમેરિકા હવે બાંગ્લાદેશ સાથે પણ એક 'સિક્રેટ ટ્રેડ ડીલ' કરવાની તૈયારીમાં છે. આ સમાચાર વહેતા થતાની સાથે જ બાંગ્લાદેશના રાજકીય વર્તુળોમાં ગરમાવો આવી ગયો છે.
US-Bangladesh Secret Deal: ભારત બાદ હવે બાંગ્લાદેશ સાથે ‘સિક્રેટ ગેમ'? ચૂંટણી પહેલા અમેરિકાની આ ડીલથી ખળભળાટ!
US-Bangladesh Secret Trade Deal: ભારત સાથેની વ્યાપાર સમજૂતી બાદ હવે અમેરિકા બાંગ્લાદેશ સાથે ‘સિક્રેટ ડીલ' કરવા જઈ રહ્યું છે. ચૂંટણીના માત્ર 3 દિવસ પહેલા થનારી આ સમજૂતી સામે અનેક સવાલો ઉભા થયા છે. જાણો વિગતવાર અહેવાલ.
અપડેટેડ 10:28:38 AM Feb 08, 2026 પર
US-Bangladesh Secret Trade Deal: ભારત સાથેની વ્યાપાર સમજૂતી બાદ હવે અમેરિકા બાંગ્લાદેશ સાથે ‘સિક્રેટ ડીલ' કરવા જઈ રહ્યું છે.
ચૂંટણી પહેલા જ કેમ? શંકાસ્પદ ટાઈમિંગ
સૌથી વધુ ચર્ચા આ ડીલના સમયને લઈને થઈ રહી છે. રિપોર્ટ્સ દાવો કરે છે કે આ સમજૂતી 9 ફેબ્રુઆરી, 2026 સુધીમાં ફાઈનલ થઈ જશે. મહત્વની વાત એ છે કે બાંગ્લાદેશમાં સામાન્ય ચૂંટણી 12 ફેબ્રુઆરીએ યોજાવાની છે. એટલે કે, ચૂંટણીના માત્ર 3 દિવસ પહેલા જ આટલો મોટો નિર્ણય લેવાઈ રહ્યો છે, જેને લઈને અનેક તર્ક-વિતર્ક થઈ રહ્યા છે.
આને ‘સિક્રેટ ડીલ' કેમ કહેવાય છે?
બાંગ્લાદેશ સરકાર અમેરિકા સાથે ટેરિફ અને વ્યાપારને લગતી વાતચીત કરી રહી હોવાનું મનાય છે, પરંતુ આશ્ચર્યની વાત એ છે કે આ ડીલની શરતો શું હશે તે અંગે કોઈ જ ફોડ પાડવામાં આવ્યો નથી.
* આ અંગે દેશની સંસદને કોઈ જાણકારી નથી.
* સામાન્ય જનતા પણ આ વિગતોથી અજાણ છે.
* શરતો જાહેર ન હોવાથી તેને 'સિક્રેટ ડીલ'નું નામ આપવામાં આવ્યું છે.
* અર્થશાસ્ત્રીઓની ચેતવણી: નવી સરકાર પર બોજો વધશે
દેશના દિગ્ગજ અર્થશાસ્ત્રીઓ આ ટાઈમિંગ સામે લાલબત્તી ધરી રહ્યા છે. તેમનું માનવું છે કે જ્યારે દેશ ચૂંટણીના ઉંબરે ઉભો હોય ત્યારે સરકારે આવો મોટો નિર્ણય ન લેવો જોઈએ. નવી સરકાર બન્યા પછી આ જવાબદારી તેમના શિરે આવવી જોઈએ. સંસદમાં ચર્ચા કર્યા વગર ઉતાવળે કરાતી આ સમજૂતી લાંબા ગાળે દેશના હિતોને નુકસાન પહોંચાડી શકે છે.
ટેક્સટાઈલ ઉદ્યોગ અને ભારત ફેક્ટર
બાંગ્લાદેશનું અર્થતંત્ર મોટાભાગે રેડીમેડ ગારમેન્ટ્સ અને ટેક્સટાઈલ સેક્ટર પર નિર્ભર છે. નિષ્ણાતોનું માનવું છે કે જો અમેરિકા આ ડીલમાં બાંગ્લાદેશને કોઈ ખાસ છૂટછાટ નહીં આપે, તો અમેરિકન કંપનીઓનો ઝુકાવ ભારત તરફ વધી જશે. કારણ કે ભારત અને અમેરિકા વચ્ચે ડીલ થઈ ચૂકી છે, જેનો સીધો ફાયદો ભારતીય નિકાસકારોને મળશે. આ ડરને કારણે પણ બાંગ્લાદેશ દબાણમાં હોઈ શકે છે.
આર્થિક કરતા રાજકીય ગણતરી વધુ?
રાજકીય વિશ્લેષકોના મતે, બરાબર ચૂંટણી સમયે જ અમેરિકા સાથે ડીલ કરવાની ઉતાવળ એ સૂચવે છે કે આમાં આર્થિક ફાયદા કરતા રાજકીય ગણતરીઓ વધુ છે. આગામી દિવસોમાં આ મુદ્દે બાંગ્લાદેશમાં વિરોધ પક્ષો હોબાળો મચાવે અને રાજકીય વિવાદ વધુ ગંભીર બને તેવી પૂરી શક્યતાઓ છે.
MoneyControl News
પહેલા મનીકંટ્રોલ ગુજરાતી પર ગુજરાતીમાં સ્ટોક માર્કેટ, Stock Tips, સમાચાર, પર્સનલ ફાઇનાન્સ અને બિઝનેસ સંબંધિત સમાચાર વાંચો. દૈનિક બજાર અપડેટ્સ માટે Moneycontrol App ડાઉનલોડ કરો.
