કોમોડિટી લાઇવ: ઇન્વેન્ટરી ઘટતા ક્રૂડમાં તેજી આગળ વધી, સોના-ચાંદીમાં નવા વર્ષની શરૂઆત સારી

સોના માટે નવા વર્ષની શરૂઆત પોઝિટીવ નોટ સાથે થઈ, ગઈકાલની તેજી આગળ વધતા આજે શરૂઆતી કારોબારમાં comex પર સોનું 2630 ડૉલરની પાસે પહોંચતું દેખાયું, તો સ્થાનિક બજારમાં 77,045ના સ્તરની પાસે કારોબાર જોવા મળ્યો હતો.

ચાંદીમાં પણ સારી મજબૂતી જોવા મળી, જ્યાં વૈશ્વિક બજારમાં ભાવ આશરે 1 ટકા જેટલા વધીને 29 ડૉલરની ઉપર પહોંચ્યા, તો સ્થાનિક બજારમાં 88,489ના સ્તરની પાસે કારોબાર જોવા મળી રહ્યો છે.

USમાં ઇન્વેન્ટરી ઘટતા ક્રૂડની કિંમતોમાં ઉછાળો વધ્યો, જ્યાં બ્રેન્ટના ભાવ 74 ડૉલરના ઘણા ઉપર પહોંચ્યા, તો NYMEX ક્રૂડમાં અડધા ટકાથી વધુની મજબૂતી જોવા મળી, EIA મુજબ USમાં ક્રૂડની ઇન્વેન્ટરીમાં 1.4 મિલિયન બેરલથી ઘટી, અને આની સાથે જ સતત ત્રીજા મહિને USમાં ક્રૂડની ઇન્વેન્ટરીમાં ઘટાડો નોંધાયો છે, જેની સામે માગ વધવાની આશાએ કિંમતોને સપોર્ટ મળી રહ્યો છે.

છેલ્લા 3 દિવસની સારી તેજી બાદ આજે નેચરસ ગેસમાં દબાણ, શરૂઆતી કારોબારમાં સ્થાનિક બજારમાં કિંમતો આશરે 2 ટકાથી વધુ ઘટીને 307ના સ્તરની પાસે પહોંચતી દેખાઈ.

દેશમાં શિયાળા દરમિયાન લા-નીનો ફરી સર્કિય થાય તેવી ધારણા છે. જાન્યુઆરી-માર્ચ 2025 દરમિયાન લા-નીનોની અસર જોવા મળશે, પણ પ્રમાણમાં નબળું રહેશે. નવા વર્ષે પામતેલની ટેરિફ વેલ્યૂમાં 45 ડૉલર સુધીનો પ્રતિ ટન વધારો, સોયાતેલની ટેરિફ વેલ્યૂમાં ભાવ ઘટતા 13 ડૉલરનો ઘટાડો, કસ્ટમ વિભાગએ જાહેર નવું નોટીફિકેશન કર્યું. શિયાળામાં લા-નીનો સક્રિય થવાની ધારણા, ભારતીય હવામાન વિભાગનું અનુમાન, જોકે વરસાદ સામાન્ય કરતા ઓછો રહેવાની આશંકા છે.