Stock in Focus: કમાણીનો મોકો! Muthoot Financeના શેર પર મળશે 30નું ડિવિડન્ડ, માત્ર 3 દિવસ બાકી, ફટાફટ ચેક કરો વિગતો

Stock in Focus: જો તમે શેરબજારમાં રોકાણ કરીને ડિવિડન્ડ દ્વારા વધારાની કમાણી કરવા માંગો છો, તો તમારા માટે એક મહત્વના સમાચાર છે. દેશની સૌથી મોટી ગોલ્ડ લોન આપતી NBFC કંપની મુથૂટ ફાઈનાન્સ (Muthoot Finance)ના શેર આગામી અઠવાડિયે ચર્ચામાં રહેવાના છે. કંપની તેના રોકાણકારોને મોટું ડિવિડન્ડ આપવા જઈ રહી છે.

30નું ડિવિડન્ડ અને 3 દિવસની તક

મુથૂટ ફાઈનાન્સે તેના શેરધારકો માટે પ્રતિ શેર 30 ના ડિવિડન્ડની જાહેરાત કરી છે. આ ડિવિડન્ડ મેળવવા માટેની એક્સ-ડેટ (Ex-date) 13 એપ્રિલ નક્કી કરવામાં આવી છે.

અહીં ખાસ નોંધવા જેવી બાબત એ છે કે, 14 એપ્રિલ (મંગળવાર) ના રોજ ડૉ. બાબાસાહેબ આંબેડકર જયંતિ નિમિત્તે શેરબજારમાં રજા રહેશે. આથી, જો તમે આ ડિવિડન્ડનો લાભ લેવા માંગતા હોવ, તો તમારી પાસે શેર ખરીદવા માટે હવે માત્ર 3 જ દિવસનો સમય બચ્યો છે. નિયમ મુજબ, ડિવિડન્ડ મેળવવા માટે તમારે એક્સ-ડેટ પહેલા શેરની ખરીદી કરવી જરૂરી છે.

મુથૂટ ફાઈનાન્સના શેરના પ્રદર્શન પર નજર કરીએ તો તેણે રોકાણકારોને માલામાલ કરી દીધા છે. 11 એપ્રિલ 2025 ના રોજ આ શેર 1964.35 ના સ્તરે હતો, જે તેનું એક વર્ષનું લો લેવલ હતું. ત્યારબાદ માત્ર 9 મહિનામાં જ શેરમાં 111.21% નો તોતિંગ ઉછાળો આવ્યો અને 29 જાન્યુઆરી 2026 ના રોજ તે 4149.00 ની ઓલ-ટાઇમ હાઈ સપાટીએ પહોંચ્યો હતો. જોકે, હાલમાં શેર તેના હાઈ લેવલથી લગભગ 13.89% જેટલો નીચે ટ્રેડ થઈ રહ્યો છે.

કંપનીની આર્થિક સ્થિતિ કેવી છે?

મુથૂટ ફાઈનાન્સના તાજેતરના ત્રિમાસિક પરિણામો ખૂબ જ શાનદાર રહ્યા છે. ડિસેમ્બર 2025 ના ક્વાર્ટરમાં કંપનીના બિઝનેસમાં મોટો ગ્રોથ જોવા મળ્યો છે:

શુદ્ધ નફો: કંપનીનો નફો વાર્ષિક ધોરણે 94.9% વધીને 2656 કરોડ થયો છે.

નેટ ઇન્ટરેસ્ટ ઇનકમ (NII): વ્યાજની આવકમાં પણ 64% નો વધારો થયો છે, જે 4467 કરોડ પર પહોંચી છે.

લોન એસેટ્સ (AUM): કંપનીનું કુલ લોન એયુએમ (AUM) 48% વધીને 1,64,720 કરોડ થયું છે. જેમાં ગોલ્ડ લોન પોર્ટફોલિયો પણ 50% ના ઉછાળા સાથે 1,39,658 કરોડ પર પહોંચ્યો છે.

મુથૂટ ફાઈનાન્સના મજબૂત ફાઈનાન્શિયલ ગ્રોથ અને આકર્ષક ડિવિડન્ડને જોતા રોકાણકારોમાં આ શેર પ્રત્યે ભારે ઉત્સાહ જોવા મળી રહ્યો છે. જો તમે પણ 30 ના ડિવિડન્ડનો લાભ લેવા ઈચ્છતા હોવ, તો સમય મર્યાદાનું ધ્યાન રાખીને યોગ્ય નિર્ણય લઈ શકો છો.

આ પણ વાંચો- ભારતીય શેરબજારમાં વિદેશી રોકાણકારોનો ફફડાટ: એપ્રિલના માત્ર 10 દિવસમાં 48,213 કરોડના શેર વેચી નાખ્યા

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.