કોમોડિટી લાઇવ: ટ્રમ્પ એક્શનમાં આવતા સોના-ચાંદીમાં તેજી, ક્રૂડ ઓઈલમાં વોલેટાઈલ કારોબાર

શરૂઆતી કારોબારમાં ડૉલર સામે રૂપિયો 29 પૈસા મજબૂત થઈ 86.57 પ્રતિ ડૉલરની સામે 86.28 પ્રતિ ડૉલર પર ખૂલ્યો, જોકે ત્યાર બાદ રૂપિયાના સ્તરની પાસે કારોબાર જોવા મળી રહ્યો છે. ઉલ્લેખનિય છે કે ટ્રમ્પના રાષ્ટ્રપતિ બન્યા બાદ તરત ટેરિફ લગાવવાના કોઈ નિવેદન ન આવવાથી ડૉલર ઇન્ડેક્સ અને ક્રૂડમાં દબાણની પોઝિટીવ અસર રૂપિયા પર જોવા મળી છે.

ડૉલર ઇન્ડેક્સમાં આવેલી વેચવાલીના કારણે સોનાની ચમક વધી, COMEX પર ભાવ 2720 ડૉલરની પાસે પહોંચ્યા, તો સ્થાનિક બજારમાં 78,841ના સ્તરની પાસે કારોબાર જોવા મળ્યો હતો. ટ્રમ્પે વેપાર નીતિમાં ફેરફાર કરવાની ટાળ્યું હોવાથી ડૉલરમાં દબાણ બન્યું અને પરિણામે સોનાની કિંમતોને સપોર્ટ મળ્યો.

ટ્ર્મ્પ તરફથી કોઈ ટેરિફની ઘોષણા ન થતા અને ડૉલરમાં વેચવાલીના કારણે બેઝ મેટલ્સમાં રિકવરી જોવા મળી, જ્યાં કોપરમાં સૌથી વધારે પોઝિટીવ કારોબાર નોંધાયો, તો સ્થાનિક બજારમાં પણ મેટલ્સમાં ફ્લેટ ટૂ પોઝિટીવ કારોબાર જોવા મળ્યો હતો.

ક્રૂડમાં વોલેટાલિટી જોવા મળી, ગઈકાલે બ્રેન્ટના ભાવ 80 ડૉલરની નીચે પહોંચ્યા હતા, જોકે ત્યાર બાદ રિકવરી આવતા બ્રેન્ટમાં 80 ડૉલરની ઉપર કારોબાર નોંધાયો, જોકે NYMEX પર ક્રૂડમાં અડધા ટકાથી વધુની વેચવાલી બની, અહીં રશિયા પર USના પ્રતિબંધોને લઈ અનિશ્ચિતતાના કારણે કિંમતોમાં ઉતાર ચઢાવ જોવા મળ્યો છે.

શરૂઆતી કારોબારમાં સ્થાનિક બજારમાં નેચરલ ગેસની કિંમતો અડધા ટકા તૂટીને 329ના સ્તરની પાસે પહોંચતી દેખાઈ, અહીં જાન્યુઆરીમાં ગરમ હવામાનની આગાહીએ કિંમતો 2 વર્ષના ઉપલા સ્તરેથી ઘટી છે.

શુગરના એક્સપોર્ટને મંજૂરી આપી

સરકારે 2024-25 માટે 10 લાખ ટન શુગરના એક્સપોર્ટને મંજૂરી આપી. ખાદ્ય મંત્રાલયે નોટિફિકેશન બહાર પાડ્યું. શુગર મિલો તમામ ગ્રેડની શુગર એક્સપોર્ટ કરી શકશે. સરકારે 2022 માં શુગરના એક્સપોર્ટ પર પ્રતિબંધ મૂક્યો હતો. શુગરની કિંમતોમાં ઘટાડો આવતા ભાવ 5 મહિનાના નીચલા સ્તરે છે. બ્રાઝિલ અને થાઈલેન્ડમાં શેરડનું ઉત્પાદન વધવાનો અંદાજ રહેશે. બધી શુગર મિલો માટે નિકાસ ક્વોટા 3 વર્ષના સરેરાશ ઉત્પાદનના 3.174% પર નક્કી કરવામાં આવ્યો છે. સ્થાનિક વેચાણ ક્વોટાનું ઉલ્લંઘન કરનાર મિલોને એક્સપોર્ટમાંથી પ્રતિબંધિત કરી.