કોમોડિટી લાઇવ: સોના-ચાંદીમાં નીચલા સ્તરેથી રિકવરી, ક્રૂડમાં રિકવરી, બ્રેન્ટ $73ને પાર

ડૉલર ઇન્ડેક્સ અને ટ્રેઝરી યીલ્ડમાં દબાણથી સોનાની ચમક વધી, જ્યાં COMEX પર ભાવ 2620 ડૉલરની પાસે રહ્યા, તો સ્થાનિક બજારમાં 76,355ના સ્તરની પાસે કારોબાર દેખાઈ રહ્યો છે.

ચાંદીમાં પણ નીચલા સ્તરેથી રિકવરી જોવા મળી, જ્યાં વૈશ્વિક બજારમાં શરૂઆતી કારોબારમાં આશરે અડધા ટકાથી વધુની મજબૂતી જોવા મળી, જોકે સ્થાનિક બજારમાં નાની રેન્જમાં કામકાજ થઈ રહ્યું છે.

ગત સપ્તાહે કિંમતો 2 ટકા તૂટી હતી. US ફેડ તરફથી હૉકિશ આઉટલૂકની અસર રહેશે. ચાઈના તરફથી માગને લઈ અનિશ્ચિતતા છે. US તરફથી વધુ ટેરિફની ચિંતાએ કિંમતો ઘટી છે.

US પોલિસીથી અર્થતંત્રને સપોર્ટ મળવાની આશાએ ક્રૂડની કિંમતોમાં નીચલા સ્તરેથી રિકવરી જોવા મળી, જ્યાં બ્રેન્ટના ભાવ 73 ડૉલરની ઉપર આવ્યા, તો NYMEX ક્રૂડમાં 69 ડૉલરની ઉપર કારોબાર જોવા મળ્યો. ઉલ્લેખનિય છે કે ગત સપ્તાહે ક્રૂડની કિંમતોમાં આશરે 3 ટકાનો ઘટાડો નોંધાયો હતો. આ સાથે જ 2025માં ચાઈના ક્રૂડનો ઇમ્પોર્ટ વધે તેવા અનુમાન બની રહ્યા છે.

ગત સપ્તાહે કિંમતો 3 ટકા તૂટી હતી. આજે કિંમતોમાં નીચલા સ્તરેથી રિકવરી આવી. સિનોપેક ચાઈના મુજબ 2025માં ચાઈનાનો ક્રૂડ ઇમ્પોર્ટ વધશે.

ક્રૂડ પર સિનોપેક ચાઈનો મત

2027 સુધી ચાઈનાનો ક્રૂડ વપરાશ વધી શકે છે. 2024માં OPECએ ડિમાન્ડ અનુમાન સતત પાંચમીવાર ઘટાડ્યું. US ચાઈના પર ટેરિફ લગાવી શકે છે.

શરૂઆતી કારોબારમાં સ્થાનિક બજારમાં નેચરલ ગેસમાં આશરે 3 ટકાથી વધુની ખરીદદારી સાથે 332ના સ્તરની પાસે કારોબાર જોવા મળ્યો હતો.

મસાલા પેકમાં મિશ્ર કારોબાર રહ્યો, જ્યાં હળદર અને ધાણામાં દબાણ રહ્યું, પણ ગુવાર પેકમાં ફ્લેટ ટૂ પોઝિટીવ કારોબાર જોવા મળી રહ્યો છે. તો એરંડા અને કપાસિયા ખોળમાં પણ મજબૂતી દેખાઈ રહી છે.