Tata Groupનો દબદબો, સતત 18માં વર્ષે બની સૌથી વેલ્યુએબલ બ્રાન્ડ, ટોપ-10 માં માત્ર આ 1 કંપનીની વેલ્યુ ઘટી

વૈશ્વિક અર્થવ્યવસ્થામાં ચાલી રહેલી ઉથલપાથલ વચ્ચે પણ ભારતીય કોર્પોરેટ સેક્ટર પોતાની મજબૂતી સાબિત કરી રહ્યું છે. દેશના સૌથી મોટા ઔદ્યોગિક ગૃહ ટાટા ગ્રુપનો દબદબો હજુ પણ અકબંધ છે. સતત 18માં વર્ષે ટાટા ગ્રુપ દેશની સૌથી મૂલ્યવાન બ્રાન્ડ બની છે. બ્રાન્ડ ફાઇનાન્સના લેટેસ્ટ 'ઇન્ડિયા 100 2026' રિપોર્ટ મુજબ, દેશની 100 સૌથી વેલ્યુએબલ બ્રાન્ડ્સની વેલ્યુ વાર્ષિક ધોરણે 7% વધીને $25.3 હજાર કરોડ પર પહોંચી ગઈ છે. ચાલો જાણીએ દેશની ટોપ-10 કંપનીઓ અને સૌથી ઝડપથી વિકસતી બ્રાન્ડ્સ વિશેની સંપૂર્ણ માહિતી.

ટાટા ગ્રુપ નંબર 1 પર બરકરાર

ઇલેક્ટ્રોનિક્સ, સેમિકન્ડક્ટર, ડિજિટલ ઇન્ફ્રાસ્ટ્રક્ચર અને ઇલેક્ટ્રિક વ્હિકલ સેક્ટરમાં કરેલા જંગી રોકાણને કારણે ટાટા ગ્રુપે પોતાનું સ્થાન વધુ મજબૂત કર્યું છે. કંપનીની બ્રાન્ડ વેલ્યુ 6% ના વધારા સાથે $3.36 હજાર કરોડ પર પહોંચી ગઈ છે, જેના કારણે તે સતત 18માં વર્ષે ટોચના સ્થાને છે.

ટોપ-10 કંપનીઓની સ્થિતિ: કોને નફો, કોને નુકસાન?

બીજા ક્રમે ઇન્ફોસિસ: AI અને ક્લાઉડ સર્વિસની વધતી માંગને કારણે ઇન્ફોસિસ $1.64 હજાર કરોડની બ્રાન્ડ વેલ્યુ સાથે સતત પાંચમા વર્ષે બીજા સ્થાને રહી છે.

ત્રીજા ક્રમે LIC: ગ્રામીણ વિસ્તારોમાં મજબૂત નેટવર્કના દમ પર LIC ની બ્રાન્ડ વેલ્યુ 12% વધીને $1.53 હજાર કરોડ થઈ છે.

ચોથા ક્રમે HDFC ગ્રુપ (વેલ્યુ ઘટી): ટોપ-10 માં માત્ર HDFC ગ્રુપ એવું છે જેની બ્રાન્ડ વેલ્યુમાં 2% નો ઘટાડો થયો છે અને તે ઘટીને $1.39 હજાર કરોડ પર આવી ગઈ છે. છતાં તેણે ચોથું સ્થાન જાળવી રાખ્યું છે.

પાંચમા ક્રમે રિલાયન્સ: રિટેલ, ટેલિકોમ અને એનર્જી સેક્ટરના જોરે રિલાયન્સ ગ્રુપની વેલ્યુ 11% વધીને $1.08 હજાર કરોડ થઈ છે.

છઠ્ઠા અને સાતમા ક્રમે: SBI ગ્રુપ 2% ના વધારા સાથે $980 કરોડની વેલ્યુ ધરાવે છે, જ્યારે HCLTech $900 કરોડની વેલ્યુ સાથે સાતમા સ્થાને છે.

