એરટેલમાં મોટો ફેરફાર! 5 વર્ષ માટે નવા MD અને CEOની નિમણૂક, જાણો કોણ સંભાળશે કંપનીની કમાન

New CEO Airtel: ભારતની ટેલિકોમ જાયન્ટ કંપની ભારતી એરટેલમાં એક મોટા ફેરફારની જાહેરાત કરવામાં આવી છે. કંપનીએ 18 ડિસેમ્બરના રોજ પોતાના નવા મેનેજિંગ ડિરેક્ટર (MD) અને ચીફ એક્ઝિક્યુટિવ ઓફિસર (CEO) તરીકે શાશ્વત શર્માની નિમણૂક કરી છે. આ ફેરફાર કંપનીના ભવિષ્ય માટે ખૂબ જ મહત્વપૂર્ણ માનવામાં આવે છે.

શાશ્વત શર્મા બન્યા નવા બોસ

શાશ્વત શર્મા આગામી 5 વર્ષ માટે કંપનીનું નેતૃત્વ કરશે. તેમનો કાર્યકાળ 1 જાન્યુઆરી, 2026થી શરૂ થશે. હાલમાં શાશ્વત શર્મા એરટેલના CEO પદ માટે નિયુક્ત છે અને કંપનીના કન્ઝ્યુમર બિઝનેસનું નેતૃત્વ કરી રહ્યા છે. તેમણે વર્તમાન CEO ગોપાલ વિટ્ટલ સાથે મળીને કામ કર્યું છે, જેના કારણે તેમને કંપનીના તમામ પાસાઓની ઊંડી સમજ છે. આ પહેલા પણ તેમણે ચીફ ઓપરેટિંગ ઓફિસર તરીકે શાનદાર કામગીરી કરી છે.

વર્તમાન CEO ગોપાલ વિટ્ટલને મળી નવી જવાબદારી

મેનેજમેન્ટમાં અન્ય મોટા ફેરફારો

કંપનીમાં અન્ય પણ કેટલીક મહત્વપૂર્ણ નિમણૂકો થઈ છે, જે 1 જાન્યુઆરી, 2026 થી લાગુ થશે:

સૌમેન રે: તેમને ગ્રુપ ચીફ ફાઇનાન્સિયલ ઓફિસર (CFO) બનાવવામાં આવ્યા છે. તેઓ છેલ્લા ચાર વર્ષથી ભારતી એરટેલ ઇન્ડિયાના ફાઇનાન્સ ચીફ હતા.

અખિલ ગર્ગ: સૌમેન રે નું સ્થાન અખિલ ગર્ગ લેશે. તેઓ છેલ્લા 12 વર્ષથી એરટેલ સાથે જોડાયેલા છે.

રોહિત પુરી: તેમને ભારતી એરટેલના કંપની સેક્રેટરી અને કમ્પ્લાયન્સ ઓફિસર તરીકે નિયુક્ત કરવામાં આવ્યા છે.

ચેરમેન સુનીલ મિત્તલે શું કહ્યું?

આ નિમણૂકો પર ખુશી વ્યક્ત કરતાં ભારતી એરટેલના ચેરમેન સુનીલ ભારતી મિત્તલે કહ્યું, "હું એરટેલમાં નેતૃત્વના આ ફેરફારથી ખૂબ જ ખુશ છું. મને ખાતરી છે કે ગોપાલ અને શાશ્વત પોતાની નવી ભૂમિકાઓમાં સફળ થશે અને કંપનીને નવી ઊંચાઈઓ પર લઈ જશે." તેમણે ઉમેર્યું કે, "અમારી મેનેજમેન્ટ ટીમ ખૂબ જ પ્રોફેશનલ છે અને અમે શ્રેષ્ઠ ગ્લોબલ ટેલિકોમ કંપની બનવાની દિશામાં આગળ વધી રહ્યા છીએ."

આ પણ વાંચો- માર્કેટ આઉટલુક 2026: મિડકેપનું વળગણ છોડો, લાર્જ કેપ શેર્સમાં રોકાણ કરી સુરક્ષિત નફો કમાઓ! જાણો નિષ્ણાતનો મત