શેરબજારમાં કડાકો: Bank Nifty 1.7% તૂટ્યો, HDFC અને ICICI Bankમાં ભારે ઘટાડો, જાણો રોકાણકારોએ હવે શું કરવું?

Indian Stock Market updates: 13 માર્ચના રોજ શેરબજારમાં ફાઇનાન્સિયલ શેરોમાં ભારે વેચવાલી જોવા મળી રહી છે. ખાસ કરીને બેન્કિંગ સેક્ટરના દિગ્ગજ શેરો રોકાણકારોને રડાવી રહ્યા છે. સવારે 10:30 વાગ્યાની આસપાસ Bank Nifty ઇન્ડેક્સ 1.75%ના મોટા ઘટાડા સાથે 54,000ના સ્તરની આસપાસ ટ્રેડ કરી રહ્યો હતો. બેન્ક નિફ્ટીના તમામ શેરો લાલ નિશાનમાં ટ્રેડ થતા જોવા મળ્યા હતા, જે બજારમાં ચાલી રહેલા ગભરાટનો સંકેત આપે છે.

દિગ્ગજ બેન્કોના શેરોનું ધોવાણ

ખાનગી અને સરકારી બંને બેન્કોના શેરોમાં આજે ભારે નુકસાન જોવા મળ્યું છે:

HDFC Bank: બેન્કિંગ સેક્ટરના આ સૌથી મોટા શેરમાં 2.19% નો મોટો ઘટાડો નોંધાયો છે.

SBI (State Bank of India): સરકારી બેન્કો (PSU) માં SBI સૌથી વધુ નુકસાનમાં છે, જેમાં 2% થી વધુનો કડાકો બોલી ગયો છે.

બજાર કેમ તૂટી રહ્યું છે?

1. ક્રૂડ ઓઇલના આસમાને પહોંચેલા ભાવ

આંતરરાષ્ટ્રીય બજારમાં બ્રેન્ટ ક્રૂડનો ભાવ 100 ડોલરની આસપાસ પહોંચી ગયો છે, જે બેન્કિંગ શેરો માટે સૌથી મોટો ખતરો છે. ક્રૂડ મોંઘુ થવાથી ડર છે કે દેશમાં લોન લેવાનો ખર્ચ વધશે, બોન્ડ યીલ્ડ ઉપર જશે અને બેન્કોનો ટ્રેઝરી નફો ઘટી જશે. આ જ કારણથી 13 માર્ચે 10-વર્ષના બેન્ચમાર્ક બોન્ડનો ભાવ 98.6275 રૂપિયા પર બોલાયો, અને તેની યીલ્ડ વધીને 6.6758% થઈ ગઈ છે. અમેરિકાની ટ્રેઝરી યીલ્ડમાં થયેલો વધારો પણ આ માટે જવાબદાર છે.

2. રૂપિયાનો ઐતિહાસિક ઘટાડો

શુક્રવારે ભારતીય રૂપિયો ડોલર સામે ગગડીને તેના અત્યાર સુધીના સૌથી નીચલા સ્તરે પહોંચી ગયો છે. મધ્ય-પૂર્વમાં અમેરિકા, ઇઝરાયેલ અને ઇરાન વચ્ચે ચાલી રહેલા યુદ્ધને કારણે વૈશ્વિક બજારોમાં ડરનો માહોલ છે. રૂપિયો તેના અગાઉના 92.3575ના રેકોર્ડ લો-લેવલને તોડીને 92.39 રૂપિયા પ્રતિ ડોલરની આસપાસ પહોંચી ગયો છે. યુદ્ધ શરૂ થયા પછી રૂપિયામાં 1% થી વધુનો ઘટાડો આવ્યો છે. જોકે, રિઝર્વ બેન્ક ઓફ ઇન્ડિયા (RBI)ના હસ્તક્ષેપને કારણે રૂપિયો અન્ય દેશોના ચલણની સરખામણીમાં થોડો ટકી રહ્યો છે.

રોકાણકારો માટે હવે શું છે રણનીતિ?

બજારની આ પરિસ્થિતિમાં ટ્રેડર્સ અને રોકાણકારો મુંઝવણમાં છે. ત્યારે ટેકનિકલ એનાલિસ્ટ્સ શું માને છે તે જાણવું જરૂરી છે:

ચોઇસ બ્રોકિંગના રિસર્ચ એનાલિસ્ટ હિતેશ ટેલર ના જણાવ્યા અનુસાર, Bank Nifty માટે હાલમાં 54,000 થી 54,200 નું લેવલ એક મહત્વનો સપોર્ટ છે. RSI 26.71 પર છે, જે દર્શાવે છે કે બજાર હવે ‘ઓવરસોલ્ડ' (oversold) ઝોનની નજીક છે, એટલે કે અહીંથી થોડો ઉછાળો આવી શકે છે.

સેમકો સિક્યોરિટીઝ (SAMCO Securities) ના રિસર્ચ એનાલિસ્ટ ધુમેશ ધમેજા નું કહેવું છે કે Bank Nifty સતત 'લોઅર-હાઈ' (lower-high) પેટર્ન બનાવી રહ્યો છે. આનો અર્થ એ છે કે જ્યારે પણ બજાર થોડું ઉપર જાય છે, ત્યારે નવી વેચવાલી આવી જાય છે. ઇન્ડેક્સ તેના 10-DEMAની નીચે ટ્રેડ કરી રહ્યો છે. વધુમાં, કલાકના ચાર્ટ પર ઇન્ડેક્સ 20-EMA, 50-EMA અને સુપર ટ્રેન્ડની નીચે છે. આ બધું દર્શાવે છે કે ટૂંકા ગાળા માટે બજારનો કંટ્રોલ હજુ પણ વેચવાલી કરનારા (Sellers) ના હાથમાં જ છે.

હાલમાં ગ્લોબલ માર્કેટના ખરાબ સંકેતો, મોંઘુ ક્રૂડ ઓઇલ અને નબળો રૂપિયો શેરબજાર પર દબાણ બનાવી રહ્યા છે. રોકાણકારોએ હાલમાં નવી મોટી ખરીદી કરવાને બદલે સાવચેતીપૂર્વક કામ લેવું જોઈએ.

આ પણ વાંચો- Srinibas Pradhan Constructions: શેરબજારમાં ધીમી શરૂઆત, રોકાણકારોને મળ્યો માત્ર 2% નફો, જાણો કંપનીની તમામ ડિટેલ્સ

ડિસ્ક્લેમર: Moneycontrol.com પર વ્યક્ત કરાયેલા મંતવ્યો નિષ્ણાતોના અંગત મંતવ્યો છે. આ માટે વેબસાઇટ અથવા મેનેજમેન્ટ જવાબદાર નથી. મની કંટ્રોલ યુઝર્સને કોઈપણ રોકાણ નિર્ણય લેતા પહેલા પ્રમાણિત નિષ્ણાતની સલાહ લેવાની સલાહ આપે છે.