HAL Shares: લાંબા સમય બાદ તેજસ Mk1Aની ડિલિવરી થશે શરૂ, જાણો રોકાણકારો માટે શું છે નવું અપડેટ?

HAL Shares: ડિફેન્સ સેક્ટરની દિગ્ગજ કંપની હિન્દુસ્તાન એરોનોટિક્સ લિમિટેડ (HAL)ના રોકાણકારો માટે એક સારા સમાચાર સામે આવ્યા છે. 18 મે, સોમવારના રોજ શેરબજાર ખૂલતા જ આ સરકારી એરોસ્પેસ કંપનીના શેરોમાં મોટી હલચલ જોવા મળી શકે છે. આનું મુખ્ય કારણ તેજસ Mk1A (Tejas Mk1A) ફાઇટર જેટની ડિલિવરીને લઈને આવેલું એક મોટું અને પોઝિટિવ અપડેટ છે. લાંબા સમયથી અટવાયેલી આ ફાઈટર જેટની ડિલિવરી હવે ટૂંક સમયમાં શરૂ થઈ શકે છે.

ડિલિવરી ક્યારે શરૂ થશે અને કેટલા એન્જિન મળ્યા?

એન્જિનના સપ્લાય અને ટેસ્ટિંગના કામમાં થયેલા વિલંબને કારણે ભારતીય વાયુસેનાને તેજસ Mk1A ની ડિલિવરી લાંબા સમયથી અટકી પડી હતી. પરંતુ હવે આ પ્રોગ્રામ ફરી પાટા પર ચડતો દેખાઈ રહ્યો છે.

એન્જિન સપ્લાય: મીડિયા રિપોર્ટ્સ અનુસાર, HAL ને અત્યાર સુધીમાં જીઈ એરોસ્પેસ (GE Aerospace) તરફથી 6 એન્જિન મળી ગયા છે.

ટેસ્ટિંગ ચાલુ છે: વિમાનમાં એન્જિન ઈન્સ્ટોલ કર્યા પછી પણ કેટલાક રિફાઈનમેન્ટ અને ટેસ્ટિંગના કામ ચાલી રહ્યા છે, પરંતુ કંપની ખૂબ જ પોઝિટિવ દિશામાં આગળ વધી રહી છે.

HALના શેરમાં કેવો રહ્યો ઉતાર-ચઢાવ?

શેરબજારમાં કંપનીના તાજેતરના પ્રદર્શનની વાત કરીએ તો એક દિવસ પહેલાં 15 મે ના રોજ BSE પર HAL નો શેર 4.86% ના ઘટાડા સાથે 4386.55 પર બંધ થયો હતો. અગાઉ 16 મે 2025 ના રોજ આ શેરે 5166.00 ની 1 વર્ષની હાઈ સપાટી (52-week high) બનાવી હતી. ત્યારપછીના 10 મહિનામાં આ શેરમાં 32.65%નો ઘટાડો નોંધાયો અને 30 માર્ચ 2026 ના રોજ તે 3479.20 ના એક વર્ષના નીચલા સ્તરે (52-week low) પહોંચી ગયો હતો.

કંપનીની ઓર્ડર બુક અને ભવિષ્યની તૈયારી

જીઈ એરોસ્પેસ દ્વારા આવનારા વર્ષમાં વધારાના એન્જિન સપ્લાય કરવાનું વચન આપવામાં આવ્યું છે. નાણાકીય વર્ષ 2027 માં HAL ને 15 થી 20 જેટલા નવા એન્જિન મળવાની આશા છે. કંપનીનું માનવું છે કે આવનારા વર્ષોમાં ‘તેજસ Mk1A પ્રોગ્રામ' કંપનીની આવક (Manufacturing Revenue) નો સૌથી મોટો સ્રોત બની જશે.

નાણાકીય વર્ષ 2026 ના અંતે કંપનીની ઓર્ડર બુક 1.89 લાખ કરોડથી જબરદસ્ત ઉછાળો મારીને 2.54 લાખ કરોડ થઈ ગઈ છે. વર્ષ 2026 માં કંપનીને કુલ 97,028 કરોડના નવા ઓર્ડર મળ્યા છે, જેમાં 97 તેજસ વિમાનોના કોન્ટ્રાક્ટનો પણ સમાવેશ થાય છે.

બ્રોકરેજ ફર્મની શું છે સલાહ?

તેજસ પ્રોગ્રામની ડિલિવરીની સમયમર્યાદા વારંવાર લંબાવાને કારણે રોકાણકારો અને વિશ્લેષકોમાં થોડી ચિંતા જોવા મળી છે. અમુક નિષ્ણાતોએ એવો પણ સવાલ ઉઠાવ્યો છે કે શું આ ડિલિવરી નાણાકીય વર્ષ 2027 થી પણ આગળ જઈ શકે છે?

આ બધી બાબતોને ધ્યાનમાં રાખીને જાણીતી બ્રોકરેજ ફર્મ ગોલ્ડમેન સૅશ (Goldman Sachs) એ HAL ના શેર પર પોતાનું ‘ન્યુટ્રલ' (Neutral) રેટિંગ જાળવી રાખ્યું છે. જોકે, તેમણે આ શેરનો ટાર્ગેટ પ્રાઇસ 5255 થી ઘટાડીને 5225 કરી દીધો છે. બ્રોકરેજનું કહેવું છે કે કંપનીના કામકાજની ઝડપમાં સુધારો અને તેજસની સમયસર ડિલિવરી જ રોકાણકારો માટે આવનારા સમયમાં મુખ્ય ટ્રિગર સાબિત થશે.

આ પણ વાંચો- શેરબજારમાં FPIની મહા-વેકવાલી: મે મહિનામાં 27,048 કરોડ ઉપાડી લીધા, જાણો વિદેશી રોકાણકારો કેમ સતત શેર વેચી રહ્યા છે?

Disclaimer: મનીકંટ્રોલ.કોમ પર આપવામાં આવેલી સલાહ કે વિચારો એક્સપર્ટ/બ્રોકરેજ ફર્મના અંગત મંતવ્યો છે. વેબસાઇટ કે તેનું મેનેજમેન્ટ તેના માટે જવાબદાર નથી. યુઝર્સને મનીકંટ્રોલ દ્વારા સલાહ આપવામાં આવે છે કે કોઈપણ રોકાણનો નિર્ણય લેતા પહેલા હંમેશા પ્રમાણિત નિષ્ણાતની સલાહ લેવી.