આઠમા ક્રમે અદાણી ગ્રુપની શાનદાર એન્ટ્રી: અદાણી ગ્રુપે પહેલીવાર ટોપ-10 માં એન્ટ્રી મારી છે. તેની બ્રાન્ડ વેલ્યુ 31% ના જંગી ઉછાળા સાથે $850 કરોડ પર પહોંચી ગઈ છે.

નવમા અને દસમા ક્રમે: L&T 12% ના વધારા સાથે ($830 કરોડ) નવમા સ્થાને અને એરટેલ 6% ની વૃદ્ધિ સાથે ($810 કરોડ) દસમા સ્થાને છે.

ટોપ-10 ની બહાર આ કંપનીઓ રહી સૌથી ઝડપી

જો ટોપ-10 ની બહાર નજર કરીએ તો, દેશમાં સૌથી ઝડપથી બ્રાન્ડ વેલ્યુ વધારનાર કંપની સુઝલોન એનર્જી બની છે. રિન્યુએબલ એનર્જી સેક્ટરમાં મજબૂત ઓર્ડર બુકના કારણે તેની બ્રાન્ડ વેલ્યુ 114% ના તોતિંગ ઉછાળા સાથે $41.8 કરોડ થઈ ગઈ છે. આ ઉપરાંત અદાણી પાવરમાં 152%, યસ બેન્કમાં 79%, JSW ગ્રુપમાં 55%, MRF માં 24% અને જેટવર્કમાં 19% નો શાનદાર વધારો નોંધાયો છે.

તાજ હોટેલ્સ બની સૌથી મજબૂત બ્રાન્ડ

સૌથી મજબૂત બ્રાન્ડની વાત કરીએ તો, તાજ હોટેલ્સે સતત પાંચમા વર્ષે ટોચનું સ્થાન જાળવી રાખ્યું છે. તેનો બ્રાન્ડ સ્ટ્રેન્થ ઇન્ડેક્સ સ્કોર 100 માંથી 93.5 રહ્યો છે અને તેને AAA+ રેટિંગ મળ્યું છે. આ લિસ્ટમાં ઝોમેટો 37% ના ઉછાળા સાથે બીજા નંબરે અને અમૂલ 22% ના વધારા સાથે ત્રીજા નંબરે છે.

બીજી તરફ, IT સેક્ટરમાં TCS $2.12 હજાર કરોડની વેલ્યુ સાથે દેશની સૌથી વેલ્યુએબલ IT બ્રાન્ડ છે અને સતત પાંચમા વર્ષે વિશ્વની બીજી સૌથી વેલ્યુએબલ સર્વિસ બ્રાન્ડ બની રહી છે.

આ પણ વાંચો-Bank Nifty Crash: બેન્ક નિફ્ટીમાં 3 દિવસની તેજીને બ્રેક, ઈન્ડેક્સ 1% થી વધુ તૂટ્યો, કેનેરા અને કોટક બેન્કના શેરોમાં મોટો કડાકો

ડિસ્ક્લેમરઃ મનીકંટ્રોલ ડૉટ કૉમ નેટવર્ક 18 સમૂહનો હિસ્સો છે. મનીકંટ્રોલ ડૉટ કૉમ અને અન્ય ડિઝિટલ, પ્રિન્ટ અને ટીવી ચેનલ નેટવર્ક 18 ના અંતર્ગત આવે છે. નેટવર્ક 18 ના સ્વામિત્વ અને પ્રબંધન રિલાયન્સ ઈન્ડસ્ટ્રીઝના હાથમાં છે.

ડિસ્ક્લેમર: આ જાણકારી ફક્ત સૂચના હેતુ આપવામાં આવી રહી છે. અહીં બતાવુ જરૂરી છે કે માર્કેટમાં રોકાણ બજાર જોખમોના આધીન છે. રોકાણકારોની રીતે પૈસા લગાવાથી પહેલા હંમેશા એક્સપર્ટથી સલાહ લે. મનીકંટ્રોલની તરફથી કોઈને પણ પૈસા લગાવાની અહીં ક્યારેય પણ સલાહ નથી આપવામાં આવી છે.